هنا سأقوم بتجميع الارا ء المضاده للسياره و سوف اكتب امام كل تعليق اذا كان مالك لها أو لأ
استاذ جمال( مالك)
السلام عليكم

انا عندى السياره 516 ومش عارف احدد عنها اى انطباع سواء بالرفض او القبول

يعنى يوم حلوه وناعمه ويوم تقيله ومش بتسحب يا ريت اللى عنده السياره يعرفنى ده هو نظامها ولا انا لوحدى

ومع 3 ار بى ام بيكون صوتها فظيع واحيانا تانيه لا وبحس ان الخامس سحبه وتجميعه ضعيف جدا

يا ريت يكون فى مقابله قريب للى معاهم السياره واللى حاجزين ونشوف على الطبيعه

المداخله القادمه رد على أستاذ جمال من أستاذ ايهاب (مالك)
: السيارة معايا زي الفل وحرير والموتور عفي بمعني الكامة--بعد
ما اخدت ثقة في العربية وكنت عرضت نفس المشكلة دي في صيانة الالف---كان ردهم (لاتوجد مشكلة---خد ثقة في السيارة--سوقها علي كيفك انت----يعني ماتخافش منها--لاهي بسكوتة ولا بلاستيك )---------------واللة خرجت من عندهم مبسوط وبدات افرض اسلوب قيادتي علي السيارة(ماتضحكوش عليا--في الالف الاولي كنت حاسس ان العربية هي اللي سايقاني)---المهم بعد التفيح للموتور---
الان السيارة ماشاء الله --وبصراحة -هي في عينية ولا احلي من كدة هاالاقي عربية
علما باني ---ليس لي اي مصلحة من قريب او بعيد --ب اللي عايز يمدح في العربية --ولا يهمني اللي يذم
ياجماعة--- كان معايا جولف4 مو99-1800 كانت زيرو---نفس الطعم في القيادة
مع تمنياتي بالهناء الدائم للجميع مع اي سيارة
dr/ehababdelhafeez
اسبرانزاوي 32
الاستاذ جمال (مالك)
بس انا شايف عيب فى وحدات الرفع فى العربيه 516

لازم ادوس دوسه طويله لغاية ما يقفل كل الزجاج

يعنى لو نسيت ومدوستش لغاية الأخر ممكن انسى زجاج مفتوح

وده حصل معايا بالفعل ومن بعدها بقيت قلوق ولازم القى نظره على الزجاج بعد الغلق

يعنى نصيحه لكل الأسبيرانزاويه انهم ياخدوا بالهم

وربنا يسترها

أخوكم / جمال ابو شنب

شريف المصرى (غير مالك)
ملاحظاتى الشخصية (sherif)
sh_masry@yahoo.com 25/03/2007 12:14:47 م

اولا حمد الله على سلامتك , و انا مبسوط جدا انى اتعرفت عليكم كلكم ..... و بصراحه انا مش عايز ادخل فى مشاكل الاسبرانزا علشان ماندخلش فى مشاكل مع الأخوه المحترمين اللى بحبهم جدا جدا بس انا مش قادر اسكت بأه و كلكم بتنكوشونى و هاقول على الأحساس الشخصى بتاعى لما سقت العربيه و ارجو عدم مهاجمتى لأنى لن و لم اتجنى على العربيه و لكنها بخبرتى فى القياده لمده 18 عام و ايضا بتفكير شبابى شويه:
- قواعد الموتور مش ثابتة و دى بتخليك تحس برجرجه فى الموتور و انت طالع بالعربيه و كمان بتسمع صوت خبطه خفيفة من الموتور.
- العربيه مش جرايه خالص لأن الصاج تقيل على العربيه جدا و ايضا تجميعها ضعيف جدا جدا جدا acceleration
- طبعا صوت الدبدبة فى المطبات و ده من علبه الدريكسيون.
- العفشة الخلفية ناشفة جدا جدا جدا.
- صوت غريب و عالى جدا عند كسر الدريكسيون يمينا او يسارا.
ده طبعا من خلال تجربة لا تزيد عن خمسة دقائق قياده و ما خفى كان اعظم (غير ان احساسى انىبسوق عربيه مفككه و خايف تتفك اكتر)
- ملاحظاتى الشخصية فى صالون السياره : كل البلاستيكات اللى فيها من النوع الردئ جدا جدا جدا , مثل جميع الزراير كمثال.
- الفرش الجلد حلو بس ممكن اشتريه من عند اى حد بتاع كماليات .
- الكراسى حلوه و مريحه.
و ده طبعا علشان ماحدش يزعل بس انا مش هاجيب عريه علشان الكراسى ...... و على فكره انا كنت بجد عايز اجرب العربيه جدا علشان لو كانت كويسه كنت هافكر اشترى واحده و ابيع الألانترا اللى معايا و استفيد بفرق الفلوس و بالذات انى داخل على جواز بس بصراحه انا رجعت و بوست كاوتش الألانترا و شنططها و الحدق يفهم هاهاها ههههه
a7'ookom
م.(ماتزعلوش منى) sherif

