موبيل1 230 جنية
عرض للطباعة
موبيل1 230 جنية
زيت التعاون الثقيل لان عربيتى موتورها عامل 120 الف كيلو و مركب فيها غاز طبيعى
معلش يا جماعة عاوز نصيحتكم برده انا معايا لانوس 2002 وصوت الموتور خشن مش ناعم وتقريبا هغير النص التحتاني بعد فترة
ايه افضل نوع للزيت وانا سمعت ان في انواع تقيلة وفي نفس الوقت تحيي الموتور
يا جماعة هو فى حد قاطع شركة شل الهولندية ولا لسه بتشتروا منتجاتها ؟
شيل X100
44 جنية
لسه شارية النهارده
عربيتى بيتل 1302 - 1300cc
السلام عليكم ، الكلام الي هقوله ده كلام ممكن يكون خطير جداً أنا عربيتي أوكتافيا موديل 2000 جايبها مستعملة من شهرين تلاتة كده صاحب العربية كان حاطط موبيل 1 بس للأسف العربية سخنت مني وجابت جوان وش سلندر الحمدلله على كل حال ، المهم طبعا غيرت الزيت علشان عمل طحينة وجيبت شل سوبر الأصفر ده أبو 80 جنية في حدود معلوماتي أنه بيقعد أقصى حاجه 5000 كيلو أنا مش خبير قوي فى العربيات فكنت بخلي بابا أو حمايا يبصولي على الزيت فيقولولي ده كويس !! والمهندس الي أنا عملت عنده العربية لما سخنت قالي إن موضوع زيت 5000 و3000 والكلام ده كلام مش دقيق...!!! بس هو قالي إن في زيت معدني وزيت تخليقي وده ممكن يفرق بس فى العربيات الزيرو لكن المستعمل مش بيفرق قوي...!!! المهم إني عملت فوق ال 5000 كيلو فقولت مبدهاش بقى أروح أغير زيت خاصة وإن صوت الموتور إبتدى يعلى سنه...فرحت شل وقولتلهم عايز أكشف على الزيت وعملت عبيط :) فالراجل كشف علية بإستخدام الجهاز ومش بعينة أو بقيده زي الميكانيكية ما بيعملو ولقيته قالي الزيت ده كويس إنت بتستخدم أنهي نوع فقلتلة فقالي يعمل معاك كمان 2000 -2500 كيلو....!!! فا إيه رأيكم في الكلام ده ؟!!!
شل ممتاز جدا
جاز اية اللي كشف بية عالزيت؟؟؟
اول مرة اسمع ان فية جهاز يقول ان كان الزيت كويس و للا عاوز يتغير
رأيي انك تغير الزيت فورا و سيبك من فتاوي بتوع محطات البنزين و الميكانيكية
مافيش زيت معدني تمشي علية 5000 كيلو و لسة يمشي معاك 2500 كيلو (الزيت التخليقي اصلا مفروض يتغير في حدود 7000 او 8000 كيلو مش اكتر علشان تحافظ على موتور عربيتك, فما بالك بالزيت المعدني, مش مفروض اكتر من 4000 كيلو بالكتير قوي لو سوبر و العربية موتورها كويس و استخدامك هادي و نضيف قوي)
انت كدة بتخاطر بموتور عربيتك و العمرة بتتكلف الوف و النتايج مش مضمونة
الجهاز موجود في أي بنزينة شيل ومع إحترامي لكلام حضرتك الراجل بتاع البنزينة من مصلحتة إني أغير الزيت فليه يقولي على الزيت كويس وهو وحش ؟ على العموم أنا غيرت الزيت فعلا :) مش بس كده ده بعد ما غيرته إكتشفت إن أنا إحتمال أكون حسبتها غلط وإني أكون عملت بالزيت في حدود 3000-3500 كيلو بس ، و برضه لو أضفنا 2000-2500 يبقى الناتج 5000-6000 كيلو مش 4000 ؟