محتار جنط 13 او 14 للكرستاله

**prisoner** · 27-03-2011 12:09 PM

بسم الله الرحمن الرحيم
السادة رواد المنتدى المحترمين
الاستاذ المحترم / محمد بك الجرجاوى
الاستاذ المحترم / صبحى باشا

اولا احب اقول انى من الناس اللى استفدت كتيير من المنتدى الرائع ده ولازم وواجب عليا انقل كل التجربة وفى الاول بقول مع احترامى وتقديرى لكل الاعضاء وارائهم بس انا اول واحد كنت خايف اجنط علشان موضوع العفشة المهم المقاس الاصلى بتاع العربية اهو 175/70/13 فى موقع بيحسب النتائج لوكبرت الكاوتش والجنط بالسنتيميتر بص بقى اول صورة لو غيرت ل 185/65/14 هيكون الفرق موجود فى الاخر بين الاصلى والمعدل اهو

نيجى بقى للمقاس الثانى 185/60/14 الفرق اهو

بصو بقى المفاجئة لما نركب ال15 هيبقى ايه

وده اسم الموقع وعلى فكرة انا جربت اكتر من موقع بس للاسف مش لاقى عندى غير ده لان نزلت ويندوز

http://www.miata.net/garage/tirecalc.html

www.miata.net

ملحوظة هامة كل ما الرقم يقل ويقرب لصفر يبقى احسن فى ايه بقى احسن فى الارتفاع احسن فى الاداء والتاثير على العفشة وبعدين الحمد لله بقاللى 6 شهور وحاطط نيتروجين والاحساس بالمطبات تحفة بس ده يرجع اذا كانت العفشة كويس والا لا لو كويسة مش هاياثر لو فيها حاجة محدش يقوللى انت السبب وعلى فكرة الارتفاع هايزيد 1 سم بس ومش هاتحس بالفرق ولكم منى خالص التحيات

**mohammedabdallh** · 27-03-2011 12:25 PM

انت كدا بوظت الدنيا كلها
كدا الواحد تاه فعلا
انت بتقول حاجه وكل واحد بيقول حاجه
يبقى خلا ص ابيع العربية وهريح دماغى
من الوش ده خالص

**prisoner** · 27-03-2011 01:01 PM

المشاركة الأصلية كتبت بواسطة funnymickey

مين بينده
؟؟؟
:)

يبقي حرام عليك لو ركبت 13
ولا ليها لازمه المصاريف خليك بالجنط الحديد احسن
انا بعد بحث وتمحيص ولفلفه كتير ركبت 14 مع اني حموت علي 15
بس للاسف قالولي العفشه حتبوظ
مع ان فيه ناس مركبه 15 وعادي

عادى جدا مفيش اى مشاكل والفرق فى الفلوس بين 14 وال 15 بسيط لكن الشكل احلى كتيير لان ال 13 وال 14 قريبين من بعض جدا مع احترامى الشديد لحضرتك وعلى فكرة الشكل اللى انت مركبوا برضوا رائع وسيمبل جدا وماركة يعنى دى كفاية

المهم
ركب 14 وتوكل علي الله
والكاوتش تجيبه سوبر سايلنت
عشان يشيل من علي العفشه حمل كبر الجنط
صحيح حتدفع شويه زياده
بس حتبقي مرتاح
ومفيش صوت بقي وانتا ماشي
انا كنت مركب الكومهو كان مطلع عيني وفي 13
ركب ياباني
برديجستون او يوكوهاما
مقاس
14/185/65 او 60

وابقي اسأل مصطفي (prisoner)
مركب 15
ايه نظامه

رديت ياباش على الموضوع بالتفصيل وايه اللى حصل عندى

اخبار الاصوات والعفشه ايه

الحمد لله رب العالمين مفيش اى مشاكل

بس انتا عشان بتنزل في مطبات وحفر خليك في 14

**prisoner** · 27-03-2011 01:05 PM

المشاركة الأصلية كتبت بواسطة mohammedabdallh

انت كدا بوظت الدنيا كلها
كدا الواحد تاه فعلا
انت بتقول حاجه وكل واحد بيقول حاجه
يبقى خلا ص ابيع العربية وهريح دماغى
من الوش ده خالص

ههههههههههههههههه لا ياراجل تبيع ايه انا مركبه وادخل على الموقع ده وجرب بنفسك وشوف ولو انت متردد خليك فى ال 13 لان ال 14 مش هايديلك الراحة والارتفاعات المناسبة للمقاس بتاعك وقارن وشوف ده موقع عالمى مش انا اللى عامله مش معنى كده ان اللى الناس بتقوله غلط لا بس كل واحد على حسب مايقتنع بالراحة كده وفكر ومتستعجلش وربنا يوفقك مش انت برضوا عربيتك لانسر كريستالة اتاكد ان العفشة تمام قبل ما تعمل حاجة وحط نيتروجين وادعيللى وبالتوفيق انشاء الله الفرق فى البوصىة او 2 ميخضكش.

**prisoner** · 27-03-2011 02:25 PM

المشاركة الأصلية كتبت بواسطة bisoolover

لو ركبت ال 15 هياثر على العفشة

متقلقش انا مركبه عندى والحمد لله

**M.Elgergawy** · 27-03-2011 02:27 PM

المشاركة الأصلية كتبت بواسطة prisoner

ياراجل ماشاء الله لا قوة الا بالله والله شكله تحفة مش وحش وبعدين الموضوع بيرجع للذوق وباين انه لايق جدا على العربية بصرف النظر هوة كبير والا صغير بس ذوق تحفة والله ربنا يباركلك فيها ويكفيك شرها

ربنا يخليك يا درش ومتشكر جدا على ذوقك
انا ان شاء الله لما الكاوتش يجيب آخره واجي اغيره ان شاء الله هركب جنط 15 بس لما اركب عربيتك واجرب المطبات الاول

**mohammedabdallh** · 27-03-2011 02:30 PM

الحمد لله العفشة تمام
بس انا دايما مقتنع بحاجه ان الى صنع العربية هو ادرى بيها فى كل الظروف
علشان كدا منزلنها ب جنط 13 وكان فى اديهم ينزلوها ب 14 او 15

**prisoner** · 27-03-2011 03:33 PM

المشاركة الأصلية كتبت بواسطة puyol

ربنا يخليك يا درش ومتشكر جدا على ذوقك
انا ان شاء الله لما الكاوتش يجيب آخره واجي اغيره ان شاء الله هركب جنط 15 بس لما اركب عربيتك واجرب المطبات الاول

والله ياباشا العربية وصاحب العربية تحت امرك فى اى وقت شوف تحب تجرب امتى وياريت انا عايز كل ملاك الكريستالة واللى مسقطين الموتور يجربو العربية ويقولولى على الفرق والا انا اللى مفترى