الموضوع: اصلاح الاطارات التيوبلس

المشاركة الأصلية كتبت بواسطة chihab18

الاطارت التوبليس بتركب ازي ؟ وسعرها كام ؟
وياريت لو في صورة توضحها

هي أي إطار بيتباع ، إمكانية التغيير في العربيات القديمة (أو بمعني آخر الإستغناء عن الإطار الداخلي) يتوقف علي حالة الجنط

المشاركة الأصلية كتبت بواسطة Sherif Khalifa

انا اقصد اقطع الاطار الداخلى لجزئين و الزقة على دوران العجل كلة
مش اجزاء الخرم بي
بمعنى ان الكويتش الداخلى يبطن الفردة كلها حتة واحدة و يجى كل الخروم مرة واحدة

صعب قوي اتقان اللصق كما ان هذا النوع من الكاوتش بيكون سميك شوية و بيفك لحامه بسهولة ، و إلا كان كل بتاع كاوتش جاب كمرة بايظة وقطعها حتت صغيرة بدل ما يشتري لحام جاهز

المشاركة الأصلية كتبت بواسطة Islam_galal

هي أي إطار بيتباع ، إمكانية التغيير في العربيات القديمة (أو بمعني آخر الإستغناء عن الإطار الداخلي) يتوقف علي حالة الجنط

شكرا علي الرد يا باشا ونردهالك

عن عدة تجارب.
دائما بستعمل لحام الخوابير مع التيوبلس ( بالرغم من عدم اقتناعى التام بها ).
والسبب انه معظم بتوع الكاوتش بيستعملو ادوات تصليح تصيب بالفزع ، مثلا .. مايبقاش عنده مكبس لخلع الكاوتش عن الجنط ، قوم ايه ... يجيب شاكوش كبير جدا .... وهـــا تـــك يا رزع فى الكاوتش ، قوم تيجى رزعه طايشه فى الجنط .... قوم الجنط يتعوج لو كان حديد ، ولو كان الومنيوم .... طبعا يتكسر.
ولما يجى يخرج الكاوتش من الجنط ... بيستعمل (حاجه) بيسموها لافيه او عتله ، ومع كل حركه لهذه الـ (حاجه) ، يفضل يعضعض فى حرف الكاوتش اللى المفروض انه ده هوا اللى هايحبس ضغط الهوا جوا الجنط ( بعد ما يتصلح ) ، ومع تكرار التصليح بهذه الطريقه يتلف الكاوتش تماما.
بالأمانه حصلت معيا كذا مره ، وتلفيات متعدده.

معذره على المخالفه والاطاله.
وربما يفيد بعض الاخوه للاحتياط.

و الله أنا بقالى أجيال كتيرة من الكاوتش بصلحه عند محل كاوتش بيلحم بالخابور و مجرالوش حاجة الفرده بيعدى عمرها الافتراضى و خوابيرها زى ماهيا

أسف المحل اللى بتعامل معاه فى الخليفة المأمون أمام مول الكمبيوتر و ليس فى المهندسين

شكراا على المعلومات الجميله دي

تحياااااااااااااتي