هي البلد دي ماشيه ازاي حاليا ؟ ليا كام سؤال كده

**تامر.محمد** · 23-03-2011 10:02 PM

المشاركة الأصلية كتبت بواسطة moh.abdelbaset

بس القانون ده طالع من مجلس الوزارء برئاسة عصام شرف اللي الشعب وثق فيه و شباب الثورة رشحه لهذا المنصب و هو راحلهم ميدان التحرير.
وبالإضافة إلى أن نصوص القانون لسة مش معروفة علشان نحكم عليه بالرحمة أو القمع.

يا باشا القانون ما حددش يعني ايه تعطل العمل , و بالتالي فمين اللي هايحدد الاعتصام ده بيعطل العمل ولا لأ ؟
و بالتالي يوم ما حاجة تحصل او قانون يتعمل الشعب مش عايزه او او او , الناس هاتعمل ايه ؟
لو تظاهروا هايتقال لهم بتعطلوا العمل

اقول لك حاجة , اعتصام اعلام القاهرة تم فضه بالقوة بواسطة الشرطة العسكرية
الأمن المركزي ما كانش بيدخل الحرم الجامعي اصلا

**تامر.محمد** · 23-03-2011 10:05 PM

قام أفراد من الشرطة العسكرية مساء الأربعاء مستخدمين الصواعق الكهربائية بفض اعتصام طلاب وأساتذة كلية الإعلام بجامعة القاهرة بالقوة، وذلك بعد عدة أيام من دخولهم في اعتصام ونصبهم لخيام أمام الكلية بهدف إقالة عميد الكلية د.سامي عبد العزيز.

وقال شهود عيان أن هناك عدد كبير من المصابين بين الطلاب وأن الشرطة العسكرية قامت بهدم الخيام المنصوبة، وهو الأمر الذي تكرر أيضا في اعتصام طلاب كلية دار علوم.

وقال محمد إبراهيم أحد الطلاب المشاركين في الاعتصام أن مايقرب من 50 جندي من الشرطة العسكرية تعامل معهم بعنف لفض اعتصامهم، وأن هناك عدد من حالات الإغماء بين زميلاتهم، وأن أحد المجندين قال لهم بأنهم تلقوا الأمر بفض الاعتصام من د.سامي عبد العزيز عميد الكلية.

وقال د.هاني الحسيني إنه تم احتجازه بالإضافة إلى كل من د.محمود خليل ود.أشرف صالح ود.أحمد الأهواني لفترة في إحدى سيارات الشرطة العسكرية سبقها سحب بطاقات الهوية الخاصة قبل أن يتم الإفراج عنهم لاحقا،

نقلا عن الدستور

**تامر.محمد** · 23-03-2011 10:13 PM

المشاركة الأصلية كتبت بواسطة human12

ما انا قلتلك كل ثورة وانت طيب

هقولك
من اول ما نزل الموضوع للصندوق وهيه خلصت فعليا
و احب اقولك الناس مش عايزه ثورة واغلب المصريين اللى ماتحركوش عشان الثورة مش فارقه معاهم

عايز تشوف الصوره سوداويه اكتر
احب اقلك ان اللى قاموا بالثورة مش هتسمع عنهم تانى وانسى التحرير هيبقى ذكرى

ده كان رأيك يوم 24 يناير يا طارق ؟

من تويتر

لم يحدث في تاريخ مصر من أيام عبد الناصر إن الجيش دخل الجامعة وضرب نار في الهوا عشان يفض اعتصام بالقوة.. الجيش عمل ده دلوقتي وفض اعتصام طلبة كلية إعلام القاهرة اللي بيطالبوا بإقالة عميد الكلية اللي اتفق الجميع على فساده بما فيهم كتاب وصحفيين زي بلال فضل.. المجلس العسكري يسرق الثورة بشرعية الاستقرار.. فماذا ستفعل؟

نجح حوالى 200 طالب من المدينة الجامعية دخول الجامعة مرة أخرى مع زملائهم من كلية الاعلام وأعلنوا استمرار الاعتصام أمام القبة .

**M7amD_7amDy** · 23-03-2011 10:18 PM

المشاركة الأصلية كتبت بواسطة ghazy12

انت مستغرب يا محمد ولا ايه؟؟؟ :copy of m-s5:

اصل انا شخصياً مش مستغرب اطلاقاً لان ده متوقع بالنسبه ليا تماااامااا و قلت الكلام ده والله...

ترشحه مش معلن في كل وسائل الاعلام, لكن هيعلن في كل مكان خلال الايام القادمه علشان يلحقوا
يعملوا الحمله الانتخابيه, و ينسقوا مع الحملات الانتخابيه بتاعة الشعب و الشورى و انت عارف
الاخوان منظمين ازاي ما شاء الله (اشهد لهم بده بصراحه, اساتذه بجد)... و ده لما الاخوان
ياخدوا أغلبية مقاعد في مجلس الشعب, و ده بردو عكس ما قالوا في الأول انهم مش هياخدوا اكتر
من النسبه المعتاد عليها و اللي هي 30% فقط ده على حد تعبيرهم و كلامهم هما...

