الموضوع: من الاخر علشان انا زهقت

السلام عليكم
بصوا يا شباب انا دلوقتي في حاجه فاقعه مرارتي وكنت عايز اقولها قبل الأستفتاء بس أجلتها

بأختصار شديد اقرو الكام سطر دول ...

- الأخوان مسلمين (يعني دينهم الأسلام ) والناس دي سواء طمعانه في سلطه ولا مش طمعانه فهم ناس كويسين وعايزيين مصلحه البلد ومن زمان بيقولو للنظام لا من غير ما امريكا تزقهم علينا ولا عليهم ومافيهومش حرامي ولا واحد بتاع نسوان ولا واحد خمورجي ولا مرتشي ولا بتاع قمار مثلا
فياريت الكلام عليهم يبقى كلام كويس من غير غلط
يعني كلام من نوعيه الاخوان دول عايزين ينطو عالثوره كلام اهبل
والكلام بتاع انهم بيجبرو الناس على التصويت بنعم وبيكفروا اللي يقول لأ كلام اهبل برضو
وعلى فكره حتبقى حاجه جميله جدا لو الأخوان مسكو البلد ... كفايه ان اللي بيحكمك عارف ان ربنا حايحاسبه مش زي ناس كانت فاكره نفسها فوق الخالق والعياذ بالله

تاني نقطه
- السلفيين ..........
والسلفيين يعني المسلمين برضو
يعني ايه ؟؟
يعني انا وانت سلف
سلفيييييييييييييييييييييي ن
وعيب قوي نقول عليهم كلام كده
والتيار السلفي مش مقصود بيه ناس دقنها منكوشه ولابسين جلابيه وحطين عمه وشايليين رشاش
الا لو حد قاعد دلوقتي لابس كده ( انا شخصيا لابس جينز وبولو شيرت وشراب ) السلفيين دول ناس برضو عايزه تطبق الشريعه وكون انه زمان من كام سنه حصل موضوع الاقصر واسيوط وقالو سلفيين ومش عارف ايه فأكيد طبعا كلنا عارفين ان الأسلام مش دين اغتيالات وبلطجه وضرب نار والكلام ده فمتجيش الحكومه تعمل غسيل مخ من 30 سنه ودلوقتي يبدأ يطلع علينا ويودينا في داهيه
كلنا سلفيين

تالت نقطه
- لما حد يقول واحد ملتحي شايل يافطه وبيكفر اللي بيقولو لأ يبقى برضو مش فاهم
أولا اللحيه سنه عن اشرف خلق الله واغلبنا مش متبعين السنه اصلا
ولو تعرفو ثواب الملتحي ((ده اللي الناس بتقول عليه متعصب واهبل وسلفي اخواني متخلف وضد التقدم والحضاره والعلم ))أحسن من كام واحد مش ملتحي حنندم اشد الندم
وعلى فكره لما الرسول يقول قصوا الشوارب واعفو اللحى فده مش استأذان من حضرتك ...ده أمر
فمتجيش على واحد ملتحي وتقول عليه ارهابي واهبل وتشتمه علشان بينصحك ويقولك قول نعم


ياريت الناس تقرا اللي بين السطور وتفهم قصدي كويس ومتقلبوهاش خناقه
أحب اقول كمان للتأكيد ان كلنا سلف وكلنا اخوان
ومش حقول بلاش اختلاف في نعم ولا لا لأننا مش عارفين في المستقبل ايه اللي حيحصل
ممكن نندم اننا قلنا نعم وممكن نندم اننا قلنا لا
المهم ان المسلم للمسلم كالبنيان المرصوص
المسلم للمسلم كالبنيان المرصوص
المسلم للمسلم كالبنيان المرصوص
المسلم للمسلم كالبنيان المرصوص
المسلم للمسلم كالبنيان المرصوص

واللي فيه الخير يقدمه ربنا