الموضوع: رابطة مالكي وعشاق التمبرا (الجزء الرابع)

ازيكو يا جماعة ..
يا رب الجميع يكون بخير وفي اتم الصحة
فاكرين لما اتكلمت عن موضوع نقص المياه وان العربية بتطلع بخار نتيجة نقص المياة ..
انا انهاردة رحت لبتاع الرادتير وكنت اشتريت خرطوم بمحبس (بتاع الهوا) من عند الكيلاني لأن اللي كان راكب في العربية كان محطوط فيه مكان المحبس مسمار قلووظ .. فقلت اجيب بتاعها الأصلي وكنت شاكك إن ده بيسبب تسريب بينتج عنه نقصان المياه في القربة..
بتاع الراديتير فك القربة وغسلها كويس بمية نار مخففة وركب الخرطوم ابو محبس وبعدين قالي اكيد العربية واخدة هوا وجاب جراكن مياه وقعد يفضي والعربية مبطلة ولما قلت له المفروض نشغل العربية قالي مش مشكلة المهم جاب جركنين مياه خضراء وحطهم في القربة وقفل المحبس بتاع خرطوم الهواء وبعدين قفل القربة بالغطاء بتاعها ومشيت عملت مشوارين الاول لمسافة 10 كم والتاني بعده بساعتين وكان 6 كم وفي نهاية المشوار التاني ببص لقيت بخار طالع علي الازاز من عند الطابلوه والحرارة 100بطلت علي طول وركنت وفتحت الكابود المروحة مش شغالة طبعا .. فتحت غطاء القربة بالتدريج .. طبعا ما فيش مياه شغلت العربية وزودت مياه والمروحة اشتغلت ركنت العربية وجيت احكي اللي حصل معايا قبل ما روح لبتاع الراديتير بكرة .. علشان يقولي المياه بتتبخر ليه وبالسرعة الكبيرة دي .. اللي مستغرب له ان العربية لما كان راكب فيها خرطوم الهواء ابو مسمار قلووظ المياه كانت بتعقد فترة اطول .
بصراحة انا محتار جدا نفسي في حد فاهم يقولي ايه الصح واعمله.

يا باشا انا قولت لك قبل كدة أعمل مفتاح شدة واحدة للمروحة علشان لو عطلت تشغل المروحة يدويا و قولت خلى معاك سلك متركب فية ترامل لو عطلت وصل المروحة على البطارية مباشرة بدل ما تقف .
العربية عندك فيها مشكلة فى كهرباء المروحة أتأكد أن الفيوز بتاع المروحة راكب كويس مش مهزوز و تأكد أن المكثف بتاع المروحة سليم و أخر حاجة شوف علية فيوزات المروحة الى خلف الفانوس الامامى يمين

شيك على ال 3 حاجات دول