الموضوع: بلال فضل: خطط إجهاد الثورة: إذا نجا البرادعى .. هل يتم اغتيال البسطويسى وصباحى؟

المشاركة الأصلية كتبت بواسطة wawoo

عصام شرف ليس كل مطالب الثورة ...و اى كان سبب الاعتصام فى التحرير او فى كلية الاعلام دى

والله يا اخي من كتر المطالب اللى كل يوم يقال انها مطالب الثورة الناس نسيت ايه هي مطالب الثورة اصلا وكل واحد عايز حاجة لنفسه دلوقت يقول انها مطالب الثورة

مافيش ما يبرر استخدام القوة المفرطة دى ..الا لو هناك من يريد القضاء على اى اشكال التجمهر والاعتصام و لة مصلحة فى اجهاض الثورة و كل اشكلها باى شكل ..و قانون منع التظاهر اللى وقع علينا دة من كام يوم مش صدف ...

هي فين القوة المفرطة اللى استخدمت ؟؟؟ هو الجري ورا الناس وصوت الصاعق اصبح قوة مفرطة ؟؟؟؟؟؟
واي تجمهر او اعتصام دلوقت يبقي اللى بيعمله هو اللى عايز يجهض الثورة فعلا يعني ايه البلد كله تقضيها اضرابات واعتصامات ومفيش شغل ؟ احنا داخلين فعلا على كارثة اقتصادية والناس بتهرج علشان مطالب سخيفة

د علاء الاسوانى وضح ان فولو الوطنى بتلعب على الكتلة الغير فعالة ..اللى هى شافت الثورة فى التلفزيون ..و دى لا يهمها شرف و لا حسنى ولا غيرة ..دى يهمها اكل عشيها و خلاص و الحياة تمشى اى كان مين اللى موجود ..
تاني علاء الاسواني ؟
وفلول ايه هما 14 مليون مختلفين مع كل مرشحي الرئاسة وكل اللى بيجوا في التليفزيون وعلى راسهم الاسواني وفضل فلول
وهل المطلوب ان الشعب لا يهتم بالعمل ولا الانتاج ونستمر في ثورة ثورة حتي الموت علشان تبقي الثورة نجحت ؟

و غريبة ان مثلا هذا الجيش لم يفض مظاهرة الشرطة امام وزارة الداخلية ..و كان فى حريق كمان فى ثلاث ادوار لحرق مستندات الله اعلم بالل فيها ...

مين قال لحضرتك ان الجيش لم يفض المظاهرة ؟؟؟؟؟ انا عن نفسي معرفش فضها ولا لا بس لو حضرتك عندك اي دليل ان الجيش لم يفضها يا ريت تقوله

يعنى الجيش عندة خيار و فقوس ..اللى فى التحرير و الطلبة فى الكلية و فى حالهم دول يضربو انما اللى بيحرقو وزراة الداخلية دول حقوقهم مهضومة ..

مين دول اللى في حالهم يا استاذ هو حضرتك نزلت التحرير اخر ايامه او عارف ايه اللي حصل في اعلام ؟
في التحرير الثوار في اخر ججمعة اللى تم تعيين عصام شرف فيها اعلنوا تعليق الاعتصام وفضه وبرغم كدة فضلت مجموعات لها مطالب فئوية وبعدهم معندوش مكان يقيم فيه وشوية من عينة ثورة ثورة حتي الموت وكل شوية ينزلوا الشارع يوقفوا المرور وفيه حاجات حصلت مينفعش اكتبها
في كلية الاعلام الطلبة طلعوا الدور الرابع واحتلوه ومنعوا خروج العميد وبعض الاساتذة من المكتب واحتجزوهم ودي جريمة في قانون العقوبات عقوبتها من 3 - 15 سنة سجن بدون طوارئ او غيره وعلقوا اعلان بتعليق اي منع الدراسة لمدة اسبوع كدة مفيش اي غلط عملوه وفي حالهم ؟

المجلس العسكرى للاسف خيب امال الكثيرين ..و حديثة عن دعم الثورة و محاربة الفساد و مطاردت قيادات الحزب الوطنى مجرد كلام مرسل لاستهالك الناس فى التحرير و فى الفضائيات
انما الصفقة على ارض الواقع مختلفة تمام.....

المجلس العسكري يبقي مش بيخيب امال الكثيرين ازاي ؟ انه يجيب الاسواني وفضل ونوارة والبرادعي ويقولهم اتفضلوا البلد واعملوا اللى انتم عايزينه ؟ ولا انه يترك كل من يريد عمل مظاهرة وقطع الطريق في اي وقت واي مكان لاي سبب يعمل اللى هو عايزه ؟ ولا يقيل حكومة شرف اللى اصدرت قانون تجريم التظاهر رغم ان الثوار هم اللى اختاروها ؟ ولا انه ميقبضش على الحرامية والبلطجية علشان يبقي لا يعتدي على حقوق الانسان ؟ ايه المطلوب بالظبط ؟؟؟؟؟
متهيالي موافقة 77% على التعديلات الدستورية التي عرضها المجلس العسكري في استفتاء حر برغم كل الاعلام الموجه ضد الموافقة وبرغم اتفاق كل مرشحي الرئاسة على الرفض وبرغم كل اعلانات هاتي معاك خمسة يعني موافقة الشعب على ما يريده المجلس العسكري ورفضه لكل هؤلاء