الموضوع: DIY PIC16F877A Digital Speedometer, LCD Odometer, LED indicators | اعمل عدادك بنفسك

المشاركة الأصلية كتبت بواسطة amr mohamed

huh
يا نهار اشطة
بصراحة مهندس الكترونيات ولا كهربا دى مش بالسااهل خالص ده انا لو اتشقلبت لا ينكن ابدا افهم ال يلااااا
الحمد لله
وطبعا مجهود جميل جدا وتعب راءع انتج حاجه زى الفل
شكلة حلو كمان وهو راكب تحس انه نضيف ومدى لقطة حلوة

واحدة واحدة ممكن تعملها هى مش صعبة كتنفيذ
هى صعبة في الاول وما اكدبش عليك خدت منى وقت جامد وفي لحظات كنت هفقد فيها الامل خصوصا موضوع الباور لما كان بيحصل ضوضاء تخلى البيك يرستر لوحده كل شوية

بس هو من اهم ميزات البيك ان بمجرد ما تتم البرمجة بيبقى سهل تعمل الدايرة
وطالما عرفت مكونات الدايرة بالظبط سهل تنفذها لو انت عارف الاساسيات في اللحام والتوصيل و كدة

بس فعلا من اصعب الحاجات اللى قابلتنى كانت حاجتين
الباور وتركيب المكونات كلها في المكان الضيق ده

وعموما احنا ممكن نصمم تصميم دايرة مطبوعة يبقى ليها مسارات جاهزة
بحيث تطبعها على بوردة نحاس وتخرم مكان المكونات وتلحم المكونات على طول بدون ما توصل اسلاك

المشاركة الأصلية كتبت بواسطة amrelsaqqa

مستنى اعرف رأيكم وخصوصا الناس اللى طلبت منى تفاصيل الدايرة في موضوع ابو حسنى

بالنسبة لبرمجة البيك هو المفروض هيحتاج مبرمجة ودى ممكن تبقى ب30 لوحدها :(

بس مش عارف هل ممكن عند النخيلى مثلا تطلب منه يبرمجلك البيك وانت بتشتريه حسب البرنامج اللى معاك ولا لا

هو هيبقى ملف .hex صغير هيفتحه بالبرنامج اللى هيبرمجها على الكمبيوتر
وعن طريق المبرمجة او البرنر الكمبيوتر هيحرقه على الاي سي

طبعا العداد بيحتفظ بالكيلومتر حتى بعد فصل الباور لأن البيك فيه ذاكرة زي الفلاشة كدة eeprom

وطبعا انا اثناء برمجة الملف ظبطته على 206300 لأن دى قراية عدادى القديم

ان شاء الله هبقى اقول تفاصيل عملية حرق البرنامج على البيك وازاى نظبط الكيلومتر على رقم معين واحنا بنبرمجه
وده لينك البرنامج .hex في ملف مضغوط

speedo.zip

مجهود رائع ... و انا متابع موضوع العداد الديجيتال معاك ده من ايام ابو حسنى
و حاولت بصراحه انفذه بس فشلت فيه لأن فعلا ماكنشى فيه وقت اتفرغ فيه لمذاكرة الماكرو سى بالشكل اللى يخليني اقدر اعمل حاجه زى كده و كمان مع الاحداث الاخير ( العظيمه ) الواحد ماكنشى بيروح بيته اصلا
المهم
كمل جميلك بقى و ارفعلنا الSource Code و فايل السيميوليشن بتاع البروتس
لأن اللى مرفوع هو فايل hex بس
علشان الواحد يقدر يظبطها على عربيته او يعدل فيها زى ماهو عاوز
بالمناسبه السينسور بتاع الماوس ده جبته منين ؟؟؟ اوعا تقولى من ماوس قديم علشان الحجات دى انقرضت دلوقتى

ماشاء الله عليك
شغل عالي اوي

مجهود جبار بس احنا عوزين شرح مفصل اولا المكونات بالتفصيل و طريقة التوصيل لكل دائره طيعا عشان فى ناس مبتدئين زى
يعنى تفصيل مومل لو سمحت و ربن يكرمك ان شاء الله

بجد بجد مهندس عبقرى
ربنا يوفقك يارب
بس كان عندى سؤال انت ثبت حساس السرعه ازاى على واير السرعه ولا على الفتيس وهل قرائته دقيقه ولا لا وشكرا

المشاركة الأصلية كتبت بواسطة khaled_sabry

مجهود رائع ... و انا متابع موضوع العداد الديجيتال معاك ده من ايام ابو حسنى
و حاولت بصراحه انفذه بس فشلت فيه لأن فعلا ماكنشى فيه وقت اتفرغ فيه لمذاكرة الماكرو سى بالشكل اللى يخليني اقدر اعمل حاجه زى كده و كمان مع الاحداث الاخير ( العظيمه ) الواحد ماكنشى بيروح بيته اصلا
المهم
كمل جميلك بقى و ارفعلنا الSource Code و فايل السيميوليشن بتاع البروتس
لأن اللى مرفوع هو فايل hex بس
علشان الواحد يقدر يظبطها على عربيته او يعدل فيها زى ماهو عاوز
بالمناسبه السينسور بتاع الماوس ده جبته منين ؟؟؟ اوعا تقولى من ماوس قديم علشان الحجات دى انقرضت دلوقتى

