الموضوع: حملة وجروب كبير من الأخوة المسيحيين لترشيح نجيب ساويرس للرئاسة!

المشاركة الأصلية كتبت بواسطة aif

مفيش اي مادة او نص في الدستور القديم او دي دستور سابق بتحدد ديانة المرشح وتشترط انه يكون مسلم
واعتقد ان ده ح يستمر في الدستور الجديد
من حقه انه يرشح نفسه
انا شايف ان مفيش مشكله
ده حق اصيل لكل مواطن مصري مستوفي لشروط الترشح

فعلا الدستور لا يوجد به ما يحدد ديانة الرئيس
واعتقد مثلك انه سيستمر في الدستور الجديد حرصا على مشاعر النصاري
وانا شايف ان فيه مشكلة
وليس حق اصيل لان كثير من الدول تضع شرط ديانة الرئيس فمثلا وفق الدستور الامريكي لابد ان يكون الرئيس مسيحي بروتستانتي والدستور الارجنتيني ينص على ان يكون الرئيس مسيحي كاثوليكي وفي لبنان الدستور ينص على ان يكون رئيس الدولة مسيحي ماروني و رئيس الوزراء مسلم سني و رئيس مجلس النواب مسلم شيعي واليونان يشترط الدستور ان يكون رئيس الوزراء والرئيس مسيحي ارثوذكسي والدنمارك يشترط الدستور ان يكون الرئيس مسيحي انجيلي لوثري واسبانيا يشترط الدستور ان يكون رئيس الدولة مسيحي كاثوليكي بينما يشترط الدستور السويدي ان يكون الملك من اتباع المسيحية الانجيلية الخالصة والدستور العرفي الانجليزي يشترط ان يكون الملك مسيحي انجيلي

يعني يا سيدي الفاضل كل دول اوربا التي تدعي الحرية والديمقراطية تشترط ان يكون رئيس الدولة منتميا لديانة محددة بل ولملة محددة في هذه الديانة هي ملة اهل البلد فلماذا يكون كفرا منا بالديمقراطية والحرية ان نشترط في الدستور ان يكون رئيس البلاد على ديانة أغلبية السكان

انا لا اري انه حق اصيل لاي مصري وان يوضع من شروط الترشيح شرط ان يكون الرئيس مسلما ومن لا يرضيه يقل لنا ما هي الدولة الديمقراطية التي نريد ان نتبع ديمقراطيتها لنري ما تشترطه في ديانة الرئيس

المشاركة الأصلية كتبت بواسطة otefa

كده بقى يبقى أنا من المطالبين بأضافة مادة في الدستور تلزم أن يكون الحاكم مسلم!!
مش أقتراحات بألغاء المادة الثانية ولا تعديلها!!

وانا متفق معام تماما

المشاركة الأصلية كتبت بواسطة ghazy12

معلومه بسيطه يا ريت تكون في الحسبان يا جماعه...
بعد تعديل الدستور و بعد ما تصبح مصر دوله (( برلمانيه )) و ليس
دوله (( رئاسيه )), هيصبح منصب رئيس الجمهوريه شرفي مش اكتر
و الكلام و الأساس هيبقى رئيس الوزراء و البرلمان هما دول اصحاب القرار
و بالتالي... لن يصبح بعد الآن من يشغل منصب رئيس الجمهوريه يحكم مصر
فعلياً زي ما ناس كتيير فاهمه, او زس ما كنا زماااان يام مبارك و غيره
طبعاً بالاضافه للسبب اللي قاله المهندس احمد اسماعيل,
و هو ان كل واحد حقه ينتخب اللي هو عايزه... و ده طبيعي
يبقى صدقوني من كل النواحي... (( خليييييييه يتسلى ))

حتي لو تحولنا لدولة برلمانية واصبح منصب الرئيس شرفي اري ضرورة اشترط ان يكون مسلم مثلنا مثل انجلترا واسبانيا والدنمارك التي لا يلعب ملوكها اي دور سياسي بل المنصب شرفي ومع ذلك تشترط دساتيرها ان يكون الملك او الرئيس على ديانة محددة ومذهب محدد
ولا اريد ان اقول لك ان بعض الدول تشترط في الدستور ان يكون اعضاء البرملان هم ايضا على نفس ديانة وملة معينة هي السائدة في الدولة مثل الدستور السويدي في المادة الرابعة منه

المشاركة الأصلية كتبت بواسطة tarek gen 2

يا جماعة الدستور مفيهوش مادة ان الحاكم يكون مسلم بس المادة التانية بتجبر المترشح انه يكون مسلم لان المادة بتقول ان الشريعة الاسلامية هى مصدر التشريع فى مصر فيما معناه
و بالتالى الشريعة بتقول لا يجوز تولية امور المسلمين لغير المسلمين ولانها بلد اسلامية فلا يجوز ترشيح المسيحى لمصر و عشان كدة مش محطوطة فى مادة ده اولا

