الموضوع: عشان خاطرى قولوا نعم للتعديلات

المشاركة الأصلية كتبت بواسطة aly_hosny

للمرة التانية حضرتك برضو مش فاهمني
راي حضرتك انا مبشككش فيه و لا في راي اي حد

حضرتك لما تعمل موضوع و تقول ان العلمانين هيقولو لا و الكفرة و الزناديق هيقولو لا و كل المسلمين هيقولو اه وكل الناس الحلويين هيقولو اه
المفروض دا ميغيرش رايي و ميتقلش اصلا "و في موضوع حضرتك كتبت عشان تعرفو انتو ماشيين ورا مين"
وانا عايز اوصل لحضرتك ان انا مش ماشي ورا حد انا بمشي ورا قناعتي

لما نزلت المظاهرات واحد صحبي قالي حرام "سلفي"
و كنت هرجع والله و كان جوايا تخبط شديد "ازاي حرام"
بس حسيت ان هو غلط
و ديني قالي اني لازم اغير المنكر
و بعديها سمعت كلام الشيخ محمد حسان و الشيخ الشعرواي
و عرفت ان هو ال كان غلطان مش انا لاني واثق من ديني و معرفتي بيه
ممكن لما اسمع محمد حسان بيقول اه اتاثر شوية بس ميمنعش اني هفكر برضو و احكم عقلي
و لما اسمع تامر حسني بيقول لا مش هتفرق معايا لانه اصلا ميفرقش معايا

انا معاك وموضوع المظاهرات حرام ده اشكالية كبير مش هنخوض فيها دلوقتي
ولكن انا عاوز افهمك شئ واحد بس
مينفعشي انكر على احد انه اتبع تعاليم دينه وشرعه وحريص على ذلك
المظاهرات كان لها فقهها من زمان انها محرمه لما توجده من مفاسد واضرا بالمصلحة العامة والأشخاص
هو ده كان نظامها فعلا قبل 25 يناير
وبعدين الثورة الأيام كانت بتعدي كل يوم بيختلف عن التاني في فقهه بجد
يعني الحال بيتغير تماما كل يوم عن التاني والأحداث سريعه وليس هناك اي شئ سابق مماثل لهذه الحالة علشان يقاس عليها اين المصلحة واين المفسده
فدي كانت مشكلة كبيرة جدا بجد لا تستهين بها
وفي كل من اجتهد واصاب فله اجران ومن اجتهد ولم يصب فله أجر

معلش مع كامل احترامى للعضو الزميل اللى بيقول إن فيه ناس بتعمل نفس الكلام من أنصار لا يا ريت حضرتك تدينى عينة و هتشوف إن أغلب الناس و يمكن كل اللى بيقول لا بيدافع عن وجهة نظره فقط ما بيخوفش الناس من نعم بيوضح بس الصورة اللى هو شايفها و إيه الفروقات بينها و بين لا لكن عمره ما حاول يلعب بمشاعر اللى حواليه سواء الدينية أو مشاعر الحوف المسيطرة على الأغلبية من عدم الأمن و الاستقرار بس يدافع عن وجهة نظره مش بيخون الناس اللى مؤمنة بالعكس و بيتهمهم كمان بمطالب فئوية و أجندات خاصة زى ما النظم السابقة كانت بتعمل

طب سؤال صغير

ولما جهة دينية اخري تقول كل الناس تقول لا والا تبقي اثم

يبقي دا مش تطرف فكري وسياسي

ولا احنا بنتكلم علي الجانب السئ من اللي بيقولو نعم بس؟؟؟؟؟؟

انا راكن العربية امبارح وقاعد فيها لقيت واحد بدقن بيقولي اتفضل واداني ورقة بتشرح ليه بيقولو اه

بعديها بشوية واحد تاني لزقلي ورقة بتقول لا
ندهتلو واخدت منه ورقتين تانين علشان افهم وافهم اللي معايا في العربية ونناقش الورقة

وكانو هما لا وانا الوحيد اللي نعم
ولا حد خون التاني ولا حد اتحسب علي فئة ضد فئة

المشاركة الأصلية كتبت بواسطة dr-mohamed

ممكن وصف بعض افعال اصحاب الراي لا بالقذرة ايضا مثل نزولهم التحرير اليوم ومثل كثير من الاتهامات والمشاركات التي قيلت لللقائلين بنعم وكله موجود في المنتدي

عود أحمد ونورت المنتدى مرة تانيه
معترض على وصف ايهم بالقذاره
بس الى نزلوا التحرير ما ارهبوش الناس فكريا بتخوفهم من الفوضى وانهم مش هيلاقوا مرتباتهم وما اتهموش المخالفين بانهم ضد الاسلام وبيخونوا دينهم .....
القهر الفكرى ده صعب يقف قدامه شعب كثير منه من الاميين وانصاف المتعلمين (الله يجازى الى كان السبب ) وحتى كتير من المتعلمين ممكن يغيروا رأيهم تحت ضغط الارهاب ده
الناس ديه بتشوه اول تجربه ديمقراطيه حقيقه فى مصر
وانا ابرىء السلفيين من ده
اثين سلفيين من اعز اصحابى بيقولوا نعم دون ادنى محاوله ضغط على الاخر أ ومحاوله لفرض رأيهم ودون محاوله ادخال الماده الثانيه فى الموضوع عشان الماده الثانيه عمرها ما تتغير طول ما الاغلبيه الساحقه فى مصر مسلمه كذلك دون الدخول الى حكايه الفوضى ومش هنلاقى ناكل
لكن رأيهم مستند الى ان حل التعديلات اقل مخاطره من اعلان دستورى وانتظار دستور جديد والنتيجه واحده - ده من وجه نظرهم - وعليه فطريق التعديلات اسهل

عليه العوض ومنه العوض