هي البلد دي ماشيه ازاي حاليا ؟ ليا كام سؤال كده

hh · 23-03-2011 10:22 PM

المشاركة الأصلية كتبت بواسطة human12

ما انا قلتلك كل ثورة وانت طيب

هقولك
من اول ما نزل الموضوع للصندوق وهيه خلصت فعليا
و احب اقولك الناس مش عايزه ثورة واغلب المصريين اللى ماتحركوش عشان الثورة مش فارقه معاهم

عايز تشوف الصوره سوداويه اكتر
احب اقلك ان اللى قاموا بالثورة مش هتسمع عنهم تانى وانسى التحرير هيبقى ذكرى

مش عارفة يا أستاذ طارق, على قد ما كلامك ليه أسباب منطقية كلنا شايفينها, بس مينفهش نبرة اليأس دي. لااااااازم نفكر ايه الخطوات اللي مكن نعملها؟؟؟؟

و بعدين على قد ما أنا عارفة ان موضوع القانون بتاع الأعتصام ده يقلق, بس أنا أول ما قريت الخبر حسيت انه الكلام ده موجه للأيدين اللي لسة عمالة تخرب و تثير الفتن. يعني توقيت القرار ده بعد المظاهرة بتاعت أمناء الشرطة امبارح و الحريقة اللي تزامنت معاها و حكاية لن يستخدم الا في حالة الضرورة, الجملة دي تحديدا حسيت زي ما تكون رسالة من دكتور عصام ان دي معمولة عشان ناس بعينها مش مسألة اعتصامات فئوية.

بس برضه حزينة و حسة اننا اتسرقنا. ربنا يسترها علينا.

**human** · 23-03-2011 10:22 PM

المشاركة الأصلية كتبت بواسطة tlrsiap

ده كان رأيك يوم 24 يناير يا طارق ؟

قولى ان مافيش جواك الاحساس ده
انا كل ما بشوف اخبار ولا اسمع تصريحات ولا اشوف الصراع الحالى بحس انى مش فاهم حاجه وكله بيضحك على كله زمافيش حاجه مفهومه
لما بمشى فى الشارع الزحمه طول اليوم بحس بفقدان امل
لما بشوف الناس اللى ماشيه عكسى واخاف افتح بقى بحس بانى فى عالم عبثى

انا فعليا شاكك فى كل حاجه وقلتلك قبل كده على شكى فى الجيش
بس دلوقتى فعليا شاكك فى كله

والحاجه الوحيده اللى كنت براهن عليها هيه الناس
صدقنى بعد التصويت بنعم مافيش تانى ثورة عشان فعليا الانقسام حصل والمجموع الرهيب ل77% - فى القاهرة 60% ده بيدل على مين اللى هيرفض اى تحرك تانى لاثبات الموقف
خدبالك ان كل التيارات كانت متحالفه
بس دلوقتى خلاص خلصت ومافيش تحالف الا عشان مصلحتى ومصلحتك

وبعد القانون الجديد(مش عارف هينفذوه ازاى) انسى تقف تقول صوتك ومطالبك

المشهد اللى شايفه سودوى جدا

**ghazy12** · 23-03-2011 10:23 PM

المشاركة الأصلية كتبت بواسطة otefa

ومانقدرش ننكر زي المهندس غازي ماقال تنظيمهم وقدراتهم المؤثرة في الشارع تستحق التقدير بصراحة

فعلاً والله يا هندسه و ابصملهم بالعشره كمااان على تنظيمهم و تأثيرهم القوي جدااا على الشارع
و ده من زماااان على فكره, بس أمن الدوله كان محجمهم و بالتالي ماكانش باين عليهم, بس يمكن
انا بحكم اختلاطي بيهم و معاشرتي ليهم عارف كده عنهم فعلاً, و لو اقولك كانوا بيعملوا ايه يمكن
ماتصدقش لانهم بيهتموا بتفاصيل كتييير... و مترابطين جداااا, بس مش كلهم لان في بعض الانقسامات
كانت بتحصل بينهم داخلياً و ماحدش بيسمع عنها و بصراحه دي بردو ميزه كبيييره جدااااا,
لان اختلافهم بردو بينهم و بين بعض مش على الملأ, و الحاله الوحيده اللي كانت واضحه للرأي
العام ساعة الانتخابات اللي فاتت (المزوره) لما مرشحهم انفصل عنهم و دخل مستقل و نجح...

