استفسار عن قص السوست (اليايات)

**keko** · 17-03-2011 08:49 AM

المشاركة الأصلية كتبت بواسطة MMamdouh

اى سوستة بيبقى ليها مقاسات محددة و بتبقى مصممة لتحمل حمل معين و النقطتين دول بياثروا فى بعض... يعنى الحمل المقرر للسوستة بيفرق فى تخانتها و مدى انضغاط لفاتها عند التركيب...

حتلاحظ دة فى بعض انواع السوست لما بتركب بتلاقى لفات قريبة اوى من بعض و لفات بعيدة عن بعض... دة مش عيب فى السوستة ولكن فية اجزاء منها بتنضغط بسهولة لتوفير الراحة و اجزاء تانية اتخن عشان الثبات

لما تيجى تقطع السوستة من اى طرف انت بتقلل طول السوستة و تقلل عدد لفاتها بالتالى بتقلل قدرتها على الانضغاط... دة بيخللى العربية ناشفة جدا و ممكن يكسر السوستة نتيجة الحمل الزائد

السوست السبور بتبقى بطبيعتها اقصر و انشف لكن تخانتها محسوبة صح و بالتالى لا بتكون ناشفة بشكل مرهق للركاب ولا فيه خطر انها تنكسر نتيجة الاجهاد

MMamdouh

الله ينور

**MMamdouh** · 17-03-2011 02:37 PM

المشاركة الأصلية كتبت بواسطة bedo13

1-ايه الحمل الزيادة على السوست اللي يكسرهم؟؟

مفهوم زيادة الحمل يعنى تجاوز الوزن الواقع على السوتة للحد الاقصى اللى تتحملة السوتة... صحيح وزن العربية مزادش لكن الحمل الاقصى اللى السوستة تتحملة قل لانها اصبحت اقصر

2-وبعد فترة قد ايه مثلا ؟؟

معرفش... ممكن نص ساعة و ممكن 5 سنين... انت و حظك

3-وهل مرة واحدة تتكسر ولا هحس قبلها؟؟

مفيش اى مؤشرات... الكسر بيحصل فجاءة

معلش اسئلتي كتير..

ولا يهمك

MMamdouh

**nice_bird** · 19-03-2011 01:59 AM

انا رائيي السوست الاسبور افضل لانها بتوطي العربية وبتكون انشف من الاصلية وبالتالي تحافظ علي مسافات الكاوتش والكرتيرات الفايبر ومتعملش مشاكل لاكن لو قصيت السوست هتوطي العربية وتبقي برضو طرية يعني اي حمل او اي مطب العجل هيحك في الكارتيرات الفايبر اللي بتحمي العربية من الصدا وبالنسبة لانك لو قصيت السوستة انا قريت قبل كدا انك بيتروح مخرطة بيقص السوستة ويظبطلها القاعدة ( اللفة الاخيرة ) وبتاع العفشة بيبقي دورو فك وتركيب بس

**magyver** · 19-03-2011 05:51 PM

والله من كتار الناس اللي بشفها موطية العربية ومعهظمهم اصحااابي
بيكونوا قاااصين
ووماافيش ولا وااحد لغاية دلوقتي حصلتلة حااجة
واخرهم واحد بتاع استيراد جوولف معاه جولف 2ومسقطلها مكنة 2000 سي سي وانا كنت مفكرة مركبلها عفشة اسبوور
لقيتة قاااصص في السووست ومركب صدااداات

**Mohamed.Raafat** · 19-03-2011 09:54 PM

المشاركة الأصلية كتبت بواسطة magyver

والله من كتار الناس اللي بشفها موطية العربية ومعهظمهم اصحااابي
بيكونوا قاااصين
ووماافيش ولا وااحد لغاية دلوقتي حصلتلة حااجة
واخرهم واحد بتاع استيراد جوولف معاه جولف 2ومسقطلها مكنة 2000 سي سي وانا كنت مفكرة مركبلها عفشة اسبوور
لقيتة قاااصص في السووست ومركب صدااداات

تمام يا باشا
بس متضمنش انه ده يحصل مع اي حد تانى بدون مشاكل

و ممكن مثلا ان السوستة تتكسر و العربية ماشية على سرعة عالية مثلا او في ملف خطر..