زيزو فى مقارنه بين الاسبرانزا و الفيرنا

TEST DRIVE =VERNA
النهاردة كان حظي غريب شوية...واحد صاحبي واخوه الأتنين جايبين فرنا!! واحد ال1500cc والتاني ال1600 !!
والاثنين فل اوبشنز مانوال...ايه الملل ده؟؟ والغريبة جايبنها مع بعض!! موديل 2006

المهم ان الاتين عاملين بين ال30000 و ال50000 كم....يعني مشيوا مسافة لابأس بها
المهم

الفرق الجوهري بين الأتننين ان ال 1600 16v وال1500 12v
التسارع بتاع ال1600 مدهش (بيفكرني بالمرحومة ) وال1500 جيد للغاية..بس مش موفرين الاتنين في البنزين
السرعة القصوى عن تجربتي للسفر بها..ال1600 وصلت لغاية 195 بسهولة و(اياميها ماكانتش عملت 10000)
وال1500 وصلت لل185 و رفضت المتابعة...و الثبات جيد (مش لانسر و مش اكسنت)
الشكوى الكبرى كانت من الزوايا..الأتنين اضطروا يركبوا جنوط و كاوتش جديد علشان يحلوا المشكلة..وبعديها ظببطوا زوايا تاني..المهم اتحلت رغم التكلفة الاضافية ..العفشة متوسطة
ميزة جميلة : انك شايف الكبوت والزوايا بكل سهولة..
الباور بتاعها على قده شوية
التكيف جميل حتى مع الشمس...بس ال1500 بتتعب منه شوية و بتضعف شوية ال1600 اشد طبعا علشان الفرق
صوت المواتير عالي نسبيا..بالاضافة ان الشكمان صوته تعبان شوية...(مع انه كان زمان غير كده)
العربية بشكل عام انعم من الانوس (اللي همة في نفس الفئة) و غدا اكتب عن الانوس برضه
من الداخل...اوسع مما قد تظن للوهلة الاولى..التقفيل جيد جدا لاحاجة سايبة ولا حاجة مفارقة بس الكراسي منجدها سمير غانم في المتزوجون فرش تعبان شوية
السعر كتير عليها سنة..كان ممكن تكون بسعر الاسبرانزا مثلا..واي استفسار او اضافات...انا موجود