مع اني بختلف معاهم في كثير من الأمور و الأفكار و المنهج العام... بس عندهم مميزات
لا يمكن لاحد انكارها اطلاقاً, و بيعرفوا يتكلموا امتى, و يسكتوا امتى... لا, سياسه على حق :))

**Moh.Abdelbaset** · 23-03-2011 10:25 PM

المشاركة الأصلية كتبت بواسطة tlrsiap

يا باشا مفروض ولا من دماغها ولا من دماغ غيرها
مافيش تخريب حصل , ده اعتصام سلمي مشروع , و اساسا ازاي الشرطة العسكرية تدخل حرم الجامعة ؟
ده الامن المركزي كان بيقفل البيبان من برة و مش بيدخل

ده يسأل عنه الوزير و رئيس الجامعة

**تامر.محمد** · 23-03-2011 10:26 PM

المشاركة الأصلية كتبت بواسطة human12

قولى ان مافيش جواك الاحساس ده
انا كل ما بشوف اخبار ولا اسمع تصريحات ولا اشوف الصراع الحالى بحس انى مش فاهم حاجه وكله بيضحك على كله زمافيش حاجه مفهومه
لما بمشى فى الشارع الزحمه طول اليوم بحس بفقدان امل
لما بشوف الناس اللى ماشيه عكسى واخاف افتح بقى بحس بانى فى عالم عبثى
انا فعليا شاكك فى كل حاجه وقلتلك قبل كده على شكى فى الجيش
بس دلوقتى فعليا شاكك فى كله
والحاجه الوحيده اللى كنت براهن عليها هيه الناس
صدقنى بعد التصويت بنعم مافيش تانى ثورة عشان فعليا الانقسام حصل والمجموع الرهيب ل77% - فى القاهرة 60% ده بيدل على مين اللى هيرفض اى تحرك تانى لاثبات الموقف
وبعد القانون الجديد(مش عارف هينفذوه ازاى) انسى تقف تقول صوتك زى
المشهد اللى شايفه سودوى جدا

مش بالطريقة دي خالص
انت احساسك دلوقت ... عشان خاطر مين ؟ الاسلامجية يحكموا ولا الناس اللي ما اتحركوش ؟
مش كده ؟؟؟
زي ما كنت باقول و الله , نجحت حركة الاستفتاء التافه في شق الصف

**تامر.محمد** · 23-03-2011 10:29 PM

المشاركة الأصلية كتبت بواسطة moh.abdelbaset

ده يسأل عنه الوزير و رئيس الجامعة

وزير مين ؟
وزير الدفاع بقى , مافيش فرقة عسكرية ممكن تعمل حاجة زي دي بدون امر المجلس العسكري اصلا
اوعى تكون شاكك في حاجة زي كده

**dr-mohamed** · 23-03-2011 10:33 PM

هل كان المطلوب ان يستمر الطلاب في اضرابهم وتعطيل الدراسة ؟؟؟؟؟؟؟؟؟؟
هل المطلوب ان يتدخل الطلاب في اختيار عمداء الكليات والوكلاء كما يطالب البعض ؟؟؟؟؟؟؟؟
اذا كان الطلاب لا يعرفون اصلا اساتذة الكليات كيف يمكنهم اختيار الافضل منهم ؟؟؟؟؟؟؟
هناك طلاب كثيرين في الفرقة الرابعة ولا يعرفون اساتذة درسوا لهم الاربع سنوات لان البهوات بيحضروا الامتحانات بس
هناك طلاب مخدوعين في بعض الاساتذة وفرحانين بالدكتور اللى بينجح ويدي درجات مرتفعة ومش مهم الشرح والفهم
هناك طلاب مخدوعين في بعض الاساتذة ممن كانوا اعضاء فعلا في الحزب الاوطني وبعضهم كان يكتب تقارير في الامن بل وطالب البعض الفترة الماضية ان يتولي احد هؤلاء منصب رئيس جماعة القاهرة وعملوا صفحة على الفيسبوك انضم لها اكثر من 400 طالب

الطالب وظيفته يدرس صح والدكتور وظيفته يدرس صح والعميد والوكلاء والاداريين وظيفتهم يديروا العملية التعليمية صح ماليش دعوة بقة العميد ده مسلم ولا مسيحي اخوان ولا حزب وطني ولا ليبرالي ولا علماني انا ليا دعوة بادارته للكلية وبس
وشهود تويرت والفيسبوك ليسوا شهود عدول حتي اخذ كل كلامهم على انه صحيح ومعظم وسائل الاعلام ينطبق عليها نفس الوصف فهي نفسها وسائل الاعلام والصحف التي صورت لنا ان الشعب سيختار لا باكتساح او ان الفارق بين لا و نعم سيكون بسيط للغاية وعملوا استفتاءات ووووو وكلها طلعت غلط في النهاية

**dr-mohamed** · 23-03-2011 10:35 PM

هو مش من شوية كان تويتر وكل المصادر بتقول عصي كهربائية ؟؟؟؟؟؟؟؟
وكان تم فض الاعتصام فعلا ؟
دلوقت اصبح الجيش ضرب نار في الهواء لفض الاعتصام

كمان شوية الجيش دخل الجامعة بالدبابات نقلا عن تويتر

-

-

الموضوع: هي البلد دي ماشيه ازاي حاليا ؟ ليا كام سؤال كده

LinkBack

أدوات الموضوع

عرض

-

-

-

-

-

-

-

المواضيع المتشابهه

هو الطريق الدائرى من الهرم للتجمع الخامس حاليا الرادرات اللى عليه شغاله حاليا ولا لا

البلد و الناس , سؤال مطروح للتفكير

سؤال عن سعر السيراتو الخليجى حاليا

سؤال الى السادة الافاضل مالكى الجولف سابقا او حاليا

الكلمات الدلالية لهذا الموضوع

المفضلات

المفضلات

ضوابط المشاركة