لك الله يا كيا

**yasso0101** · 17-03-2011 06:28 PM

المشاركة الأصلية كتبت بواسطة abouleila

فين الهجوم ده انا مش شايف حاجه

اللى بيحصل ده دلوقتى ميجيش واحد على عشرة من اللى كان بيحصل زمان او بمعنى
اصح من وقت العربية ما بدات تنزل ....يااااااااااه فكرتنى بالمجازر اللى كانت بتحصل هنا كان لاازم يكون فى كل موضوع حوالى اتنين على الاقل يحصل ليهم وقف وكل يوم لاازم نلاقى موضعين على الاقل بيشتمو فى العربية .

استلمو انتو بقى الرايا من بعدنا وكملو المسيرة فى الدفاع عن كيداهم .

يااااااه يا ابوليلى فكرتني بايام زماااااااااان

فاكر الحروب و الخناقات ازاي والله كانت ايام .........

فعلا يا ريت صاحب الموضوع ميحرقش دمه كان زمان اشد من كده بمرااااااااحل لدرجه خلاص بقى ده العادي وفعلا زي ابو ليلى بيقول اللي بيحصل دلوقتي اهدى بكتيييير من زمان

**safwat_shawkt** · 17-03-2011 07:04 PM

المشاركة الأصلية كتبت بواسطة yasso0101

يااااااه يا ابوليلى فكرتني بايام زماااااااااان

فاكر الحروب و الخناقات ازاي والله كانت ايام .........

فعلا يا ريت صاحب الموضوع ميحرقش دمه كان زمان اشد من كده بمرااااااااحل لدرجه خلاص بقى ده العادي وفعلا زي ابو ليلى بيقول اللي بيحصل دلوقتي اهدى بكتيييير من زمان

ربنا يهدي الحال بس لي سؤال اخى yasso .. ليه كميه الحقد والكره للسيارة ؟؟؟؟

**yasso0101** · 17-03-2011 10:16 PM

اسمع نصحتي

جاوب على السؤال ده واته ترتاح وتعمل زينا وتكبر دماغك

هل الشعب المصري اهبل ؟

ارجوا انك تكون فهم قصدي - مع الاعتراف ان كل حاجه ليها مميزاتها و عيوبها

ارجوا اني اكون افدتك

**ziours** · 17-03-2011 11:00 PM

الكفتجية بيشجعوا واحنا مش معاهم

**tiger45** · 17-03-2011 11:25 PM

السيراتو اثبتت وجودها
وبقت منتشره جدا

**night_phoenix** · 18-03-2011 12:48 AM

فين ايااام زمااااااااااااااااااااااا ااااااان
كان في اليوم معركتين تلاته علي الريق
عادي يا باشا جلالتك وفين ايام سيشل و المنفي
ياااااااااااااه كانت ايام

**safwat_shawkt** · 18-03-2011 01:06 AM

ههههههههههههههه .. لا تعليق غير ان الشعب المصري يتصف بخفة الدم حتى فى اصعب المواقف ..

**beshomilan** · 18-03-2011 02:04 AM

هو معلش اسم "كيداهم" موجة لمين؟! يعنى هيا كايدا مين بالظبط؟!! :)
انا عمرى مشفت حد بيدافع عن العربية بتاعتوا الدفاع المستميت دة غير هنا فى مصر!!! ما انا معايا عربية واللى بيسالنى عنها بلعن واسب فيها فى حاجات وبشكر فى حاجات تانية علشان احساسى بالمسئولية تجاة السائل...

عندنا بقى كل واحد معاة عربية يبقى هيا احسن عربية فى العالم وكمان الموديل بتاعة تحديدا والسنة بتاعتة برضوا :(

انا بجد متعجب جدا من الكلام اللى مكتوب وكيداهم ولك الله ياكيا
العربية جميلة جدا ومحدش يختلف عليها وانا حلمى اركبها ومنكرش كده وانا معايا عربية كورى هيونداى
بس ملوش لزمة اللى بيحصل واذا كان ربنا افرج عليك بنعمة زى سيراتو ناس كتير مش لقياها فملوش لزمة الشماته والاحساس بانتصار الذات اللى حسه من الموضوع ده ونكتفى باننا نقول الحمد لله عليها
وكل واحد فينا له رايه فكل عربية وده مش عيب ولو حد غلط فى العربية ده رايه بلاش ننتهز الفرصة ونرد الاساءة
ربنا يباركلكوا فعربيتكوا ويكفيكوا شرها وارجوكم خلينا ناخد عهد على نفسنا اننا نستحمل بعض ونتقبل الاساءة بدون ردها وربنا معاكوا

**mhmdalsaadany** · 18-03-2011 02:10 AM

ايه يا شباب هي معارك كيا رجعت تاني واحنا منعرفش ولا ايه
فين ايام الوقف وشطب العضويات ياااااه فعلا السيراتو من اكترالعربيات اللى الناس كانت كرهاها من كتر ماهي ناجحه وثابته نفسها فعلا وفاكر احلى خناقه لما سوق الجمعه ولع وكانت السبب عربيه سيراتو وفي احد الاخوه هنا كان عامل موضوع ان السيراتو هي اللى ولعت سوق الجمعه وكان ضيفها من ضمن عيوب السياره كنوع من الهزار طبعا
ربنا يبارك لك ملكها فيها ويحميها من شر العين لحسن كيداهم دي غاليه عندنا اوي

**eldeep** · 18-03-2011 02:24 AM

اللى معاه سيراتو يحمد ربنا ...واللى معاه غير السيراتو برضوه يحمد ربنا ....واللى معهوش حاجه خالص برضه يحمد ربنا ...ومش عاوز اعلق أكتر من كده ....لان تعليقى هيزعل اللى معاه السيراتو , واللى مش معاه عربية خالص