حملة وجروب كبير من الأخوة المسيحيين لترشيح نجيب ساويرس للرئاسة!

**i_Am_Legend** · 22-03-2011 12:22 AM

انا شايف ان الاغلبية موافقة ما شاء الله!!!

لا اله الا الله محمد رسول الله.......

انا مش عارف سيدنا محمد : صلى الله عليه وسلم.... لو كان عايش كان هايقول ايه؟

ولا الشيخ الشعراوى... رحمه الله كان هايقول ايه!!!!!

**ghazy12** · 22-03-2011 12:34 AM

لا والله ؟؟؟؟ جديده دي

الظاهر اي حد معدي في الشارع هيترشح للرئاسه...!!!!!!!

على اساس ان الرئيس ده هيبقى مسؤول عن كشك سجاير ان شاء الله

عموماً... كما قال الرئيس المغوار او اللي غار عن البرلمان الموازي... خليهم يتسلوا

هقولك نفس المقوله الشهيره... خلييييييه يتسلى :))

**salsat** · 22-03-2011 12:51 AM

:b4_388::b4_388::b4_388::b4_388:

المشاركة الأصلية كتبت بواسطة funnymickey

منبقاش نزعل بقي لما واحد من المسيحيين يجيب لينك جروب عن ترشيح خيرت الشاطر لرئاسه الجمهوريه
ولا يجيب مثلا جروب لشيخ من شيوخ السلف ويتريق هوا كمان

هوا احنا مش المفروض بنؤمن بشئ اسمه الديموقراطيه ولا لا
يترشح للرئاسه هوا حر

كلنا عارفين اصلا ان في الشريعه الاسلاميه لا يجوز توليه امور المسلمين لغير المسلم
الموضوع بسيط ولا يحتمل الجدال
انما نتريق ونستهزئ
ده اللي ميصحش يااخوانا
مش اخلاق المسلم ولا دينه اصلا
يبقي ليهم حق يترعبوا من الدوله الاسلاميه
لان اهو مفيش حاجه وبنجهض الحقوق
امال لو بقت دوله تحكمها تعاليم الشريعه حنعمل ايه
حنقتل في بعض
المجتمع المصري ينقسم لديانتين
الاسلام والمسيحيه
وكلاهما عليهما نفس الواجبات ولهم نفس الحقوق
لا تقل ولا تنقص
بلاش المزايده علي الثوابت

رسول الله صلي الله عليه وسلم كان عايش مع اليهود
اليهوووووووووووووووووووود قتله الانبياء
وكان بيتاجر معاهم ويعاملهم بالحسني
الي ان تعدي عليهم اليهود وتأمروا علي المسلمين
ساعتها بس
نشوف الرسول عمل ايه ونعمل زيه
غير كده
لا

**MEDO84EG** · 22-03-2011 12:36 PM

المشاركة الأصلية كتبت بواسطة peaceman

الاقباط يا جماعة و انا قبطي و بقول إحنا كلنا مصريين و اخوات و مش بندور الا علي حاجه واحدة و اكيد كلنا كمصريين بندور عليها
و هي الاخلاق و الامان و الديمقراطية .. بنفس الترتيب كده هتلاقوا ان الديقراطية ستتحقق
و ترشيحنا لأي شخص فقط اللي يستحق ان يفدي نفسه عشان مصر و ليس ان يكون له مصالح شخصية
و هي ديه ثورة 25 يناير لكل احباء مصرر

الله يكرمك
بس ليا سؤال و اتمني انك انت بالذات ترد عليه
هل عندك اي مانع من اللي يحقق كل الاهداف دي لكل المصريين و زياده عليها يبقي واحد مسلم ؟

**tameraast** · 22-03-2011 12:39 PM

ليه لا ؟؟؟؟؟؟؟؟؟؟

**ashrafkemo** · 22-03-2011 01:34 PM

يا جماعة الخير المفروض اننا بقينا دولة ديموقراطية اللي عايز يدي صوته لاي حد مهما كان يديله والنتيجه النهائية للاغلبية ومن المسلم به ان الغالبية مسلمون اذا الامر محسوم من الان ولكن لا داعي لان نقول الاقباط يريدون او المسلمون يريدون فهذا الوطن ملك للمسلمين والاقباط وسيعيشون فيه سويا الي ان تقوم الساعة فلماذا لا نتطلع لوطن منتج متقدم علميا وصناعيا وسياسيا وايضا دينيا وليقم المسلم شعائره وليقم القبطي شعائره وننهض بهذا الوطن الي مستقبل افضل لنا ولاولادنا ولديننا اسلام او مسيحية فانا كامسلم احب ان اري بلدي احسن بلد في الدنيا بمسلميها واقباطها اما عن الانتخابات فالكلمة النهائية لصندوق الاقتراع والمهاتارات والمشادات بين الجانبين لن تمنعني عن الادلاء بصوتي لمن اريد فلنكسب وقتنا في فعل ما يفيد هذا الوطن - وتقبلوا تحياتي

**i_Am_Legend** · 22-03-2011 01:38 PM

ما شاء الله!_دة فى ناس ما عندهاش مانع إن يحكمنا مسيحى_والله زى الفل_أنا بجد مش عارف أقول أيه !!!

**otefa** · 22-03-2011 01:48 PM

المشاركة الأصلية كتبت بواسطة mmolazem

ايه المشكله
لو مطابق لشروط الترشيح ....
والانتخابات النزيهه هى الفيصل

+1
وبالطبع مش هاتنطبق عليه مصر دولة أسلامية لامجال لغير مسلم لحكمها..........أي محاولة للمساس بالجزئية دي معناه للأسف حرب أهلية ربنا يبعد عنا الفتن
ويستحسن والله عدم النقاش في الموضوع ده ونركز في الأهم مسلم ومسيحي ........في مايوحدنا بدل تفريقنا.

**smsm_cato** · 22-03-2011 01:50 PM

مع احترامى لجميع الاخوة فى المنتدى مسلمين ومسيحين المفروض نسيب كل اللى عايز يرشح نفسة للرئاسة يترشح والحكم راجع للشعب اللى اغلبيتة العظمى مسلمين يعنى حتى لو الاخوة المسيحين اللى فى مصر كلهم ادوا صوتهم لنجيب سويرس مش هينجح لانهم لا يتعدوا 10 مليون مسيحى فى مصر