استهلاك البنزين في الساجا وارجو ان اكون اكتشفت العيب

**mememsaid** · 24-03-2011 04:29 PM

ياجماعه كلنا عارفين مشكله استهلاك البنزين في الساجا وعارفين ان المشكله ديه بنقابلها في وسط المدينه بنسبه كبيره وعلي الطرق السريعه بتبقي تقريبا عاديه
طب ايه المشكله
مهو العربيه يابتستهلك يا لا
يبقي اكيد في حاجه بتحصل وسط البلد بس مش علي الطرق السريعه
طب ايه هي
اعت افكر ايه اللي انا بعمله وانا سايق وسط البلد ومش بعمله علي الطريق السريع
ركزت في سوقتي قلت مافيش حاجه غير اني بدوس علي دواسه البنزين والفرامل بنسبه اكتر من الطرق السريعه
فالاحظت حاجه مش عارف بقي ده طبيعي ولا لا وده اللي عايز اعرفه منكوم عاشان ديه اول عربيه زيرو بالنسبه لي
لما بدوس بنزين بسمع صوت زي بخه سريعه كدا وده بيظهر لما بدوس علي دواسه البنزين بسرعه وعشان تسمعوا الصوت ده بطريقه اوضح خلي العربيه دايره ودوس علي دواسه البنزين بسرعه وشيل رجلك (مش عارف اشبها ازاي) بس كانك بتضرب حد علي ايده بسرعه (صلح ياعني )بس بالرجل طبعا
هل بقي ده صوت الانجكجن ولا هو ده السبب ورا استهلاك البنزين
لو الصوت ده عادي يبقي كدا انا افتكست فكسايه عبيطه
طب لو الصوت ده مش عادي هل موجود عنكوا في الساجا وهل هو فعلا المشكله بتاعه البنزين
لو كدا يبقي احنا حطينا ادينا علي المشكله والخطوه الجايه نشوفلها حل
بس ده هيبان من الردود بتاعتكوا وهمتكوا معانا
كله ينزل يجرب يلعب صلطح برجليه علي دواسه البنزين وعشان يحس بيها اكتر يجرب وهي واقفه

**gebreel** · 24-03-2011 04:39 PM

لو انت بتكبس بنزين جامد مرة واحد فيبقى طبيعي لأن الموتور بيفتح بوابة علشان ياخد هواء زيادة علشان يحرقوا مع البنزين و كدة

و طبيي لو كبست بنزين جامد حتى لو كيك داون ان الاستهلاك يزيد

**EslaM_NagY** · 24-03-2011 05:35 PM

المشاركة الأصلية كتبت بواسطة mememsaid

مش كبس لا
ده زي ما تقول كدا بتخبط رجليك ععلي البنزين خبطه بسيطه

الصوت دا موجود فى الفيرنا
دا مجرد صوت البوابة بتاعة الهواء - بما انك بتدوس بسرعة والموتور لسة مخدش سرعته فتسمع الصوت
انما لو دوس تدريجى وركزت معاه حيفضل موجود انما صوت الموتور بيبقى مغطى عليه

**powerofhelll** · 29-03-2011 10:18 PM

ده صوت البوابه بتاعه الهواء و هيا بتفتح ده عادي علشان العزل

**sayed911** · 29-03-2011 11:53 PM

المشاركة الأصلية كتبت بواسطة powerofhelll

ده صوت البوابه بتاعه الهواء و هيا بتفتح ده عادي علشان العزل

**mido_soliman** · 30-03-2011 02:06 PM

هههههههههههههه يعنى يا محمد الماليزيـــــــــــــــــ ــــن مموتين نفسهم علشان يعرفوا العيب دة منين وانت سمعت صوت البوابة قلت بس هوة دة سبب استهلاك البنزين
والنبى انت عسل انا بهرج معاك على فكرة
بس نفسى اعرف اية دخل الصوت اللى انت سمعتة واوحالك ان دة هوة عيب استهلاكها للبنزين
تحياتى يا معلم

**mememsaid** · 30-03-2011 04:32 PM

المشاركة الأصلية كتبت بواسطة mido_soliman

هههههههههههههه يعنى يا محمد الماليزيـــــــــــــــــ ــــن مموتين نفسهم علشان يعرفوا العيب دة منين وانت سمعت صوت البوابة قلت بس هوة دة سبب استهلاك البنزين
والنبى انت عسل انا بهرج معاك على فكرة
بس نفسى اعرف اية دخل الصوت اللى انت سمعتة واوحالك ان دة هوة عيب استهلاكها للبنزين
تحياتى يا معلم

استر علي ربنا يستر عليك
اصل انا جالي هس هس في دماغي عشان الاستهلاك ده
عمال افكر فيها يمين وشمال ولما سمعت الصوت ده قلت خلاص جبت الديب من ديله وشكلي كدا لا جبت الديب ولا حتي شوفت ديله
بس اعزروني بقي عشان خبرتي القليله في العربيات وافتكرو اني كنت راكب 128 وعمري ماسمعت الصوت ده قبل كدا
انا بس ربط الصوت ده بدوسي علي دواسه البنزين كتير في وسط البلد عشان هي الطرق السريعه استهلاكها مقبول