كلابشات الدريكسيون

**ahmed1981** · 21-04-2008 11:13 PM

المشاركة الأصلية كتبت بواسطة Akram

طبعاُ الحرامية ممكن يتصرفوا مع أي حاجة , بس الفكرة ان الموضوع ميكونش سهل ,
يعني لو فيه إنذار و قفل دركسيون و غطاء كمان لو أمكن يبقى الحرامي هياخد وقت في التعامل مع كل ده و ده هيهخليه يتراجع لكن لو مفيش ولا حاجة من دول و مجرد انه يفتح الباب و يشغل العربية هيبقى الموضوع أسهل.

أتفق معك تماماً
وأتذكر أحد أقاربي الذي كانت سيارته سهلة الفتح وكان يضع الرخصة في الشماسة وفي النهاية سرقت والسبب عدم أخذه بأسباب الحماية
أي أن نعقلها ونتوكل

**thegoodhacker** · 22-04-2008 12:11 AM

انا اعتقد ان الكلابش اللي بيربط بين الدواسة و الديريكسيون افضل و يكون بارقام مش بمفناح علشان لو بمفتاح ممكن الحرامي يفتحه بطفاشة ..........كمان مع سنكرة الديريكسيون نفسه و ممكن كمان تحط مفتاح يفصل البطارية ......... كده يبقي ان شاء الله عمر ما حرامي حيفكر يسرق العربية دي ..... بس المشكلة ان الحاجات دي حتاخد وقت من صاحب العربية علشان يفكها لما ييجي يستخدم العربية ....... بس كله يهون بدل ما العربية تتسرق من واحد ابن حرام

**dr.hany** · 23-04-2008 11:15 AM

كلام مظبوط ميه فى الميه

المشاركة الأصلية كتبت بواسطة Akram

طبعاُ الحرامية ممكن يتصرفوا مع أي حاجة , بس الفكرة ان الموضوع ميكونش سهل ,
يعني لو فيه إنذار و قفل دركسيون و غطاء كمان لو أمكن يبقى الحرامي هياخد وقت في التعامل مع كل ده و ده هيهخليه يتراجع لكن لو مفيش ولا حاجة من دول و مجرد انه يفتح الباب و يشغل العربية هيبقى الموضوع أسهل.

**onsi** · 20-05-2008 10:46 PM

انا جايب الاثنين كلابش الدركسيون وكلابش الدركسيون مع الفرامل والاثنين بمفتاح وملاقيتش ابو ارقام واكلابش سهل جدا فى فكة وتركيبة لما اركب العربية ولو لقيت انواع احسن هاشتريها كمان

**ASD peugeot** · 20-05-2008 10:50 PM

انا عندي بربط طرف من الدركسيون بدواسه الدبرياج و هو عباره عن عصايه حديد وبمفتاح مش عارف اسمها كده كلابش ولاا ايه اصلي مش انا اللي اشتريتها بس ايه رأيكم كده في الربط من دواسه الدبرياج مع الدركسيون كويس

**abooomar** · 21-05-2008 04:17 PM

انا عامل انذار يدوى بمفاتيح على الابواب والكبوت يشتغل لو واحد فيهم اتفتح وتظل السرينه منطلقه حتى لو قفلت الباب تانى احسن واوفر واضمن ميت مره من الالكترونى ومركب كلبش دركسيون وكمان ياشيل فيوز واحد فقط لاتدور العربيه من غيره وأهم حاجه تستودع العربيه الله الذى لاتضيع ودائعه

**Medicalist** · 10-01-2012 10:08 PM

النهارده يا جماعه انا شفت نوعين من كلابشات الدركسيون نوع بيتحط على الدركسيون وده كان سعره 100 جنيه ونوع تانى مابين الدركسيون والتابلوه وده ب 120 ؟ هل الاسعار دى معقوله ؟

**ahmed31031** · 11-01-2012 02:39 PM

اعتقد ان في انواع مختلفة ودرجة الجودة بتفرق
انا عن نفسي جايب الكلبش الي هو بين الدركسيون والدواسة ب75 من التوفيقية بعد فصال وكان في انواع ب 20و30 بس بصراحة ان النوع الي جبته حسيت ان الحديد بتاعه اقوي بكتير, انا شايف انا حضرتك انزل التوفيقية وهتشوف انواع كتير واهم حاجة تفاصل

**lad** · 11-01-2012 03:46 PM

اهم حاجة يكون الحديد بتاع الكلبش محمل مش سهل يتكسر

**Ibrahim88** · 12-01-2012 12:46 PM

ووالدى استورد شحنة اسبانى (قبل الثورة) و محدش كان بيشتريها...بعد الثورة شيلنا كام واحد لنفسنا و الباقى خلص...السعر المعقول 120 جنيه مع العلم اللى كان عندنا سعر قديم (لو استيراد جديد هيكون اغلى) لان دة صناعة اسبانى او المانى مش فاكر و مصنوع من الفولاذ مش الحديد و له مفتاح دائرى مشفر و كنا بنبيعه جملة ب 100 جنيه و دجة سعره القديم لان والدى يرفض الاستغلال