الموضوع: ايقاف السيارة عن بعد فى حاله سرقتها

بالنسبة للانذار بتاعى انا اللى ركبتة بنفسى من خلال الكتيب اللى جاى معاة وفعلا معاة كتاوت بتتركب على الموبينة لكن انا ععملت نظام امان اكتر وهو ان العربية ترن على من خلال تليفون ودايرة بسيطة متصلة بالانذار مخبيهم فى العربية ولى موضوع هنا شارح فية كل حاجة

http://www.nilemotors.net/Nile/186670-a.html

السلام عليكم ورحمة الله,
حضرتك ده كتاوت عادي زي بتاع الكلاكس,
لا هو مش كتاوت عادى زى بتاع الكلاكس لان الكتاوت ده لما بيشتغل بيقوم بعمليه فصل اما الكتاوت العادى لما بيشتغل بيقوم بعمليه وصل .



معلش توضيح صغير من حضرتك.
النقطه الاولي:اللي جاي من الكونتاك ورايح فين؟
يعنى اديله موجب مع الكونتاكت لما يفتح .

لونه اخضر في ضفيرة العربيه ولا في جهاز الانذار؟
فى جهاز الانذار ( بس طبعاً حسب النوع ) .
النقطه الثانيه:اللي رايحه لبوبينة التكرير من الكونتاك؟يعني تقص الفرده وتوصل الطرف اللي جاي من الكونتاك ع النقطه 87.والطرف اللي رايح لبوبينه ع النقطه 30 صح كده؟
تمام كده صح انت كده فهمتنى
طيب كده حضرتك ناقصلها فرده ارضي النقطه الثالثه:الفرده الصفرا اللي في جهاز الانذار.اللي في الفيشه الكبيره في الجهاز.في فردتن صفر واحده ساده والتانيه فيها خط اسود.
الاصفر الساده اللى فى الفيشة الصغيرة .

وحضرتك دول لازم تقفلهم ارضي مباشر مع الفرده السودا المحمله الموجوده في فيشة الجهاز.
مش فاهم قصدك

انا فهمت حضرتك دلوقتي التوصيله اللي ذكرتها في المشاركه,يعني الفرده الصفرا اللي هي الارضي هي المسئوله انها تكمل الدايره بتاعت الكتاوت,لما ترجع ارضي ع الكتاوت بعد ما تفتح السنتر بالريموت او بالمفتاح .وتشتغل العربيه عادي,تقفل العربيه تفصل الارضي تفصل دايرة الكتاوت متشتغلش العربيه,,,صح كده؟
مش صح اوى لان الكتاوت لا يعمل ( يقوم بالفصل ) الا اذا حدث ايأ من الاتى :
1- فتح السيارة والانذار مغلق .
2- محاوله تدوير المحرك والانذار مغلق .
3- الضغط على مفتاحى الصامت ثم الغلق بصوت والمحرك يدور - يعمل الكتاوت ويفصل المحرك ( حاله السرقة والايقاف عن بعد ) .
بارك الله فيك.بس حضرتك ده كتاوت عادي بتاع كلاكس مش اكتر,,,ولو عايز طريقة توصيله للكلاكس اقولا لحضرتك ولو حد عايز طريقة توصيل وحدة رفع الوولف اقولهاله.
الف شكر بس زى ماقولتلك هو عكس الكتاوت العادى .
وانا سعيد جداً بالمناقشة معاك علشان حاسس انك فاهمنى جدأ واسئلتك كلها فيها اساساً فهم ... ولسيادتك الشكر ..

بعد اذن حضرتك طبعا بصفتك صاحب الموضوع,يمكن حد يستفيد من الاخوه الاعضاء

ممكن تعمل الموضوع ده من غير جهاز انذار,

الطريقه الاولي:تقص السلك اللي جاي من الكونتاك ورايح ع البوبينه وتركبله مفتاح شده .وتطول الاسلاك شويه بحيث انك

تداري المفتاح في اي مكان ,تنزل من العربيه تشد المفتاح ,اي حد يجي دور العربيه هادور مارش بس العربيه مش هاتشتغل لان الكونتاك انت فاصله بالمفتاح,ولما تيجي انت تركب العربيه ترجه المفتاح السري تاني لوضعه الطبيعي وتمشي عادي.