وربنا يستر طريقنا

**nice_bird** · 20-03-2011 02:57 AM

بس متضمنش انه ده يحصل مع اي حد تانى بدون مشاكل

و ممكن مثلا ان السوستة تتكسر و العربية ماشية على سرعة عالية مثلا او في ملف خطر..

وربنا يستر طريقنا

بالنسبة لموضوع كسر السوست ...السوسته بتكون مصنعة من سبيكة لها خواص ميكانيكية مصممة لاحتمال عمليات الشد و الجذب بطول السبيكة و
طالما لم تعرض السبيكة لأي تغير كيميائي متلا عن طريق التسخين .. -->ازاي ممكن تتعرض للكسر <--... و لما نشيل حلقة منها يبقى مثلا أنا شيلت مثلا 10% من طولها عن طريق الصاروخ او المخرطة (بعيدا عن التسخين) و بالتالي بتتغير خواصها الفيزيائية و بالتالي ينتج عنها اختلاف في خواص السوسته بس زي زيادة نشوفيتها لان 90% من السوسته فقط هي اللى بتقوم بعملية الشد و الجذب .... وبصراحة انا عمري ما سمعت عن سوستة اتكسرت

**bedo13** · 20-03-2011 06:45 AM

المشاركة الأصلية كتبت بواسطة nice_bird

بالنسبة لموضوع كسر السوست ...السوسته بتكون مصنعة من سبيكة لها خواص ميكانيكية مصممة لاحتمال عمليات الشد و الجذب بطول السبيكة و
طالما لم تعرض السبيكة لأي تغير كيميائي متلا عن طريق التسخين .. -->ازاي ممكن تتعرض للكسر <--... و لما نشيل حلقة منها يبقى مثلا أنا شيلت مثلا 10% من طولها عن طريق الصاروخ او المخرطة (بعيدا عن التسخين) و بالتالي بتتغير خواصها الفيزيائية و بالتالي ينتج عنها اختلاف في خواص السوسته بس زي زيادة نشوفيتها لان 90% من السوسته فقط هي اللى بتقوم بعملية الشد و الجذب .... وبصراحة انا عمري ما سمعت عن سوستة اتكسرت

ايوة ده رأيي بردو بس من غير زيادة النشوفية دي عشان هتجيبهم منين...

**nice_bird** · 20-03-2011 04:05 PM

ايوة ده رأيي بردو بس من غير زيادة النشوفية دي عشان هتجيبهم منين...

انا قصدي بالنشوفية انها بدل ماكانت بتشيل حمل معين علشان تتضغط بيه للاخر الحمل دا هيقل شوية ومع ثبات وزن العربية في الحالتين هيزيد تاثير الحمل علي السوست وهو في الاول والاخر تاثير بسيط ومش هيتلاحظ غير لما العربية تكون محملة بس

**Most_H** · 23-03-2011 12:01 AM

أى شئ مصمم لتحمل أحمال، بيكون متصمم على الحمل المفترض انه يشيله بالأضافة إلى هامش أمان

وأى شئ يغير من خواصه، فده بيأثر على هامش الامان، وممكن يأثر على الشئ نفسه

-

الموضوع: استفسار عن قص السوست (اليايات)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استفسار أماكن بيع اليايات الورقية وأسعارها في القاهرة

استفسار عن اليايات ( السوست ) السبور

استفسار في السوست ( اليايات )

استفسار في السوست ( اليايات )

عايز مواصفات السوست (اليايات &springs) الخاصة بمازدا 323 موديل 83

الكلمات الدلالية لهذا الموضوع

المفضلات

المفضلات

ضوابط المشاركة