الموضوع: الكنيسة القبطية بمصر تدعو لرفض التعديلات الدستورية

المشاركة الأصلية كتبت بواسطة dr ahmed

القفز إلى الحكم؟؟؟
نفس أسلوب و مصطلحات و كلمات النظام البائد يا دكتور
فيه انتخابات يا أستاذنا و لو حضرتك مش عايز أعداء الديمقراطية من الإسلاميين لا تنتخبهم لكن لا تحاول فى كل مشاركاتك المساهمة فى تشويه صورتهم مع من يحاولون ذلك

رغم أن حضرتك حولت الحديث إلى حديث شخصي ضدي ... لن أقوم أنا بالمثل .. وهذا رأيي إن كنت تعتبره تشويها فماذا أسمي أنا من دعا رافضي التعديل "ملحدين" و"علمانيين" و "ليبراليين" بالأمس.
أما مصطلحات ووسائل النظام البائد فعادت اليوم من جديد لوحات في الشوارع وسيارات تجوب الميادين تنادي بالضرورة الشرعية . وملصقات ملونة على ابواب المساجد عن الواجب الشرعي في الموافقة...

المشاركة الأصلية كتبت بواسطة human12

حقهم

و ببساطه اى كلام فى الماده التانيه فى الاخر استحاله اى تصويت يبقى ضده

يا ريت بلاش نناطح طواحين الهوا

بلاش موضوع مسيحيين و مسلمين ياخدنا فى سكته!! احنا عندنا مشاكل اعقد بينا مش مشكله ماده اولى و مادى تانيه

و تانى بكتب نفس الكلام

تركيا بيديرها حكومه اسلاميه من غير ماده تانيه
و مصر كان بيديرها حراميه و فيه ماده تانيه

يعنى بلاش نوقف الدنيا عشان خوف هستيرى من اشباح مش موجوده و لو موجوده كفايه اغلبيه المسلمين!!

خلى عندنا ايمان بقوتنا

الدستور الجديد هو الامل ان مصر مايحكمهاش فرعون تانى و عشان مانجيش فى ظل سيطره رجل واحد نتخانق معاه عشان نشيل منه سلطه واخدها بالدستور و شويه نطبلاتيه فى مجلس العب و نلاقى نفسنا بنعيده تانى

لاما دلوقتى لاما هنتعب و نتناحر

و موضوع العسكر صعب جدا الكلام فيه لان اللى عامل ضغك هما الناس
لو بطلنا نضغط ممكن نبقى نموذج تركى يحكم فيه رئيس و الجيش مؤسسه حاكمه من الباطن

لازم الناس تضغط

المشاركة الأصلية كتبت بواسطة egyzizo

مقال خبيث مصدره (سلفى/إخوانى) هدفه إثارة البسطاء للزود عن المادة الثانية والتصويت بنعم كما يريدون.

واذا كانت الكنيسة تحبذ التصويت بلا فلا بأس شأنها شأن الكثيرين من أبناء هذا الوطن، ولكن على صاحب المقال أن يأتى بما يثبت هذه الجملة : (وقالت مصادر كنسية: إن الهدف من ذلك هو إعداد دستور جديد، وليس بعد 6 أشهر كما هو محدد على أن تلغى فيه المادة الثانية من الدستور التي تنص على أن الشريعة الإسلامية هي المصدر الرئيس للتشريع).

من أين جئتم بأن التصويت بلا هدفه الغاء المادة الثانية؟؟؟!!! هذا سؤال بسيط يريد إجابة مباشرة.

أعلم أن الكذب محرم فى كل الشرائع السماوية ، فلماذا تكذبون؟؟؟






انت لا تعلم معنى سلفى او اخوانى كى تتهمهم بالخبث
لقد خالفت القاعدة رقم (9) بند (ج) من قواعد المنتدى
يرجى مراجعة قواعد المنتدى

مشرف18ب
16-3-2011
11:50pm

المشاركة الأصلية كتبت بواسطة col. Eng. Khaled

آسف إن كان كلامي خروج عن الموضوع

مع حضرتك ورق رسمي و مستندات من الكنيسة القبطية مُلزمة بالبعد عن الطائفية لعدم الخوض في التفاهات - على حد تعبيرك -؟

المشاركة الأصلية كتبت بواسطة yoyos

انا مش فاهمة حضرتك تقصد اية من الفيديو انا سمعته لكن اية المشكلة

انا شايفة ان الاخوة المسيحين حقهم يقولوا نعم او لا ودية حرية لكن اية وجهه نظر حضرتك فى الموضوع حضرتك قصدك يعنى انا ليا واحدة صاحبيتى مسيحية المفروض ان انا مش اكلمها يعنى طالما هى هتقول لا واية بردوا انا مش فاهمة حقيقى

وفعلا الفيديو بيقول ان التعديلات دية اكتر ناس مستفادة منها الاخوان وانا شايفة كدة فعلا وان الاخوان دلوقتى باعوا الثورة بعد ما كنا متعاطفين معاهم سابونا وشافوا مصلحتهم وشايفة ان المشكلة كلها من الاخوان ليس الا وان كل واحد بيقول انه هيقول نعم فى الدستور عنده مصلحة اذا كان من الاخوان او او او