انا كنت ناوى اخلص كل حاجة بعد الامتحانات مباشرة بس برضه الاحداث العظيمة غيرت مجرى كل حاجة
عموما البرنامج كفكرة في الاساس سهل بس مع التعقيدات والاضافات كل يوم بعد يوم والاخطاء اللى حصلت ومعالجتها وفكرة انك تسيف المسافة في ذاكرة العداد
كل ده خلى البرنااامج بقى كبير ووصل 360 سطر ( انا نفسى اللى مبرمجه بقيت اتلخبط فيه لو سبته لمدة )

عموما انا عامل حساب الكونفيجيوريشن في اول البرنامج خالص هتظبط قيم ثوابت معينة والبرنامج هيظبط المعايرة على حسب عربيتك بالظبط

ده لينك ملف مضغوط فيه فولدر البروجكت كله ما يغلاش عليك
السورس كود وملف البروتس وملف تانى لبرنامج حلو اوى اسمه real pic simulator
http://www.mediafire.com/?nau0c80dew36no3


وده لينك الميكرو سي اخر اصدار

http://www.mikroe.com/eng/downloads/...v460_setup.zip

وطبعا اهم حاجة لازم تستخدم الكيجن ده عشان البرنامج بتاعنا كبير فمش هيتعملله كومبايل في الاصدار الديمو
4shared.com - free file sharing and storage


وده لينك برنامج real pic simulator بالكراك
Real Pic Simulator v1.3.0.0.rar - 4shared.com - online file sharing and storage - download


بالنسبة لسنسور الماوس اه جبته من ماوس قديم :D
بس هو متوفر يعنى ما تقلقش لأن حتى الماوسات الليزر -مجازا- فيها نفس البكرة بنفس السنسور

بس هو السنسور ده بصراحة مش عاجبنى وعايز اغيره واجيب حاجة زي كدة



وفكرته عبارة عن ليد انفرا و فوتوترانزستور لما حاجة تمنع ضوء الليد الانفرا الترنزستور يتأثر


وتوصيلته بتبقى زي كدة


بحيث لما يمر عائق في الوسط في التجويف اللى فيه ده يحصل توصيل او قطع في الدايرة والليد الخارجية تقيد او تطفى وممكن طبعا نوصل مكان الليد الخارجية الطرف اللى رايح للبيك

وعشان نحسب بيه السرعة ممكن نستخدم دائرة مخرمة تلف جوة التجويف ده بحيث تدى بلسات مع حركة الواير
حاجة زي كدة




السنسور ده لقيته موجود في السوق واسمه slotted optocoupler او احيانا ممكن تسميه اوبتوكبلر حرف يو

وحاولت اوصله في دايرة تست بحيث اقيد الليد واطفيها بمرور حاجز وكل محاولاتى باءت بالفشل حتى الان ، مش عارف انا بوصله غلط ولا الانواع الموجودة مضروبة ولا ايه
خصوصا ان مفيش حاجة بتوضح ترتيب الاطراف بتاعته ومش مكتوب عليه اي حاجة ولا اسمه حتى والداتاشيت على النت اشكال وانواع مختلفة

لو حد يعرف يجيبه ويجربه لوحده ويقوللى على النتيجة يبقى كويس اوى اوى

المشاركة الأصلية كتبت بواسطة tiger45

ماشاء الله عليك
شغل عالي اوي

شكرا ياباشا على ردك المهم يكون عجبك وتقدر تنفذه قريب

المشاركة الأصلية كتبت بواسطة metoelessawy

مجهود جبار بس احنا عوزين شرح مفصل اولا المكونات بالتفصيل و طريقة التوصيل لكل دائره طيعا عشان فى ناس مبتدئين زى
يعنى تفصيل مومل لو سمحت و ربن يكرمك ان شاء الله

من عينيا ، ان شاء الله هيكون في شرح مفصل وقائمة بكل المكونات

المشاركة الأصلية كتبت بواسطة tarekmomo

الله ينور عليك

الله يخليك ، انت اللى نورت الموضوع

المشاركة الأصلية كتبت بواسطة mrghost

بجد بجد مهندس عبقرى
ربنا يوفقك يارب
بس كان عندى سؤال انت ثبت حساس السرعه ازاى على واير السرعه ولا على الفتيس وهل قرائته دقيقه ولا لا وشكرا

ربنا يخليك ، بصراحة هو انا يعتبر مش مثبت الحساس اوى في الواير
وعشان كدة برضه بفكر اغير الحساس لحاجة تانية بس انا عملت ايه بقى :
الحساس فيه خرم صغير على شكل سداسى جبت راس مفك صغير قديم مكسور وحطيتها فيه من ناحية السلاح بتاع المفك
والناحية التانية للمفك حشرتها في ترس بلاستك صغير ومن الناحية التانية للترس فيه بروز قطره بتاع نص سنتى كدة زنقت فيه اسطوانة نحاس مفرغة جبتها من مشترك كهربة
والناحية التانية للاسطوانة النحاس تنيتها وحشرت فيها الواير زنق
بالوضع ده ممكن ارمى الواير بالسنسور ورا العدادات عادى وبيبقوا ماسكين في بعض بس برضه تعتبر حاجة تجريبية ولازم تتغير من وجهة نظرى خصوصا ان السنسور ده بيطلع 12 نبضة بحالهم في اللفة يعنى على السرعات العالية هيبقى عندنا الاف النبضات وهيصعب عدها بدقة

لقيت صورة موضحة الجزء الاخير من السنسور اللى رايح للواير كنت مصورها ايام ما كنت مركب المكونات في بوردة تست كبيرة ايام ما كان الموضوع لسه فكرة