ايه الشوارع اللي مكسره و عايزه رصف؟؟؟؟

**TaoTao** · 23-10-2009 10:49 AM

بالنسبة لحلوان، فيه مأساة اسمها "أطلس" شوارعها كلها واسعة ولكنها غير صالحة للاستخدام الآدمي، تشوف العربيات أول ماتدخل تلاقيهم ماشيين زجزاج بيتفادوا المقبات والمطبات وحاجة آخر قرف.
وفيه طريق تاني مش عارف اسمه بعد الكبريتاج تدخل يمين في يمين، طريق مكسر جداً خصوصاً حوالين شريط الترماي، وبعدين يتعدل إلى حد ما ويتبهدل تاني من عند مصنع -طائرات تقريباً-
تيجي تدخل 15 مايو من الأوتوستراد عند الكمين تلاقي برضه نفس التكسير.
الموضوع ده ثابت كثبات الأهرامات من 4 سنوات ولم يتغير فيه أي شيء للأحسن -طبعاً التغيير كله للأسوأ- وحلوان أصبحت محافظة لها محافظ ومازال الوضع كما هو. المحافظة بتبني "سور حلوان القميء" عند محطة المترو بقالها سنة. وسايبين الشوارع آخر بهدلة

**AboELsoud** · 24-10-2009 08:21 PM

شارع خضر التوني الواصل بين شارع يوسف عباس و شارع الطيران
بتوع مترو الانفاق جاءوا و حفروا فيه عشان ينقلوا المواسر على جانبي الشارع عشان المترو يعدي من تحت و استكفوا بانهم رجعوا التراب مكان الحفر فقط و ياريت جت على عدم سفلته مره تانيه وهما بيرجعوا التراب كانوت بيرجعوه مع اي حاجه في طريقه يعني تلاقي طوبه رصبف بارزه بعد شويه عمود نور و اتدفت و ابتدى يبان
حاجه عجيبه جدااااااااااااااااااااااا اااااا

**M.Osman** · 25-10-2009 04:02 PM

الطريق بين بلبيس الى الزقازيق... الأسفلت عامل زي الشوكولاتة السايحة .. بجد بجد طريق خطر جداً لازم تخلي بالك و انت بتنقل من حارة لحارة ..

**NaderNabil** · 25-10-2009 04:09 PM

الطريق من أول محطة مترو حلوان حتى مدخل الاوتوستراد
مروراً بعين حلوان و جامعة حلوان و شركة النصر للسيارات

طريق أقل ما يقال عنه انه منطقة لإختبار عفشة أجدع عربية...
العربية عندي و عند معظم أصحابي محتاجة تغيير عفشة بالكامل بسببه

**abo_lamar** · 04-12-2009 09:02 PM

في الشارع اللي بيربط طريق القاهرة السويس عند دار المدفعية وموقف السوبر جيت بتاع الماظة .. بصراحة ماعرفش اسمة ايه بس هو فيه قاعدة الماظة الجوية ,, بجد شارع مكسر جدا ونفسي يقشطوا الاسفلت و يترصف تاني

**abo_lamar** · 04-12-2009 09:04 PM

نسيت حاجة تانية
في فواصل كتيييييير في كوبري 6 اكتوبر عالية اوي عن منسوب الاسفلت وبتهد في العربيات

**M.Mostafa80** · 16-12-2009 11:25 AM

شوارع القاهره والجيزه كلها

**Ashraf_Ashraf** · 16-12-2009 04:06 PM

المشاركة الأصلية كتبت بواسطة 3mr farrag

ياريت كل و احد يعرف شارع مكسر و غير ادامي يقول لنا عليه
و نحاول نجمع بعض الشوارع اللي محتاجه رصف ...
و نبعت شكوه بيه للمرور لرصفه....
اولا منطقه فيصل
1-شارع الطالبيه فيصل
2-شارع الطوابق....اللي فيه مدرسه فضل الحديثه
الشوارع ديه مش مكسره بس.......ديه حاجه فظيعه انا جلب المقصات باظت منهم

و دول اللي فاكرهم حاليا

ضحكتنى والله ربنا يسعدك هو احنا عندنا شوارع اصلا
دى شوارع اتعملت للدبابات واستحاله تنفع عربيات
بجد ربنا يعين عربيتنا