بس على سبيل المثال, الخبر اعلن في صباح الخير يا مصر... يعني التليفزيون الرسمي

اي معلومات انا في الخدمه يا باشا :))

يانهار اسود

ده لعب عيال بقه وتهريج

كل الإخوان اللى كنت بشوفهم يقولوا لآ مش هننزل الفترة دى للرياسة

وواحد صاحبى ليه علاقة بمجموعة من الاخوان ولكن هو مش منضم ليهم بس عاشرهم ومحتك بيهم

كان دايما يقولى يابنى دول عايزين يوصلوا للكرسى بأى طريقة وبكرة تشوف

أقعد اتشاكل معاه وأقوله ياعم دانا سامع بودنى من حد مسئول منهم مش فاكر اسمه

تقريبا حاجة العريان وبيقول لآ مش هنرشح حد للرياسة وهنكتفى ب 30 % من مجلس الشعب

بصراحة ياغازى باشا من بعد اللى شوفته فى الإستفتاء وترويجهم بالطريقة اللى كلنا شوفناها

وأنا قولت فى نفسى الناس دى فعلا هينزلوا انتخابات الرياسة

بصراحة ده اسمه تهريج لما يعلنوا انهم مش نازلين وفجأة يغيروا رأيهم

ربنا يستر على اللى جاى

وتحياتى ليك ياغازى بيك :)

**تامر.محمد** · 23-03-2011 10:19 PM

المشاركة الأصلية كتبت بواسطة moh.abdelbaset

يا أستاذي العزيز :
نصوص القانون لسة مش معروفة و بالتالي مقدرش أقول القانون ما حددش معنى تعطل العمل أو حدد معناه
نصبر لما نصوص القانون تعلن علشان أقدر أوجه له نقد

ليس دفاعاً عن الجيش أو الشرطة العسكرية
بس فض الإعتصام بالقوة يسأل عنه العميد و رئيس الجامعة و وزير التعليم
لأن الشرطة العسكرية مش هتفض الإعتصام من دماغها ،لأ ده بيُطلب منها
و النهادرة الصبح عميد كلية الإعلام في صباح دريم قال إنه قدم استقالته للوزير و رفضوها
تحياتي

يا باشا مفروض ولا من دماغها ولا من دماغ غيرها
مافيش تخريب حصل , ده اعتصام سلمي مشروع , و اساسا ازاي الشرطة العسكرية تدخل حرم الجامعة ؟
ده الامن المركزي كان بيقفل البيبان من برة و مش بيدخل

**تامر.محمد** · 23-03-2011 10:21 PM

ما شاء الله , خبر كمان

بدأ ظهر اليوم الأربعاء طلاب المدينة الجامعية في الإسكندرية اعتصاما مفتوحا ضد عودة الحرس الجامعي القديم، فقد فوجئ الطلاب ظهر أمس بانسحاب رجال الأمن التابعين لأحد شركات الأمن الخاصة والتي تولت حراسة منشئات جامعة الإسكندرية عقب ثورة 25 يناير، وحل محلهم رجال الحرس الجامعي القديم التابع لجامعة الإسكندرية والذين يتهمهم الطلبة بأنهم تابعون لجهاز أمن الدولة المنحل ولابد من استبعادهم.
وأكد قطب إبراهيم احد طلاب المدينة “للبديل” أنهم فوجئوا بالحرس القديم يعود من جديد إلي المدينة الجامعية، فتوجهوا إلى مدير المدينة الجامعية و الذي أكد أنه لا يعلم شيئا عن قرار عودتهم .

و قام الطلاب بتشكيل لجان من الطلبة تقوم على حماية المدينة الجامعية إلى حين عودة شركة الأمن أو الاتفاق مع شركة أخري.

ومازال الاعتصام مستمرا في ساحة المدينة الجامعية للبنين حتى حضور رئيس الجامعة إلى المدينة للتفاوض مع الطلاب وتحقيق مطالبهم التي تتمثل في رحيل إدارة المدينة، وتوفير امن جديد.

وفي نفس السياق تعرضت المدينة الجامعية للبنات بفراغ أمنى مساء أمس مما اضطر العاملين داخل المدينة إلى وتشكيل لجان لحمايتها حتى تدخل الجيش وأرسل قوة لحماية المدينة في منتصف ليل أمس.

نقلا عن جريدة البديل

-

-

-

-

الموضوع: هي البلد دي ماشيه ازاي حاليا ؟ ليا كام سؤال كده

LinkBack

أدوات الموضوع

عرض

-

-

-

-

-

-

المواضيع المتشابهه

هو الطريق الدائرى من الهرم للتجمع الخامس حاليا الرادرات اللى عليه شغاله حاليا ولا لا

البلد و الناس , سؤال مطروح للتفكير

سؤال عن سعر السيراتو الخليجى حاليا

سؤال الى السادة الافاضل مالكى الجولف سابقا او حاليا

الكلمات الدلالية لهذا الموضوع

المفضلات

المفضلات

ضوابط المشاركة