الموضوع: اتجاه لتأجيل «الرئاسة» إلى يونيو 2012.. ولجنة ثالثة لحل خلافات «الإعلان الدستوري»

المشاركة الأصلية كتبت بواسطة otefa

http://www.nilemotors.net/nile/209265-a-2.html
ردي واضح في الموضوع ما فهمتش تعليقك؟ياريت توضح

اقتباس
المشاركة الأصلية كتبت بواسطة otefa




لو الخبر صحيح أكيد فيها علمانية


يعني لما قلت تقريباً نفس المعنى في الموضوع دة

فيلم نظرية المؤامرة ........ الجزء الثاني : بابا عايز أتصور جمب الدبابة
http://www.nilemotors.net/nile/209265-a.html



رفضتو بشدة رايي ..... بس علشان كنت شامم رحت التيار الإسلامي في الموضوع


دلوقتي بتقولو نفس الرأي و بتنتقدو الجيش و الموضوع بقى فيه علمانية ...... بس عشان حسيتو إنو الموضوع ممكن ميمشيش في نفس السكة إلي انتو عايزينها


أنا أسف بس انتو بتعمل بالظبط ذي أي حد انتو بتنتقدوه ...... أنتم متناقضون
-------------
ده قصدي من ردي بخصوص العلمانية أن فيه ضغوط على المجلس العسكري لتوجيه الأصلاحات
وليس تشكيك بالمرة في المجلس العسكري

عارفين ايه المشكلة ان أراء وتوجهات وثقافات ومتطلبات الأغلبية التي يريد المجلس الأعلي للقوات المسلحة ارضاءها (من القوي السياسية وممثليها ) تقريبا معظم ما تقول به هو عكس ما يريده أغلبية الشعب المصري اللي صوت علي التعديلات الدستورية !!!!!!!!!!
وهو ده السبب اللي مخليهم حتي الأن مش عارفين يخرجو الأعلان الدستوري و المتضمن بداخله التعديلات والتي قد وافق عليها الأغلبية والمعارض لرأي هؤلاء !!!!!!!!!!!!
حد فاهم حاجه ؟
+1
ومنتظر توضيحك وأعتذار منك أو مني في حال صحت أو عدم صحت أتهامك لي أني متناقض في كلامي

انا ماقلتش انك بتشكك فى الجيش ..... انا قلت انك بتنتقده ..... فيه فرق طبعا

ايه اللى انا قلته فى الموضوع بتاعى ...... تقريبا نفس الكلام

قلت فيما معناه ان فى ما يشبه صفقة سياسية بين المجلس العسكرى و التيار الأسلامى او ان فيه اتجاه من المجلس العسكرى لتغليب التيار الأسلامى

لما قلت الكلام ده ..... لقيت اعتراض من البعض اللى اتهمونى انى بشكك فى الجيش و انا ماقلتش كده

و حضرتك قلت انك موافق على رأى الجيش و اسلوبه المدعوم برأى الأغلبية ..... رغم ان من وجهة نظرى الصفقة دى لو تمت فعلا فهى تمت قبل الأستفتاء و نتيجته بكتير و بالتالى قبل ما الجيش كان يعرف رأى الأغلبية اللى اشك شك كبير جدا انها كلها كانت بتقول نعم و هى عارفة موضوع الصفقة و ان كان تصويتها بنعم لدعم موقف الجيش فى الصفقة دى

ايه اللى حصل دلوقتى ...... واضح ان الموضوع مش ماشى بسلاسة ...... الأنقسام الشنيع اللى اصاب المجتمع نتيجة الأستفتاء دفع بعض قادة الجيش انهم يلتزموا بحاجات ما كنش معمول حسابها

زى مثلا ان فى كلتا الحالتين نعم او لأ ...... سيتم عمل اعلان دستورى و اسقاط دستور 71

التصريح ده لاحظ ما خرجش من الجيش الا قبل الأستفتاء بأيام قليلة جدا ...... واضح ان ده ماكنش مخطط المجلس العسكرى

وأظن انك أكيد فاكر التخبط اللى كنا فيه هنا فى المنتدى و احنا مش عارفين فى الأول لو قلنا لأ حيحصل ايه ..... و بعد كده من كتر التخبط بقى فيه ناس بتسأل حتى لو قلنا نعم حيحصل ايه ..... وفى الأخر طلع مافيش فرق كبير بين نعم و لا

المخطط من البداية فى حالة الموافقة على التعديلات ....... احياء دستور 71

ده بيفسر ليه اللواء ممدوح شاهين ...... مرة قال ان الرئيس القادم ماينفعش ييجى من غير دستور ولو مؤقت (كان يقصد دستور 71) و بعد كده رجع قال فى الحالتين نعم او لا حيتم عمل اعلان دستورى (كان في موضوع هنا فى المنتدى للأتنين فيديو اللى كان فيهم التصريحين المتضاربين)

فى رأى العبد الفقير لله ...... المجلس العسكرى حاليا فى حالة حيص بيص ...... اتربط بكلمة الأعلان الدستورى و ماكنش عامل حسابها تماما

ببساطة الموضوع تحول لعك سياسى دستورى ...... مينين تعديلات على دستور ..... ومنين مش حيرجع تانى ....

ومنين اعلان دستورى مؤقت ...... و منين استفتاء على بعض مش كل المواد

زى مايكون الجيش فى مواد ياخد رأى الشعب فيها ....... و الباقى حيعمله على مزاجه

الموضوع ولا ضغوط علمانية ولا بتنجانية ...... الموضوع كان فى خطة ...... حصل نتيجتها انقسام رهيب ...... اضطر الجيش عشان يلم الموضوع ...... يلغى فكرة احياء دستور 71 ..... و يعمل اعلان دستورى ..... اللى مش عارفين لغاية دلوقتى حيتعمل ازاى ...... و حيحطوا فيه ايه و يشيلوا ايه