الموضوع: .... مليونية إنقاذ الثورة - مطالب مشروعة ....

طبعا الرد ليس للاخ احمد انور وانما على كاتب البيان العبقري الذي نقله الاستاذ احمد انور

المشاركة الأصلية كتبت بواسطة ahmed anwer

إن الشعب فى مصر لن يقبل الحماية التى يضفيها المجلس الأعلى للقوات المسلحة على مبارك وبطانته. ولن يقبل محاولة غسل النظام السابق وإعادته فى صورة أخرى.

مطالبنا /
ومن قال لك انك تتحدث باسم الشعب في مصر ؟؟؟؟؟؟؟؟؟
انت تتكلم عن نفسك فقط وعن قلة والاغلبية لن توافقك ولن اقول نجري استفتاء لكن اقول لننتظر لنري كم شخص سينزل معك ان لم يشارك الاخوان

1- الأسراع في محاكمة كبار الفاسدين و علي رأسهم مبارك و ثلاثي الشر : زكريا عزمي و صفوت الشريف و فتحي سرور .

2- حل الحزب الوطني اساس الخراب و الفساد في بلادنا .

لا خلاف في ذلك من تثبت عليه تهمةيحاسب قدم بلاغ للنائب العام به اي مستندات عندك ويحقق فيها مثل باقي البلاغات ومن ذكرتهم ليسوا اقوي ممن مقبوض عليهم الان
انما مليونية ومظاهرات تاني اسف انا واحد من الشعب ومش موافق

3- الأفراج عن معتقلين الرأي الذين اعتقلهم الأمن المركزي مسبقا و الشرطة العسكرية حديثا .
معتلقين راي مين اللى اعتقلهم الجيش يا محترم ؟ البلطجية ولا الفتوات اللى مصممين يفرضوا رايهم على الشعب كله حتي بعد تولي عصام شرف الوزارة واعلان تعليق الاعتصامات والاضرابات ؟؟؟؟؟؟؟؟

4- الأسراع من مصادرة اموال الطغاة و رجال الأعمال الفاسدين و تجميد كل ارصدتهم في كافة بنوك العالم و اولهم ال مبارك , و تطهير الأعلام الفاسد الذي يدافع عنهم و يؤيد ثورتهم المضادة .
متهيالي كل ده بيتم حاليا
ولبانة الثورة المضادة بقت مستفزة جدا
اي حد يقول اي جملة مش عاجبة مجموعة من البشر يقولوا عليه من الثورة المضادة بقت عاملة زي كلمة المحظورة زمان

5- التأكيد علي حرية الرأي و التظاهر السلمي و عدم العمل بأي قانون يصدر لتقييد رأي الشعب الذي يستمد الجيش منه شرعيته .

لا طبعا اي تظاهر مرفوض تماما حتي لو المطالب مشروعة وكل قوانين العالم لا تعطي الحق في التظاهر عشوائيا فيه قوانين تنظمها مش فوضي

login | facebook

حتي اللي مش موافق علي التظاهر يا ريت ينوي الحضور و يدعو أصدقائه

ازاي يا استاذ احمد اكون انا او غيري معترضين على التظاهر وغير موافقين عليه وتطلب مننا اننا ننوي الحضور وكمان ندعو اصدقائنا ؟؟؟؟؟؟؟؟؟؟
انا عن نفسي مش هاتظاهر وهدعو اصدقائي لعدم التظاهر
مصلحةالبلد دلوقت في ان كل واحد يشتغل مش يتظاهر و ده رايي الشخصي

المشاركة الأصلية كتبت بواسطة skybird

وده اقوى اعلان ان
المرحلة الثانية من الثورة هتبدأ الجمعة القادم 1 ابريل
(الثورة 3 مراحل)

ايه ده هي كانت 3 مراحل ومحدش يعرف ؟؟؟؟؟؟؟؟؟؟؟
طيب يا ريت وبجد لو تعرف ايه هي المرحلة التانية والتالتة تقولنا نعمل حسابنا من دلوقت ونعرف هانروح على فين او اللى عاملين نفسهم قادة الثورة وبيخططوا لها يعرفونا
وبعدين بدل ما يعيبوا على المجلس العسكري انه فيه خطوات له غامضة مش كانوا يعرفونا ان الثورة 3 مراحل ولا يفاجئنا كدة ؟؟؟؟؟؟؟؟؟؟؟؟

وقد تجلى الفشل الاداري في التخبط الدائر الان في اتخاذ قرار سياسي بمواد الاعلان الدستورى فقد قالوا لنا قبل الاستفتاء ان كل السيناريوهات جاهزة ثم بعد النتيجة قالوا في خلال 48 ساعة ومضى اسبوع ولم يفعل شئ
ولي سؤالين للعلم بالشئ

الجيش عمل الاستفتاء وكان حر تماما و77 % وافقوا وبرغم كدة كل البرامج بعد النتيجة بتهاجم الاستفتاء والجيش مش عايزه يتروي في اصدار الاعلان الدستوري ويدرس كل كلمة فيه علشان يتجنب الهجوم و يجتمع بالبهوات اصحاب الصوت العالى علشان يخلص من صوتهم ولو حد منهم فتح بقه بعد كدة يبقي مالهوش حجة ؟
وبقولك من دلوقت لو الجيش عمل اعلان دستوري ليس له مثيل في التاريخ في كل العالم بردو هاينتقدوه وكلامهم هايبقي موضوعات على مواقع النت والايام بيننا

المشاركة الأصلية كتبت بواسطة skybird

ما احنا قلنا لكلام ده قبل تعديل الدستور
ليه جاي دلوقت بعد ما انقسم الناس وياخد راينا
عارف ليه
لانه ادرك ان راينا هو الصحيح

هو ده مربط الفرس الحقيقي

المجلس العسكري الان حاكم سياسي يخضع للنقد السياسي كاي حاكم
ولهذا لانريد له هذا الموقع لان هذا سيضعف رصيده يوما بعد يوم
هذا الكلام لاعلاقة له باجابة السؤالين

والبديل طبعا انه يسلم الحكم لمجلس رئاسي واهم شرط فيه ان يكون البرادعي احد اعضائه وان يسمح له بالترشح لانتخابات الرئاسة القادمة

المشاركة الأصلية كتبت بواسطة human12

طيب يبقى ايه الخساره اننا نقول لو فيه ناس سيبوهم؟؟
لو مافيش يقولوا مافيش و هنصدقهم

انا بحاول افهم المشكله فى المطالب البسيطه و اعرف ليه مافيش حد بيستجيب ليها

الجيش اعلن اكتر من مرة ان المقبوض علهيم خالفوا القانون وافرج عمن لم يرتكب جريمة
المطلوب يطلع المجلس كله في التليفزيون يحلف على المصحف ؟؟؟؟؟؟؟؟؟؟؟