الموضوع: أنا هقول لأ للتعديلات الدستورية وعن أقتناع ... ياترى أنت كمان هتقول نعم عن أقتناع ؟

انا حقول لا و بعد تردد 4 ايام بين نعم و لا مع كامل احترامى للى يقول نعم
و اسمحولى ارد بس على الاخ hagan

المشاركة الأصلية كتبت بواسطة hagan

انا هقول نعم للتعديلات الدستورية و هروح لوحدي بدون ان اخذ 5 و لا حاجة لان دي حرية شخصية مش تجميع لاعداد زي الفيديو السابق
هقول نعم علشان :-
1- اني بأثق في اللجنة التي عدلت الدستور ( و هي اختيار الثورة )

و انا كمان ... و من منطلق الثقه دى عاوزهم يعملو دستور جديد كمان بدل التعديلات الجزئيه دى

المشاركة الأصلية كتبت بواسطة hagan

2- اني اثق في الجيش اللي انحاز للثورة من اول يوم

و انا كمان ... و علشان كده مطمن لما حيمسكنا فى الفتره الانتقاليه اللى حتحصل لما نقول لا

المشاركة الأصلية كتبت بواسطة hagan

3- اني اثق في ان كل يوم بيمر بدون حاكم لهذا البلد بينكسر فيه ضلع

صحيح الى حد ما ... ولذلك عاوزين دستور جديد فى اسرع وقت و يبداء تجهيزه من دلوقتى ... مش نستنى انتخابات مجلس الشعب ( اللى مش حيمثل الشعب فى الوقت الحالى ) و بعد كده نعمل انتخابات رئاسية جمهوريه و بعد كده نعمل دستور ..... طيب لما يتعمل الدستور الجديد حنواجهه مشكله ان الرئيس و مجلس الشعب منتخبين على الدستور القديم
كده حيبقى قدامنا حل من الاتنين
1- يجمد الدستور الجديد لغاية ما فتره الرئاسيه تخلص .. وده معناه اننا حنفضل على الدستور القديم المرقع على الاقل 4 سنوات
2- يأما حيحل مجلس الشعب و الرئيس و ينتخبو من اول و جديد على الدستور الجديد .. و ده معناه ضياع فى الوقت و الفلوس
3-يأما يفضل الرئيس و مجلس الشعب شغالين على الدستور الجديد .. يعنى هما ينتخبو من الدستور القديم و يشتغلو على الجديد ... ينفع كده يعنى

المشاركة الأصلية كتبت بواسطة hagan

4- اني اثق في ان الدعوة اللي بتقول لا همها الاكبر حشد الحشود

حشد الحشود فى انهو اتجاه و لا اى مصلحه ؟؟؟

المشاركة الأصلية كتبت بواسطة hagan

5- اني اثق في ان هذا الشعب عظيم و لن تفلح معه اساليب الحزب البائد و لو نجحت معه فلماذا اشغل نفسي بناس جهلاء لا يهمهم سوي بطونهم اظن و قتها محدش يبكي غير علي حالة فقط او ان نشتري شعب جديد و انا واثق من نزاهة معظم شعبي

مشكله اساليب الحزب البائد انها مستتره و خفيه و معظمها بيدور فى الكواليس اللى الشعب مايعرفشى عنها حاجه وده فى الوقت الحالى

المشاركة الأصلية كتبت بواسطة hagan

6- اثق في ان ما لا يدرك كله لا يترك كله

وليه كده ما دام بقى فيه فرصه لادراكه كله دلوقتى

المشاركة الأصلية كتبت بواسطة hagan

7- قناعتي ان بدستور معدل و شغل كتير علي ثقافة الشعب و توجهاته عن طريق الاعلام النزيه و غيره و نشر الثقافة حتي و ان طال امد التغيير و استفادت منه الاجيال القادمة خيرا عندي الف مرة من ان نطيل امد الحالة الاقتصادية و اللا امنية و المضطربة التي تعاني منها البلد حاليا و هناك خوف عليها من انهيار اقتصادي و شيك كل هذا كي احصل علي دستور جديد في سنة او سنتين و يكون و قتها لا و جود للبلد لا امنيا و لا اقتصاديا

المشاركة الأصلية كتبت بواسطة hagan

اخيرا سواء نعم او لا فنحن ابناء و طن واحد لا للتفرقة و لا للفصل بين الاخوة فالخطر كل الخطر من التقسيم
نعم للتعديلات الدستورية حاليا

م.حاتم السباعي

لااااااااااااااع للتعديلات يا بوىىىىىىى

قول نعم عن اقتناع تام

هقول نعم عن اقتناع تام

حضرتك اللي بيقول نعم مش خاين ولا عميل
الديموقرطيه ان يسود راي الاغلبيه راي الاقليه

اللي هيقول نعم مصري حر مش خاين ولا عميل المهم يقولها عن أقتناع وفهم مش سماعي وخلاص ويفتكر أن الثورة قامت ضد الدستور الحالي وأن الشهداء اللي ماتوا أتضربوا بالنار في ظل الدستور الحالي وأن البلد أتخربت وأتسرقت وأتنهبت في وجود الدستور الحالي وأن قيمتنا بقت في الأرض بل تحت الأرض في ظل الدستور الحالي فهل من المنطق أني أقول نعم لهذا الدستور !

بغض النظر نعم أم لا أنا سعيد أننا بقينا نقول رأينا وبنشارك في صنع دستورنا وبنقرر مصير بلدنا بنفسنا يبقى أن ندعو الله ان يوفقنا للأختيار الصائب الذي فيه الخير والصلاح لبلدنا ولينا .