كوبلن ولا كاوتش كوبلن ؟؟

**amr_gamal0000** · 22-03-2011 09:44 PM

المشاركة الأصلية كتبت بواسطة eng:mohamed

لو الكوبلن كاوتشته إتقطعت..و طقطق..يبقى الكوبلن عمره قرب خلاص..
ولو الكاوتشه إتقطعت..بس مش بيطقطق..يبقى بيعوز يتشحم كويس وبس.و كاوتشه جديده.

انا متفق مع الاستاذ ده مع العلم انه لو طقطق يبقي خلاص انتهي مش قرب لان البلية باظت, اما لو كان مش بيطقطق يبقي الكاوتشة تتغير عادي

**a_hmed** · 23-03-2011 01:03 AM

شكرا يا جماعة على الافادة

بس انا كنت عايز حد يوضحلى تركيبة الكوبلن

علشان انا مش عارف اذا كان العمود بتاع الكوبلن هو كله اسمه الكوبلن

ولا ده عمود بس و متركب من كل ناحية كوبلن ممكن يتفصل من العمود ده

**migo9898** · 25-03-2011 01:53 PM

متابع باهتمام

**a_hmed** · 28-03-2011 02:40 AM

طب ايه ؟؟

**SAMEH_FOUAD** · 28-04-2011 03:55 PM

المشاركة الأصلية كتبت بواسطة a_hmed

شكرا يا جماعة على الافادة

بس انا كنت عايز حد يوضحلى تركيبة الكوبلن

علشان انا مش عارف اذا كان العمود بتاع الكوبلن هو كله اسمه الكوبلن

ولا ده عمود بس و متركب من كل ناحية كوبلن ممكن يتفصل من العمود ده

شوف ياباشا دة بيبقى اكس متركب على كل طرف فية كوبلن واحد داخلى ودة بيتوصل بالفتيس وفى اول نهاية الطرف بيتركب رأس الكوبلن او الكوبلن الخارجى ودية , وطبعا بيتفكوا عادى بدون تغير الاكس

لو فية عيب فى الكوبلن الداخلى بيتشال وبيتغير اجزاءة الداخلية

وبيتكون الكوبلن الداخلى من عدد ثلاثة بليات و صليبة بتتركب على الاكس والقلة بتاعة الكوبلن نفسة دة الكوبلن الداخلى

الكوبلن الخارجى بيبقى عبارة عن كوبلن وجواة بلى متركب ,كل بلية متركبة فى مجرى خاصة بيها لو دخلها تراب

بتبوش وبيبدأ يعمل صوت الطقطقة دة وبيزيد مع المشى علية وطبعا بيتفك عادى خالص وبيتغير فى نص ساعة

بس لازم عشان تغير اى واحد من الكوبلنين العمود كلة يطلع برة بتاعة الجنب اللى فية مشكلة , وبيتحل من علية الكبالن وبيتغيروا وبيركبوا تانى وخلاص