معلش اعذرونا لتكرار النصيحة لكن ربنا يحفظكم ويحفظنا جميعا، اللى جرب مرة وعرف عربيته بتجيب كام ياريت ميجربهاش تانى،
مرة كنت راكب مع راجل المانى فى الأتوبان فى المانيا وكنا راكبين عربيى بى ام دبليو وكان ماشى 170 ومش رابط الحزام، فلما سألته انت ليه مش رابط الحزام، رد على بمنتهى البساطة وقال لى: هو انت متخيل انه على هذة السرعة لو حصلت حادثة الحزام هيفرق فى حاجة؟ مع ملاحظة اننا بنتكلم على بى ام دبليو حديثة و طريق من فئة الاوتوبان فى ألماينا، مش سيارة متوسطة زى سياراتنا ولا طرق مصر اللى لو ضمنت مطباتها مش هتضمن ايه اللى يطلعلك من جانب الطريق
كل واحد فينا له ناس بتحبه وبتخاف عليه، وبالتأكيد وفاته فى حادث هتوجع قلبهم، ده بالاضافة الى ان كارثة على هذة السرعة عاة بتاخد فى وشها عدة سيارات مالهاش ذنب وماشيه على الطريق بسرعات عادية، لذلك ياريت لو نتحلى بالروح الجميلة اللى بلدنا عايشاها ديلوقتى ونحاول نعمل كونترول على نفسنا شوية فى موضوع السرعة دة، وربنا يحفظنا جميعا