أنا هقول لأ للتعديلات الدستورية وعن أقتناع ... ياترى أنت كمان هتقول نعم عن أقتناع ؟

**AshTurbo** · 17-03-2011 02:55 AM

هقول لأ عشان دم الشهيد مش رخيص ومش هأنساه .. هقول لأ عشان مش عاوز مصر ترجع لنقطة الصفر من جديد .. هقول لأ عشان عاوز مصر حرة ديموقراطية متقدمة .. هقول لأ عشان عاوز دستور جديد صريح وواضح مش مترقع وكله عيوب زي الموجود دلوقتي .

أنا هقول لأ عن أقتناع ياترى أنت هتقول نعم عن أقتناع ؟

-
-

**ahmedbatoos** · 17-03-2011 03:06 AM

استاذي الكريم انت بنيت كل كلام حضرتك علي شيئين اظنهم خطأ
1-ان الرافضين يتنازلون عن دم الشهداء والثورة!!
2-ان الموافقة علي التعديلات لا تساوي دستور جديد . . الموافقة علي التعديلات تلزم بوضع دستور جديد بألية ديموقراطية وزمن واضح

**AshTurbo** · 17-03-2011 03:19 AM

المشاركة الأصلية كتبت بواسطة ahmedbatoos

استاذي الكريم انت بنيت كل كلام حضرتك علي شيئين اظنهم خطأ
1-ان الرافضين يتنازلون عن دم الشهداء والثورة!!
2-ان الموافقة علي التعديلات لا تساوي دستور جديد . . الموافقة علي التعديلات تلزم بوضع دستور جديد بألية ديموقراطية وزمن واضح

ليه أستنتجت أن كلامي معناه أن اللي هيقول نعم للتعديلات الدستورية تنازل عن دم الشهداء وعن الثورة لا طبعاً اللي وصلك غلط وأحنا في دولة لسه بتحسس طريقها نحو الديموقراطية ومش عاوزين نبتدي بأننا نخون بعض ونشكك في وطنية بعض اللي عاوز يقول لا هو حر واللي عاوز يقول آه هو حر المهم أنه يكون مقتنع برأيه هو دة هدف الموضوع الرئيسي .

بالنسبة للشق التاني من رد حضرتك أن الموافقة على التعديلات بشكلها المرقع الحالي وفي ظل وجود قوتين سياسيتين وحيدتين في الشارع لا تمثلان بشكل من الأشكال القوى الوطنية التي قامت بالثورة معناه أن الدستور الجديد سيوضع في ظل وجود هاتين القوتين مع تهميش للباقي وبكدة هنكون رجعنا لنقطة الصفر من تاني .

**mahmoudysf** · 17-03-2011 03:26 AM

هقول نعم عن اقتناع تام وبعد تفكير عميق

**max_ziro** · 17-03-2011 03:28 AM

هقول لا و انا متأكد ب اذن الله ..

**م. حاتم السباعي** · 17-03-2011 03:31 AM

انا هقول نعم للتعديلات الدستورية و هروح لوحدي بدون ان اخذ 5 و لا حاجة لان دي حرية شخصية مش تجميع لاعداد زي الفيديو السابق
هقول نعم علشان :-
1- اني بأثق في اللجنة التي عدلت الدستور ( و هي اختيار الثورة )
2- اني اثق في الجيش اللي انحاز للثورة من اول يوم
3- اني اثق في ان كل يوم بيمر بدون حاكم لهذا البلد بينكسر فيه ضلع
4- اني اثق في ان الدعوة اللي بتقول لا همها الاكبر حشد الحشود
5- اني اثق في ان هذا الشعب عظيم و لن تفلح معه اساليب الحزب البائد و لو نجحت معه فلماذا اشغل نفسي بناس جهلاء لا يهمهم سوي بطونهم اظن و قتها محدش يبكي غير علي حالة فقط او ان نشتري شعب جديد و انا واثق من نزاهة معظم شعبي
6- اثق في ان ما لا يدرك كله لا يترك كله
7- قناعتي ان بدستور معدل و شغل كتير علي ثقافة الشعب و توجهاته عن طريق الاعلام النزيه و غيره و نشر الثقافة حتي و ان طال امد التغيير و استفادت منه الاجيال القادمة خيرا عندي الف مرة من ان نطيل امد الحالة الاقتصادية و اللا امنية و المضطربة التي تعاني منها البلد حاليا و هناك خوف عليها من انهيار اقتصادي و شيك كل هذا كي احصل علي دستور جديد في سنة او سنتين و يكون و قتها لا و جود للبلد لا امنيا و لا اقتصاديا
اخيرا سواء نعم او لا فنحن ابناء و طن واحد لا للتفرقة و لا للفصل بين الاخوة فالخطر كل الخطر من التقسيم
نعم للتعديلات الدستورية حاليا

م.حاتم السباعي

**فتح الباب** · 17-03-2011 03:53 AM

لاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااالااااااااا ااااااااااااااااااااااااا ااااااااااااااااااااااااا اااااااااااااااااالاااااا ااااااااااااااااااااااااا اااااااااااااالاااااااااا ااااااااااااااااااااااااا ااااااااااااااااااااااالا ااااااااااااااااااااااااا اااااااااااااااااااالاااا اااااااااااااااااااااااال ااااااااااااااااااااااااا اااالاااااااااااااااااااا ااااااااااااااااااااااااا ااااااااااااااااااااااااا اااااااا