استطلاع :((( امبريزا ام مازدا 3 ام النترا )))

**sameh.acc** · 12-04-2008 08:18 PM

ياجماعة انا رحت زرت ابو غالى فرع مصر الجديدة وشفت السوبارو امبريزالتانى مرة باللون الاحمر والازرق ودورت العربية وسمعت صوت الموتور العربية بسم الله ماشاء الله بجد على صوت الموتور واستجابتة والتكييف الاكثر من رائع ,,,, العربية بتنزل بجنوط ستاندارد 15 ولو عايز تزود للجنوط ال 17 ماركة Legue ب 2900 جنية بدون كاوتش وبتحتفظ بالجنوط الستاندرد ولو عايز فية موديل تانى جنوط اعتقد والله اعلم ال WRX دة تمن الجنط الواحد 3300 جنية بدون كاوتش يعنى اضرب فى 4 وماتنساش تمن الكاوتش المهم العربية عاجبانى اوووووووووى وبعد اما رحت ابو غالى رحت المصرية للسيارات بتاع الميرغنى لقيت الامبريزا هناك بالسعر الجديد 119.900جنية ( علما بان اوتو سمير ريان لسة بيبيعها بالاسعار القديمة 117.900 جنية ) ولقيت المازدا 3 ب 119.000 جنية المهم صالون المازدا كويس بس التقفيل مش زى الامبريزا خالصصصص الامبريزا احلى والرؤية اكتر وحسيت بهدوء نفسى جواها ,, المهم روحت اشوف الالنترا برضة الالنترا وشوفتها حتى غليت ياجماعة فى مصرية بقى التسليم الكاش بتاعها ب 101.000 جنية مش عارف على اية المهم انا محتار جداااااااا بين التلاتة والاكتر بين الامبريزا والالنترا ( مش مرتاح للمازدا وضيقة والسقف واطى بالنسبة للى قاعد ورا والتابلوة بتاعها مبهرج ازى والتقفيل مش زى الامبريزا ) ياريت ياجماعة تساعدونى علما بانانا ناوى اخلص الايام دية فى حاجة منهم غالبا خلال الاسبوع دة

**fahd_628** · 12-04-2008 08:22 PM

انا شايفك مرتاح جدا جدا للأمبريزا انا رأى تجيب الى مرتاحلة الى هوة الأمبريزا

**AMIRB11S** · 01-05-2008 10:04 PM

subaru tab3n yabni ;)

**د-احمد عبد اللطيف** · 02-05-2008 09:03 AM

الامبريزا طبعا
لا وجه للمقارنه بين المازدا و السوبارو على الاطلاق
السوبارو دى مافيش زيها انا امتلكت ثلاث سيارت 96 امبريزا
والليجاسي 96 و 97
وامتلكت المازدا 97 و 2000
فرق كبير لصالح السوبارو في كل شئ المحرك والفتيس احسن الف مره
طبعا الشكل مسألة اذواق لكن من ناحية الاداء السوبارو تكسب

**rafeee2** · 02-05-2008 01:44 PM

المشاركة الأصلية كتبت بواسطة sameh.acc

ياريت ياجماعة تساعدونى علما بانانا ناوى اخلص الايام دية فى حاجة منهم غالبا خلال الاسبوع دة

الموضوع حسب احتياجاتك، خد بالك السوبارو شبه مالهاش شنطة

بس الاتنين (السوبارو و المازدا) ان شاء الله زى الفل، و ماتخفش من تقفيل المازدا، اللى محسسك انه مش حلو هو بصراحة ان خامات السوبارو ما شاء الله تحفة، انما لو هتقارن المازدا ب أى حاجة تانية فى الغالب المازدا هتكسب

لو هنعمل مقارنة سريعة:

both manual
both built in Japan
both almost have same engine power
both ABS/EBD
both have almost same cabin size
both have 2 air bags
Subaru has MP3 player, Mazda Audio CD
Subaru new shape, Mazda may be changed soon
both have good driving positions
Mazda has bigger trunk capacity

و ربنا يرزقك