غيرت رأي في أخر يوم و هاقول لأ

**shod90** · 19-03-2011 05:07 PM

صح كدا يا معلم :)

**ahmed1981** · 19-03-2011 05:30 PM

الموضوع ليس له علاقة بالدين

هوية مصر الإسلامية يحميها أغلبية السكان في مصر

الموضوع مش ديني
الموضوع تفكير في مستقبل البلد

لذلك أرفض فكر الدعوة على أساس ديني للقول بنعم من بعض الجماعات
والدعوة لقول لا من الكنيسة القبطية بتصريح واضح من المتحدث باسمها عبد المسيح بسيط والذي قال في تصريحه حتى الحوامل يروحوا ويقولوا لأ

وبرضه مستغرب مثل الدكتور محمد
الكل يفتح مواضيع لإستنكار على بعض من دعى لقول نعم على أساس إسلامي
ولا أحد يتحدث عن الأمر العسكري الذي أصدرته الكنيسة لقول لا

وأحيي شيخ الأزهر والمفتي ورجال الدين المحترمين الذين رفضوا أن يدعوا لأي إجابة ورفضوا حتى التصريح برأيهم

أنا أدليت بصوتي دون أي تأثير أو إجبار

**wael17** · 19-03-2011 07:03 PM

المشاركة الأصلية كتبت بواسطة dr-mohamed

رجال الدين من الجانبين عليهم الابتعاد تماما عن الاستفتاء ثم الانتخابات القادمة
ومن يفعل ذلك منهم يلام وكلامه مرفوض

+1111111111111111

ما ينفعش اللي حصل المرة دي يتكرر تاني....مش متخيل يكون في انتخابات رئاسية و تتحول لأن المرشح ده حلال و المرشح ده حرام...بلاها ديموقراطية لو هاتبقي كده

المشاركة الأصلية كتبت بواسطة dr-mohamed

لكن ان ترفضوا جميعا من يفعل ذلك من رجال الدين المسلمين ولا يتحدث احد منكم عن رجال الدين المسيحي الذين يقومون بنفس المسلك فهو أمر عجيب لأقصي درجة

يا دكتور محمد أكيد مفيش واحد مسلم معترض علي تدخل رجال الدين الاسلامي و موافق علي تدخل الكنيسة...الفكرة ان أنا باتكلم عن اختلاف أراء داخل اسرتي و بالتالي باتكلم عن الجانب المسلم...و في ناس اتكلمت عن اللي سمعته في الجامع...لكن ما حدش منا في في عيلته مسيحين أو بيروح كنائس عشان يقول انا سمعتهم بيقولوا كذا...طبعا انا عارف انهم بيقولولهم جوة الكنيسة يقولوا لأ بس أنا كنت باتكلم عن حاجات أنا شاهد عليها...لو افترضنا ان أنا مقتنع أقول لأ...من غير اي تأثير من حد و شايف ان ده أحسن للبلد...و بعدين عرفت ان في الكنيسة بيقولولهم قولوا لأ...أقوم أنا أغير رأي علي طول لمجرد انهم قالوا كده؟ طب ما الوطني بيقول نعم...ازاي اتفق مع الاخوان؟ المسألة بقت مصالح و غلط ندخل الدين فيها

و بالنسبة لموضوع المادة الثانية..أنا مش فاهم ازاي ممكن تتغير بدون موافقة الأغلبية المسلمة؟ أنا صحيح قلت لأ النهاردة بس لو اتعمل استفتاء عن المادة التانية أكيد مش هاقول لأ...دي حاجة و دي حاجة...ليه نخلط بينهم