الموضوع: اتجاه لتأجيل «الرئاسة» إلى يونيو 2012.. ولجنة ثالثة لحل خلافات «الإعلان الدستوري»

جاء في بالي تصور يمكن يفسر سبب التأجيل.

تصوري قبل ما أسمع خبر تأجيل الانتخابات الرئاسية كان الآتي:

سيتم اصدار اعلان دستوري يتم العمل به من الآن حتى يتم انتخاب رئيس للجمهورية (مروراً طبعاً بانتخابات مجلسي الشعب والشورى). ثم يتم تفعيل دستور 71 المعدل ويتم العمل به من انتخابات الرئاسة (ديسمبر 2011 على أقصى تقدير) حتى الموافقة على الدستور الجديد (سبتمبر 2012 على أقصى تقدير).

لو الخبر صحيح تأجيل الانتخابات الرئاسية صحيح يبقى تصوري الآتي:

الاعلان الدستوري سيتم العمل به من الآن حتى الموافقة على الدستور الجديد في يونيو 2012 وسيكون الحكم للمجلس العسكري في هذه الفترة ولن يتم تفعيل دستور 71 على الاطلاق. سيجتمع مجلسي الشعب والشورى في عدم وجود رئيس للجمهورية وسيتم انتخاب جمعية تأسيسية وبعد التصديق على الدستور الجديد سيتم عمل انتخابات رئاسية ويتولى الرئيس الحكم طبقاً للدستور الجديد.

يا ريت يا جماعة تقولوا لي هل تصوري ده وارد و منطقي؟

المشاركة الأصلية كتبت بواسطة human12

ممكن سؤال عشان حاسس انى تهت شويه
هو الجيش ده بتاع مين؟ و بيؤتمر بمين؟؟ و مين اللى فيه؟ و المفروض يعمل ايه؟ و هل يجوز تحليل قراراته ام لا؟ هل يجوز انتقاده ام لا؟ هل يجوز الاختلاف معه ام لا؟ هل نحن فى حالة حرب؟هل ما يتخذه من قرارت لازم يكون هو الاصوب؟ هل الجيش قيادة سياسيه؟؟
سؤال تانى عايزين ايه من الجيش؟ و ايه تصور العلاقة بين الشعب و الجيش؟

ربنا يخليك لو حد جاوبك بإجابة مقنعة ..... قولي


أنا كمان نفسي أعرف

المشاركة الأصلية كتبت بواسطة hagan

ليه تتوقف فيهم ليه
البلد بلدنا كلنا
و لما اخوانا الصغننين المتهورين اصحاب نسبة ال 23 يبقو لسه مصدومين و يبقو عاوزين ميخرجوش من الصورة و الحق يتقال انهم اصحاب ضربة البداية يبقي منبخلش عليهم بهذه الفرصة علشان ما ينقلبوش لثورة مضادة ضد مصلحة البلد
و حال لبنان و فلسطين ليس ببعيد فالكل هناك فاكر نفسه ان و طنيته اكثر و يارب اخوانا يفهمو ان الجيش بيصبر بيصبر بس الناس دول مش محاورين و لا ناس مجادلين دول ناس بتوع تخطيط و تنفيذ و بيتحملو دائما نتيجة قراراتهم بكل رجولة
و هم الان مصممين علي كسر الاوامر العسكرية و ضرب رئيس وزراء الثورة في مقتل حينما يثورو علي اول قانون يمرره في منصبه الجديد و لا ادري امال لو لسه شفيق موجود كانو هيوافقو علي القانون مثلا
انتا عارف يا بشمهندس عمرو الجماعة دول بيفكروني
بالموظف الغلبان ( عم سيد ) و مراته فتكات اول كل شهر
- عم سيد ( المجلس العسكري) - ها محتاجين ايه يا ستي الشهر ده
- فتكات ( طبعا الشباب الثائر ) - عاوزين لبس جديد و عاوزين الايجار و عاوزين نروح المصيف و عاوزين نغير العربية و عاوزين ندهن الشقة و عاوزين عفش جديد و عاوزين - و عاوزين - و عاوزين -
- صوت سارينة اسعاف
- الجيران بيسألو هيا الاسعاف دي جاية لمين
- رجال الاسعاف بينزلو و النقالة فاضية
- الناس في الشارع بيسألو انتو راجعين فاضين ليه
- ست فتكات بتصوت في البلكونة عمكو سيد مات
- الجيران في نفس واحد و الله ارتاح منك و من همك
البقاء لله

م.حاتم السباعي

فعلا فيه ناس حينما تتحاور معهم تقدرهم و تحترم ارائهم
حتي لو لم تتشرف برؤيتهم لانك حين تقرأ لهم اما تتعلم شئ جديد او انك تثقل لغتك او انك تقتبس افكار جديدة تحترم
و فيه ناس حينما يتحدثو اكيد بيتعرفو مباشرة و اسلوبهم بيفضحهم و لن تحتاج لان تراهم حتي تعرف مستواهم الفكري فلا تحتاج ان تسمعهم مجددا
( و الصفات دي متوفرة في عم سيد و مراته فتكات )

المشاركة الأصلية كتبت بواسطة د.أحمد السعيد

انا حاسس ان نعم او لا ماهى الا خطوة من خطوات تفريق الشعب و كسب وقت لصالح شىء ما ايه هو ..... الله وحده اللى يعلم

و السيناريو اللى بيحصل مع نعم كان المفروض هيحصل مع لا
يعنى مثلا هل الجيش هيأخر الانتخابات علشان يرضى ال 23 % ... امال ديموقراطية ايه
و لما هى الحكاية كده اتعجلتوا لية و معملتوش تعديلات صريحة للدستور

انا شامم ريحة علمانية فايحة فى الموضوع

عفوا ... يوجد قطيع فئران بيلعب فى عبى

المشاركة الأصلية كتبت بواسطة otefa

لو الخبر صحيح أكيد فيها علمانية

يعني لما قلت تقريباً نفس المعنى في الموضوع دة

فيلم نظرية المؤامرة ........ الجزء الثاني : بابا عايز أتصور جمب الدبابة
http://www.nilemotors.net/Nile/209265-a.html



رفضتو بشدة رايي ..... بس علشان كنت شامم رحت التيار الإسلامي في الموضوع


دلوقتي بتقولو نفس الرأي و بتنتقدو الجيش و الموضوع بقى فيه علمانية ...... بس عشان حسيتو إنو الموضوع ممكن ميمشيش في نفس السكة إلي انتو عايزينها


أنا أسف بس انتو بتعمل بالظبط ذي أي حد انتو بتنتقدوه ...... أنتم متناقضون