للاسف يا طارق المادة الثانية بوضعها الحالي لا تتعارض مع ان يكون الرئيس غير مسلم لان المادة الثانية عامة وهناك مواد خاصة وهي المتعلقة بشروط المرشحي لمنصب الرئاسة والخاص يجب العام

ثانيا
ايه المشكلة انا مش فاهم
احنا فى جو ديموقراطى لو كان ينفع انه يترشح ما يترشح و اللى مش عايزه ميختاروش
و ايه مسيحى و مسلم كلنا واحد و هما مصريين زينا و من حقهم يختاروا اللى عايزينوا

لا طبعا الديمقراطية لا تتعارض مع اشتراط ديانة محددة في الرئيس وانظر التفصيل الذي كتبته عن الدولة الديمقراطية وشرط ديانة الرئيس

و لو كان الدستور بيبيحله الترشح ما يترشح يعنى مش مصرى و له الحق فى الترشح زى ما محمد حسان شيخنا الجليل له النفس الحق
و بصفتنا الاغلبية هنختار !
و عموما لا الدستور ده و اللى فات ولا اللى جاى هيبيح لغير المسلم الترشح
:)

الدستور الماضي كان يبيح ذلك والقادم اعتقد انه سيكون نفس الامر

المشاركة الأصلية كتبت بواسطة samyt

انا شايف انك تطالب بمادة تمنع اى مسيحى فى وظيفة رئاسية وخلاص , احنا لسه حنحط مادة لرئيس الجمهورية بس!! يعنى ينفع رئيسك يبقى مسيحى ؟! ومفيش مانع يبقى فى مادة تجبر كل مسيحى على الاستقالة لو هو اصبح رئيس حد مسلم. ايه رايك
وكمان نشطب اسم اى حد مسيحى مات علشان البلد فى اى حرب او حتى عمل حاجة كويسة للبلد.
طالما ان المسحيين اقليه اذن يرضوا باى حاجة تترميلهم هما حيعملوا فيه اصحاب البلد ولا ايه!!!
مع تحيات مسيحى مصرى .

بقولك ايه بلاش تاخد الكلام بالمعني اللى انت عايزه وخلينا نتكلم بالعقل ولو مش عاجبك قول لكل الدول الديمقراطية اللى انا كتبت اسمائها تغير دستورها
ورئيس الدولة يختلف عن اي منصب اخر فهو رمز الدولة وبالتالي يجب ان يكون على ديانتها
ولو كل نصاري مصر هايفكروا زيك يبقي عليه العوض ومنه العوض
المساوة لا تعني ان تسيطر الاقلية على الاغلبية والا تبقي كل الدول اللى بتقولوا عليها ديمقراطية دي متعصبة ولا توجد بها ديمقراطية او حرية
نحن لن نفعل مثل الغرب ولا نقول بحرمان الاقلية من حقوقها الدينية او ان تعامل معاملة متساوية مثل الاغلبية ولا نقول بمنع النصاري من اظهار تدينهم مثل ان ترتدي الفتاة الصليب كما منع الغرب النصراني المتعصب المسلمات من ارتداء الحجاب
لكن هناك نقاط رئيسية سجب احترامها والالتزام بها مثل ان يكون رمز الدولة على ديانتها

المشاركة الأصلية كتبت بواسطة sharpvision

هو الاساتذه اللى ردوا فى الموضوع علشان ديانة الراجل المترشح مش ملاحظين حاجه تانى؟ - ان اخر حكومه فى النظام البائد كانت كلها رجال اعمال ولعبوا بينا وبمصر كوره --- يبقى بعيدا عن الاديان مش هينفع نقبل اى رجل اعمال داخل الحكومه بعد كده علشان ما يستغلش منصبه فى اعماله الشخصيه ...

دي مغالطة لا يعني ان النظام السابق كان معظمه من اللصوص وكانوا مسلمين ان نجعل الرئيس على غير ديانة اهل البلد
وعلى سبيل المثال من اسوا الوزراء والذي تفنن في اذلال كل المصريين وسرقتهم يوسف بطرس غالي النصراني الارثوذكسي هل امنع كل النصاري الارثوذكس من تولي الوزارة لانه كان في النظام البائد واحد منهم رمز للفساد والافساد ؟؟؟؟؟؟؟؟؟؟
وفي نفس الوقت لست ضد كل رجال الاعمال فمن يعمل منهم بما يرضي الله ويفيد الدولة انا معه ما عندك ممدوح حمزة مهندس ورجل اعمال لكنه قبل الثورة كان رجل شريف واثنا الثورة كان من تكفل بنصب الخيام في ميدان التحرير من البداية هل امنعه من اي منصب لانه رجل اعمال ؟؟؟؟؟؟؟؟؟