استطلاع :((( امبريزا ام مازدا 3 ام النترا )))

**sameh.acc** · 12-04-2008 08:20 PM

ياجماعة انا رحت زرت ابو غالى فرع مصر الجديدة وشفت السوبارو امبريزا لتانى مرة باللون الاحمر والازرق ودورت العربية وسمعت صوت الموتور العربية بسم الله ماشاء الله بجد على صوت الموتور واستجابتة والتكييف الاكثر من رائع ,,,, العربية بتنزل بجنوط ستاندارد 15 ولو عايز تزود للجنوط ال 17 ماركة Legue ب 2900 جنية بدون كاوتش وبتحتفظ بالجنوط الستاندرد ولو عايز فية موديل تانى جنوط اعتقد والله اعلم ال WRX دة تمن الجنط الواحد 3300 جنية بدون كاوتش يعنى اضرب فى 4 وماتنساش تمن الكاوتش المهم العربية عاجبانى اوووووووووى وبعد اما رحت ابو غالى رحت المصرية للسيارات بتاع الميرغنى لقيت الامبريزا هناك بالسعر الجديد 119.900جنية ( علما بان اوتو سمير ريان لسة بيبيعها بالاسعار القديمة 117.900 جنية ) ولقيت المازدا 3 ب 119.000 جنية المهم صالون المازدا كويس بس التقفيل مش زى الامبريزا خالصصصص الامبريزا احلى والرؤية اكتر وحسيت بهدوء نفسى جواها ,, المهم روحت اشوف الالنترا برضة الالنترا وشوفتها حتى غليت ياجماعة فى مصرية بقى التسليم الكاش بتاعها ب 101.000 جنية مش عارف على اية المهم انا محتار جداااااااا بين التلاتة والاكتر بين الامبريزا والالنترا ( مش مرتاح للمازدا وضيقة والسقف واطى بالنسبة للى قاعد ورا والتابلوة بتاعها مبهرج ازى والتقفيل مش زى الامبريزا ) ياريت ياجماعة تساعدونى علما بان انا ناوى ان شاء الله اخلص الايام دية فى حاجة منهم غالبا خلال الاسبوع دة

**fahd_628** · 12-04-2008 08:27 PM

انا شايفك مرتاح جدا جدا للأمبريزا انا رأى تجيب الى مرتاحلة الى هوة الأمبريزا

**volcano12** · 12-04-2008 08:30 PM

من طريقة كلامك ... روح للامبريزا....
اشترى اللى بتحبه و اللى داخل قلبك بدل ما تقول يا ريتنى!! :) و الناس هنا بتشكر فيها أوى

ربنا يسهلك ان شاء الله و نباركلك قريب
و لكن لو ناوى تغير قريب و عايز قطع غيار ارخص يبقى النترا ... عشان الانتشار.... بس بصراحه أنا حروح للامبريزا :)

_________________________
فهد باشا على طول حاضر و اهو قال نفس الكلام... سبقتنى :)

**vet mitcho** · 12-04-2008 09:44 PM

حضرتك جااااااي في المنتدى هنا وتعمل الاستفتاااااء
طبعا الكل هيقولك علييييك و على الامبريزا

بالرغم من كل شئ انا شايف الامبريزا هي الافضل في االختيارات اللي انت طرحها
انا ركبت ال 3 عربيات دول و الصراحة مفيش عربية في نفس فئة الامبريزا ندمت اني مجبتهاش
اكبر منافس للامبريزا 2008 (في وجهة نظري) هي الامبريزا 2007
دي تتفوق في حاجات و دي في حاجات

بالتوفيق يا رب واهم حاججة متنساش الاستخاااااارة

ملحوظة بالرغم من كل شئ الا ان امبريزا 2008 قطع غيارها فعلا غالية !!! للاسف (كما سمعت من بعض الاعضاء هنا الصراحة انا لسه مغيرتش حاجة لسه و لا سئلت )

**SEATLOVER** · 12-04-2008 09:48 PM

الامبريزا لها ناسها اللى بتشدهم ..وأظاهر انت هاتبقى من ناسها........ بس بتقاوم
توكل على الله امبريزااااااااا