استاذ هشام ( غير مالك)
انا يا جماعه عاوز اجيب عربيه جديده وابيع القديمه وبصراحه انا حاطط عيني علي الاسبرانزا بس مقلق من كتر الكلام عليها المهم انا كنت مصمم لغايه لما حصل موقفين قدامي لواحد مدير عندي في الشغل عنده اسبرانزا قلت لا والف لا لازم افكر كويس .
اول الامر انا بشوف تن استلام العربيه بياخد وقت طويل جدا وانا اعرف ناس حاجزين من شهر ديسمبر 2006 ولسه مستلموش العربيه مش عارف ليه هما حاجزين جاجوار ولا ايه وتاني هام الموقفين اللي حصلوه قدامي اولهم ان مديري من حوالي 3 شهور وكان لسه مستلم العربيه ولقيته بيقوللي ان عنده مشكله في العربيه قولتله مشكله ايه يا عم الحاج انتا لسه مستلم العربيه من شهر تقريبا ده لسه الكيس علي الكراسي ده لسه الرفايف بتاعتك مدخلش يفيها تراب ولا طينه انتا لحقت دي عربيه زيرو يا حاج يعني مش اقل من خمس سنين علشان تقولي انا عندي مشكله راح قاللي بطل رغي واسمعني قلتله سوري قول يا ريس قاللي انا عندي مشكله في غويشه الفتيس بتعض بسيط في الغيار بس مش عاليه قوي روحت قولتله وبعد كده قاللي رحت الوكيل قاللي ده عيب في كل العربيات وبعتنا للصين نستورد الغويشه دي ولما توصل المحروسه بالسلامه مصر هنبقي نتصل بالناس تيجي تركبها قولتله ودي امتي هتوصل قاللي محددوش بالظبط هما قالوه لما توصل هنبقي نكلمكم قولتله يا باشا انا هجيبلك غويشه امي اللي جابها ابويا ليها في الجواز متغلاش عليك يا ريس بس ولا تزعل نفسك المهم واستمر الحال شهرين والعربيه ماشيه زاي الفل بس بنفس العيب السابق ذكره الا ان حصل الموقف التاني في اول يونيو الا وهوا ان مديري كان جاي الشغل وكان بيركب في البارك ملحوظه انا اعمل في احد الفنادق الخمس نجوم بالقاهره وبالتحديد في م نصر وهوا اشهر من النار علي العلم علشان خاطر المول الملحق فيه طبعا عرفتوه المهم والراجل جاي في امان الله بيركب العربيه جيه يشيل المفتاح من الكونتاك لقي الكونتاك شغال ومش عاوز يفصل راح قال يا دي المصيبه يا دي الحوسه اعمل ايه دلوقتي العربيه هتفضل شغاله 8 ساعات لغايه لما يخلص شغل ويروح بيها التوكيل وطبعا السنتر شغال يعني العربيه لقطه لاي حرامي هيركب ويتكل علي الله بيها بالسلامه طيب والحل راح نداني وقاللي يا هشام هنعمل ايه قولتله مش عارف يا ريس واللهي نعمل ايه قاللي ممكن يكون من المفتاح نفسه احنا نبعت نجيب المفتاح الاسبير من البيت قولتله ماشي يمكن .
راح الراجل بعت جاب المفتاح التاني ولقينا نفس العبيب برضه المهم قاللي احنا نسيبها دايره لغايه لما اخلص واروح بيها للتوكيل ونخللي الامن يخاللي باله منها قولت ماشي عدي مثلا 3 ساعات علي الحوار ده وقاللي لو سمحت يا هشام انزل شقر علي العربيه يمكن تكون محتاجه حاجه ولا عاوزه تشرب ولا اي حاجه قلت ماشي نزلت لقيت العربيه سخنه شويه ورجت قولتله العريبه تمام ولسه شغاله دايره يعني بس سخنه شويه قاللي طي والحل توصلنا لحل ان احتا نشيل قطاش البطايه ونريح دماغنا قاللي ماشي وعملنا كده ورجعنا نتصل بالوكيل اضحك بقي علي حوار الوكيل .
قولتله هات يا عم رقم الوكيل نكلمه راح قلب في المحفظه يمين شمال لحد ما طلع الرقم هات يا بويا نتصل واتصلنا( ملحوظه انا اعمل بالريسبشن يعني كل المكالمات انا اللي اجريتها مش حد تاني) المهم رد عليا واحد سوري في الكلمه صعيدي وقاللي قالوه مين معايا عذرا للصعاديه مش تريقه لاني صعيدي ومن اسوان كمان المهم الراجل قاللي قاااااالوه مين ميعايا قلت في سري هوا انا اتصلت برقم غلط ولا ايه واستجمعت شجاعتي وقولتله لو سمحت مش ده توكيل سبرانزا بالمنطقه الصناعيه بجسر السويس قااللي الباشا هوا يا بيه اي خدمه ؟ قلت في سري اي خدمه وانتا بقي اللي هتخدمني .
قلتله ممكن اتعرف علي حضرتك قاللي انا بتاع البوفيه ؟؟؟؟؟؟؟؟؟؟؟؟؟؟؟؟
بوفيه مين يا عم مفيش غيرك يرد عليا قاللي دجايج انديلك حد يرد عليك قلت ماشي وانا اتعجب ان توكيل محترم يحصل فيه كل ده المهم دقيقتين ورد عليا واحد قاللي صباح الخير قلت صباح النور وقاللي امر يا بيه المهم حكيتله القصه كلها وقاللي طيب ثواني خاليك معايا قولت ماشي شويه وحولني بواحد تاني وقاللي تحت امرك ورحت برضه حكيت نفس قصه العربيه قاللي دقيقه واحده وحولني بواحد تاني وقالي امر يا فندم قولتله هتفيدني ولا هتحولني برضه لحد تاني علشان اوفر علي نفسي مجهود سرد الحكايه من تاني قاللي لا هفيديك تحت امرك ايه المشكله قلن الحمد لله وحكيت القصه كلها ومديري طبعا واقف جنبي بيسمع راح الراجل قاللي خاليك معايا دقيقه واحده وراح محولني برضه ههههههههه يا ولاد الايه توكيل ايه ده المهم ردت عليا واحده ست قولتها انا مستني يا مدام لما تحوليني انا معاكي قالتلي لا مش هحولك تحت امرك وهكيت نفس القصه للمره العشرين قالتلي تشرفنا لغايه الساعه 7 بليل نشوفللك العربيه وشكرا لاتصالك وقفلت السكه وتعجبت وقلت الحد لله ان فيه حد فادنا بمعلومه وراح الراجل حسب الميعاد وكان ده يوم خميس واستلم العربيه يوم السبت بليل ودي كل الحكايه ايه رابكم بقي هل اضل علي راي واشتري اسبرانزا ولا ابيع عربيتي واشتري توك توك زيرو احسن ههههههههههههههههههههههههه