لا يلدغ مؤمن من جحر مرتين

**تامر.محمد** · 21-03-2011 01:39 PM

انا مازلت شايف ان فيه خلط أوراق في كلامك
عموما لو نظام حكم الخلفاء الراشدين اللي انت بتقول انه كان الوحيد الناجح انت شايف انه مدني ديمقراطي فبالنسبة لي لا بأس

**hookyelyak** · 21-03-2011 02:44 PM

المشاركة الأصلية كتبت بواسطة عمرو عمارة

حكم إسلامي إيه إلي كنا عايشينه وأثبت فشله !!!؟؟؟

للأسف الدولة الدينية أصبحت الفزاعة الجديدة الأن ..........من قال نريد دولة دينية يحكمها أمير غير قابل للمحاسبة ؟؟.....أليس هذا هو نظام مبارك الطاغوط سابقاً ؟؟

إمام إيه إلي هيحكم البلد ومحدش يقدر يحاسبه......هذا ليس مفهوم التحكيم بشرع الله إطلاقاً !!!!!!!

نفرض اننا بقينا دوله اسلاميه وجه حاكم بيحكم بالشرع على الشعب ولكن حرامى وسفاح وكاذب زى حسنى كده وجينا نحاسبه معرفناش رحنا قمنا عليه هيقولوا علينا كفره ويضربونا بالطيارات.ايه حلك للمشكله دى

**تامر.محمد** · 21-03-2011 02:52 PM

المشاركة الأصلية كتبت بواسطة hookyelyak

نفرض اننا بقينا دوله اسلاميه وجه حاكم بيحكم بالشرع على الشعب ولكن حرامى وسفاح وكاذب زى حسنى كده وجينا نحاسبه معرفناش رحنا قمنا عليه هيقولوا علينا كفره ويضربونا بالطيارات.ايه حلك للمشكله دى

انت بجد مقتنع بان اللي بتقوله ده قابل للحدوث فعلا ؟

**hookyelyak** · 21-03-2011 03:04 PM

المشاركة الأصلية كتبت بواسطة tlrsiap

انت بجد مقتنع بان اللي بتقوله ده قابل للحدوث فعلا ؟

حضرتك ده حصل مئات المرات على مدى عده قرون وكل مره مبنتعلمش ان فى اّليات للعمل السياسى تحمى من الفرعنه ولكن لا تريدون الاعتماد عليها بسبب جمود الفكر عند مرحله عدى عليها 1400 سنه واتغير تقريبا كل شىء الا تفكير البعض..........مش هنلاقى عمر جديد يحافظ على الامانه ولكن هنلاقى 1000 فاسد وظالم ومتكبر وطاغوت .لازم اّليات يأما هنرجع اسوأ من عصر مبارك ومش هنقدر نفتح بققنا مع المتطرفين.

**تامر.محمد** · 21-03-2011 03:05 PM

الاخوة مايلو و عمرو عمارة
انا عندي انطباع ان انتوا الاتنين رأيكم واحد بس فاهمين بعض غلط

**تامر.محمد** · 21-03-2011 03:14 PM

المشاركة الأصلية كتبت بواسطة hookyelyak

حضرتك ده حصل مئات المرات على مدى عده قرون وكل مره مبنعلمش ان فى اّليات للعمل السياسى تحمى من الفرعنه ولكن لا تريدون الاعتماد عليها بسبب جمود الفكر عند مرحله عدى عليها 1400 سنه واتغير تقريبا كل شىء الا تفكير البعض..........مش هنلاقى عمر جديد يحافظ على الامانه ولكن هنلاقى 1000 فاسد وظالم ومتكبر وطاغوت .لازم اّايات يأما هنرجع اسوأ من عصر مبارك ومش هنقدر نفتح بققنا مع المتطرفين.

مئات مرات ايه ؟
يا اخي الكريم ايه اللي انت بتقوله ده ؟
انت متخيل ان اي استبداد بيبقى بسبب (فكر ديني) ولا (جمود فكري) ؟
يا اخي الكريم , اي استبداد في الدنيا بيبقى بقوة السلاح , ولا شيء غير قوة السلاح , اي حاجة تانية بقى بتبقى مواد للاستهلاك الاعلامي و دايما بتبقى كلها اكاذيب
البعض بيستعبط و يقول الدين بيقول كذا و يفرضه على الشعوب , و هو عارف ان الدين ده مش بيقول كذا , و الشعوب كمان عارفين , و هو و الشعوب عارفين ان الدين بيقول كذا اللي هو بيقولها دي مجرد تبرير

التبرير ده مش دايما كان دي , في امريكا في عهد بوش كان "الأمن القومي يقتضي كذا"
في تركيا اتاتورك كانت قواعد العلمانية هي اللي اتحطت تبرير لقمع الشعب
في تونس بورقيبة و بن علي كانت الاصول و التقاليد التونسية
في ليبيا القذافي كان حكم الجماهير
فيه اوقات كان بالنسبة للصينين الامبراطور ده مقدس اكتر من اي حاجة في الدينا و كان القمع بإسم الولاء للامبراطور
في مصر هنا كان القمع بالقانون طول عصر مبارك

اي قمع في الدنيا بيبقى بالقوة المادية (سيف المعز و ذهبه) يا اخي الكريم , اما الفكر (سواء حق او باطل) بيتحط كمبرر كاذب دايما , و ما يكفيش لوحده ابدا لأن الفكر الباطل دوما يمكن مواجهته بالفكر الحق

**hookyelyak** · 21-03-2011 03:19 PM

....الله يهديكم ياجماعة اللي مش عارف يعني إيه حكم شريعة أو حكم اسلامي يبطل يفتي ويقول لأ وخلاص

أنا مش عايز حكم اسلامي عشان أنا شايف إن ماحدش مؤهل إنه يطبقه من الآخر

بس مش عشان أنا مليش فالبطيخ والكلمة مش عجبني وخلاص أقوم افتي وأقول أي كلام أصلا مالوش علاقة باي حاجة عشان ابرر رأي أنا مش فاهمه أساسا ولا أعرف عنه حاجة....

اولا متحجرش على رأى حد
ثانيا انا مش فاهم الناس الى بتقول ده استحاله يحصل مقرأوش تاريخ اسلامى خالص وميعرفوش اى حاجه عن الظلم والجبروت الى عشنا فيه مئات السنين تحت حكم كل شرعيته انه بيطبق الشريعه وبيدافع عن الاسلام من الغزو.. غير كده فساد ونهب وجبروت... وتخلف ادى الى شركيات وانحدار الفكر الدينى......كل الى السلفيين عاوزينه هوا تطبيق الحدود وبعد كده الناس تولع.....غباء بعيد عنك لان الحدود معموله لحفظ الدين والمال والنفس..لكن ترك الظلم والقبول به والتعتيم على التاريخ عشان الناس متعرفش ايه الى حصل منهم..هيا دى المصيبه