مبروك على العربيه و ربنا يباركلك فيها لو المشكله دى والعربيه بارده فده ( تشوك التسخين ) بس انت عندك عالى عن الطبيعى سنه بسيطه هو المفروض اول لما تدور و العربيه لسه بارده يبقى الار بى ام على واحد و نص ( 1500 ) وبعد 5 دقائق بينزل على (850 ) تحت الواحد بحاجه بسيطه
اما بالنسبه للصوت العالى فده هتلاقيه من الشكمان شوف الصوت جى منين بالضبط لو من عند الماتور يبقى جوان الفرن ولو من تحت العربيه يبقى اكشف على علب الشكمان
ومشكلة لما تقف فى الاشاره الار بى ام بيبقى عالى فده احتملين لاما الايدل عايز يتفك و يتنظف او سلك الاكسراتير عاوز يتغير و لما تحل المشكله دى هتتحل مشكلة لما تدور و العربيه بارده وربنا يوفقك فى حل المشكله و ابقى قلنا عملت ايه