طريقه كويسه كنت عاملها زمان بس فى خطورة كبيرة لو المفتاح فى مكان معرض للعب علشان لو حد قفله وانت سايق هيوقف الموتور وده طبعاً ممكن يعمل كارثة لا قدر الله .

وفي طريقه تانيه بس هاجيبها من اخي وان شاء الله دي صعبه شويه علي اي حرامي انا كنت عارفها بس نسيتها,هاجيبها واقولها

بس بعد موافقة صاحب الموضوع الاخ:ماجد
من غير اذن ولا حاجة يا باشا احنا كلنا بنحاول نفيد ونستفيد وانا فى انتظار هذه الطريقة .
وكان فيه طريقة افضل :
توصل مفتاح على طرف ارضى - ( سالب ) الى طرف البوبينه السالب وعند فتح المفتاح هيوصل سالب للبوبينه الطرف السالب وده المفروض ياخد سالب متقطع عن طريق الابلاتين وعلشان كده العربية مش هتدور ولا بالطبل البلدى لو المفتاح مفتوح .
مميزات الطريقة دى عن الاولى :
1- لو الحرامى كهربائى ووصل طرف موجب من البطاريه للبوبينه موجب يبقى كده يبقى الموضوع خلص فى الطريقة الاولى لكن الطريقة التانيه برده مش هتدور .
2- السيارة تدور فى حالة غلق المفتاح وبالتالى الخطورة اقل من الحالة الاولى لان المفتاح واحد شده لو اتخبط هيتقفل .

المشاركة الأصلية كتبت بواسطة husseinsalah

بالنسبة للانذار بتاعى انا اللى ركبتة بنفسى من خلال الكتيب اللى جاى معاة وفعلا معاة كتاوت بتتركب على الموبينة لكن انا ععملت نظام امان اكتر وهو ان العربية ترن على من خلال تليفون ودايرة بسيطة متصلة بالانذار مخبيهم فى العربية ولى موضوع هنا شارح فية كل حاجة

http://www.nilemotors.net/nile/186670-a.html

الله ينور عليك انا عامل الموضوع ده فى عربيتى من سنه 2007 بس طورت فيه بعد كده شويه شويه و دلوقتى بيرنلى لو العربيه اتهزت وبيبعتلى رساله لو حد فتح باب وطبعاً اقدر اسمع كل ما يدور داخل السيارة فى اى وقت دون ان يشعر احد ..

بس نفسى اعمله حاجة استطيع من خلالها ايقاف المحرك بأرسال رساله مثلاً ولسه بفكر فيها .

المشاركة الأصلية كتبت بواسطة maged_samy

الله ينور عليك انا عامل الموضوع ده فى عربيتى من سنه 2007 بس طورت فيه بعد كده شويه شويه و دلوقتى بيرنلى لو العربيه اتهزت وبيبعتلى رساله لو حد فتح باب وطبعاً اقدر اسمع كل ما يدور داخل السيارة فى اى وقت دون ان يشعر احد ..

بس نفسى اعمله حاجة استطيع من خلالها ايقاف المحرك بأرسال رساله مثلاً ولسه بفكر فيها .

وينور عليك ياباشا هو انا عاملة ان يرن فى حالة تشغيل الانذار ياعنى سواء بفتح الباب او هزة العربية بس انا موطى حساس الاهتزاز وبرضه ممكن اسمع اللى فى العربية فى حالة لو اتصلت على نمرة العربية وبرضة نفسى اوصل انى اوقف العربية برسالة فلو وصلتلها قابلى يبقى كتر خيرك ومنك نستفيد