يعنى مرة يخوفونا اننا نقول لا للتعديلات علشان يقلونا ان الاخوة الاقباط هيلغوا المادة الثانية - مع العلم ان كدة كدة الدستور هتغير وكدة كدة محدش يقدر يغير المادة دية

مرة يقلونا ان لو قولنا لا يبقى الجيش مش هيسيب البلد وهسيب الحدود ويفضل ضايفنا هنا فى البلد

مرة يقلونا لو قلنا لا دية البلد هتخرب ومش هيبقى فيها استقرار - على اساس ان الدستور هو الشرطة والامن يعنى

لازم كل واحد يحكم هقله يا جماعة بجد يعنى المفروض اننا الشباب اكتر ناس ندافع عن الثورة مش اول ناس نبعها كدة

المشاركة الأصلية كتبت بواسطة د.أبونضال

الحقيقة هي أن أعداء الديمقراطية يريدون القفز إلى الحكم بمنطق انتخبونا ولكن لهذه المرة وفقط .... يكفيني ما جاء في موقع الدستور الأصلي من أن منشورا سلفيا كان يوزع في الجامعة اليوم ويحث الطلاب على التصويت بنعم لأن التعديلات لم تمس المادة الثانية .. ويعبر المنشور عن تحفظه على تحديد مدة الرئاسة لأن خليفة المسلمين لا يجب أن تُحدد مدة حكمة
انظر الخبر في الدستور الأصلي

ولا أنا ولا عيلتى ولا قرايب ولا أصحابى ولا أى معرفة جالنا sms من الكنيسة عشان نقول لا !!

المشاركة الأصلية كتبت بواسطة yoyos

انا ملاحظة ان كاتب الموضوع مشرف فى المنتدى وبيمسح الكلام اللى مش عاجبه وبيسيب الكلام اللى عاجبه
وده مش اسلوب للحوار
المفروض نسمع كافة الاراء
مش صاحب الموضوع يتحكم فى الاراء
وشكرا


صاحب الموضوع عضو عادي و لا دخل له بإدارة المنتدى

و للمرة الأخيرة :-

يرجى مراجعة القاعدة 13 من قواعد و قوانين المنتدى بعناية

كذلك يوجد قسم خاص بالشكاوى يمكن طرح رؤيتك به

مشرف القسم

8 ب

5:00 م

16 مارس 2011

يا سيدى الفاضل واضح ان صاحب الموضوع دا صاحب المنتدى مش مشرف بس
بيمسح اللى ميجيش على هواة
والى صاحب الموضوع ارد عليك واقولك

اسلوبك مرفوض مرفوض مرفوض
ياعنى انت عايزنى اقول نعم لدستور مشوة نكاية فيهم
وبعدين انت ناسى ان اى دستور جديد لازم نوافق علية
واية يعنى لو قالو اقتراحات واحنا من حقنا نوافق او نرفض
انت فاكر ان بتكلم ناس هنا عبط عايز توجهنا لرايك باسلوب الفزاعة... اصحى

المشاركة الأصلية كتبت بواسطة yoyos

انا مش فاهمة حضرتك تقصد اية من الفيديو انا سمعته لكن اية المشكلة

انا شايفة ان الاخوة المسيحين حقهم يقولوا نعم او لا ودية حرية لكن اية وجهه نظر حضرتك فى الموضوع حضرتك قصدك يعنى انا ليا واحدة صاحبيتى مسيحية المفروض ان انا مش اكلمها يعنى طالما هى هتقول لا واية بردوا انا مش فاهمة حقيقى

وفعلا الفيديو بيقول ان التعديلات دية اكتر ناس مستفادة منها الاخوان وانا شايفة كدة فعلا وان الاخوان دلوقتى باعوا الثورة بعد ما كنا متعاطفين معاهم سابونا وشافوا مصلحتهم وشايفة ان المشكلة كلها من الاخوان ليس الا وان كل واحد بيقول انه هيقول نعم فى الدستور عنده مصلحة اذا كان من الاخوان او او او

يعنى مرة يخوفونا اننا نقول لا للتعديلات علشان يقلونا ان الاخوة الاقباط هيلغوا المادة الثانية - مع العلم ان كدة كدة الدستور هتغير وكدة كدة محدش يقدر يغير المادة دية

مرة يقلونا ان لو قولنا لا يبقى الجيش مش هيسيب البلد وهسيب الحدود ويفضل ضايفنا هنا فى البلد

مرة يقلونا لو قلنا لا دية البلد هتخرب ومش هيبقى فيها استقرار - على اساس ان الدستور هو الشرطة والامن يعنى

لازم كل واحد يحكم هقله يا جماعة بجد يعنى المفروض اننا الشباب اكتر ناس ندافع عن الثورة مش اول ناس نبعها كدة

+11111111111111111111111