يا دكتور على حسب ما صرح بلال فضل فى البرنامج على ontv ان الوثائق اللى معاه وصلت الى ايادى جهات سيادية يعنى هو مش بيقول اى كلام و من الواجب ان نبحث مدى صحة او كذب ما جاء بها
اما موضوع الاغتيالات فلو حضرتك شاهدت البرنامج هذا ليس بكلام بلال فضل وحده علشان نشيله الموضوع كله و لكن نفس الكلام كان لضابط فى الداخلية و لدكتور اخر قام بتحذير د/علاء الاسوانى و ايضا العقيد عمر غفيفى و كان يجب على المجلس العسكرى و الجهات الامنية استدعاء من يدلى بهذا الكلام للتأكد من صحته , فاذا كان الكلام صحيح يتم اتخاذ الاجراءات الامنية الضرورية و ان كان الكلام خطأ وجب حساب مردديه و كشفهم
و هذا ما يفعله العالم من حولنا عند بروز مثل هذه الاخبار و تخيل حضرتك ان فى الخارج لو ذكر عبارة قتل تنقلب الدنيا اما عندنا قائمة اغتيالات و مع ذلك هناك حالة من اللامبالة الغريبة و عدم فتح اى تحقيقات فى هذا الكلام
اما فيما يخص الجيش فحضرتك بتقول ان هناك اتهامات و قحة وجهت له فان امكن معرفة هذه الاتهامات
و اعتقد انه لا يجب ان نخلط بين الجيش و مهامه فى الحفاظ على سلامة الوطن و بين المجلس العسكرى و ادارته لشئون الدولة و من الطبيعى ان يكون هناك انتقاد لهم فهم بشر مثلنا يخطئوا و يصيبوا و بالتالى اعتقد انه لا توجد مشكلة فى النقض
حاجة اخيرة كان العقيد عمر عفيفى قال ان فيه اسلحة تدخل مصر من الحدود الغربية و الجنوبية و حتى لا يكون كلامه مرسل فقد اتصل باللواء العيسوى وزير الداخلية و ابلغه بهذه المعلومات ثم خرج علينا فى برنامج اخر كلام ممثل عن القوات المسلحة و قال الحدود متأمنة و مفيش اى سلاح بيخش و الدنيا فل. طيب سؤال لما العملية محكومة كده ازاى كمية السلاح الرهيبة اللى فى الصعيد و من قبل الثورة دخلت و من اين ؟؟ , و كيف استطاع البدو فى سيناء ان يضربوا اقسام الشرطة و الامن المركزى بأسلحة الار بى جى ؟؟؟؟
غريبة جدا بقى بئس الثورة علشان كتاب يتكلموا بأسمها
سبحان الله فى الدول المحترمة و اللى احنا بنحلم نصل الى نماذجهم الديموقراطية يعتزوا جدا بالكتاب الذين عاصروا ثوراتهم و تحدثوا بأسمها مثل الكاتب انطوان برناف فى الثورة الفرنسية و الذى اعدم دفاعا عن الثورة , و كذلك الكتاب توماس باين و توماس جيفرسون و باتريك هنرى فى الثورة الامريكية
اما احنا للمفارقة فبنلعن الثورة اللى يتكلم بأسمها هؤلاء الكتاب
لله الأمر من قبل و من بعد
المفضلات