**sameh.acc** · 12-04-2008 11:35 PM

شكرا يا استاذ فهد : فعلا انا العربية شدانى اووووووووى كفاية البرستيج بتاعها وعمرها الافتراضى واداثها الرياضى .
انا شكلى فعلا يااستاذ volcano هجيبها ربنا يسهل وتباركولى عن قريب وربنا يخليك .
والله يا استاذ vet mitcho هى جت كدا اصلى بحب منتدى السوبارو وتلات اربع مشاركاتى فية وبعز الناس اللى فية والله فايدى على طوول بتروح على موضوع جديد فى منتدى السوبارو :D وفعلا لو ربنا قدرلى نصيبى فيها ربنا يستر فى قطع الغيار واكيد هعمل ان شاء الله استخارة وربنا يبااركلك .
شكلى فعلا يا استاذ SEATLOVER هبقى من ناسها ان شاء الله لانى مشدود ليها حتى اقسم بالله بحلم بيها كل اما انام واكون بفكر فيها ههههههههههههههه
شكرا ياجماعة على ردودكم السريعة والله منتدى السوبارو وناسو قريبين من قلبى جدااااااااااااا وربنا يعلم :)

**PRO-DRIVE** · 12-04-2008 11:53 PM

اهم حاجه تكون مرتاح و سعيد بأختيارك :)

ربنا يوفقك للي فيه الخير :)

**Ahmed Hassan** · 13-04-2008 05:26 AM

توكل على الله و هات الامبريزا.... ان شاء الله مش هتندم

**ahmad7610** · 13-04-2008 11:06 AM

المازدا 3 جامدة جدا لكن التوكيل كأنه مش موجود ( غبور) مش مهتم بيها .
وسونستا و المعارض التانية مش وكلاء يعنى مفيش عليهم أى مسئولية ..
-
علشان كده بلاش المازدا ...............
-
الالنترا كورى بس محترم جدا وهى أحسن الكورى بس فعلا غالية و معتقدش ان
عمرها الافتراضى حيكون زى اليابانى ..
-
الامبريزا بقى :) .... 2008 جامدة جدا جدا جدا ..
كفاية انها هاتش باك بدفع رباعى .. وفخمة من جوه .. المازدا من جوه زيها او احسن شويه بصراحة ..
-
لو انت مفيش نيه ان شاء الله تبيع العربية فى 5-6 سنوات اللى جايه يبقى
طبعا امبريزا ثم امبريزا .. لكن لو بتبيع العربية وتحب تغير يبقى خليك فى المازدا ..
-
مع العلم انك لما حتركب امبريزا حتلاقى فرق كبير بينها وبين اى عربية فى فئتها فى الاداء علشان كده حتدفع زيادة شويه علشان تبقى مميز :)

**sameh.acc** · 13-04-2008 12:55 PM

يامسهل ياجماعة واقدر اجيب السوبارو لانى بجد معجب بيها جدا بغض النظر عن اى حاجة بس الحالة الوحيدة اللى مش هقدر اشتريها فيها لو توفرت فلوس الالنترا كاش هظطر اجيب الالنترا كاش احسن من بهدلة الاقساط ونصب وشبهات البنوك

مشاهدة نتائج الإستطلاع: امبريزا ولا مازدا 3 ولا النترا ؟ ؟ ؟

الموضوع: استطلاع :((( امبريزا ام مازدا 3 ام النترا )))

LinkBack

أدوات الموضوع

عرض

استطلاع :((( امبريزا ام مازدا 3 ام النترا ))) - انشر الموضوع فى :

-

-

-

-

-

-

-

المواضيع المتشابهه

محتار : سوبارو امبريزا أم مازدا 3 أم سيراتو كوبيه

مازدا 3 ولا سوبارو امبريزا 2012 ولا خلينا في سيفيك مستعمل

مازدا 3 ولا امبريزا !!!!!!!!!!!!!!!!!!!

استطلاع :((( امبريزا ام مازدا 3 ام النترا )))

هوندا سيفك * مازدا 3 * سوبارو امبريزا * تويوتا كورولا

الكلمات الدلالية لهذا الموضوع

المفضلات

المفضلات

ضوابط المشاركة