الموضوع: عملت حادث , والحمد لله على كل شئ

شكرا يا جماعة على شعوركم الطيب
الحمد لله العربية اتعملت
وخدتها من قصيرها وروحت عند سمكري بس شاطر بصراحه
ظبط الشنطه
والاكصدام استعدله
لكن المصيبة كلها كانت في العضم اللي ورا الاكصدام وتقريبا كان كل الشغل فيه
لكن مخليتهوش يشتغل في الرفرف الامامي أو الاكصدام الامامي لانهم هيحتاجو دوكو
المهم هو استعدل كل الحاجات على البارد

بالنسبة للتكلفة كانت مناسبة لحد ما
السمكرة كلفت 200 جنيه
الاكصدام كلف 70 جنيه
يعني إجمالي التكلفة 270 جنيه

وقدر الله وماشاء فعل

المشاركة الأصلية كتبت بواسطة ahmed.tv

طيب الحمد لله رب العالمين

انها اتلمت وجت على قد كدا , طمنتنا

وان شاء الله كل الامور تكون بخير

المهم مين اللى اتحمل التكلفة دى فى الاخر اللى خبطتك ولا انت

الحمد لله
وبالنسبة لموضوع تحمل التكاليف أنا محتار بصراحه
أنا كلمت السيدة اللي خبطتلي العربية وهي كانت متعاونه جدا ومعندهاش مانع تدفع الفلوس
لكني محرج آخد الفلوس دي
فتنصحوني بايه
أخد الفلوي
والا عفا الله عما سلف

الحمد لله ان حضرتك بخير و ان شاء الله سليمة و ربنا يعوض عليك

المشاركة الأصلية كتبت بواسطة ahmed.tv

بص عفا الله عما سلف

بس الحكاية مش حكاية تعويض
الحكاية انها لازم تتعلم تمشى مصحصة بعد كدا , ومنتبه ومتتكلمش فى الموبيل
والستات بصراحة بيغلطوا كتير فى السواقة جدا وبيعلموا اخطاء تودى فى داهية

وانا واحدة قبل كدا خطبتلى العربية من الخلف والخطبة دى مقصرة على الودان اللى فى الاكصدام والوادان دى عملتها كذا مرة ومفيش فايدة بترجع تانى , عارف دى حتكلفنى ايه اكصدام جديد ورش حيدخله مش اقل من 1000 جنيه

وبعد ما مشيت وروحت اخدت بالى من ان الاكصدام من الجنب نازل , ولو كنت اعرف وهى واقفة بتكلمنى مكنتش سبتها

الواحد بيدفع دم قلبه فى العربية وبيجبها بعد طلوع الروح , سواء قسط او كاش , وبيعصر حاله , ويجى عالم مستهترة ويحرق فى دمك

فمش عارف اقولك ايه , شوف انت اللى ريحيك واعمله , لانها بتفرق من واحد للتانى

عشان كده أنا بفكر أخد منها الفلوس
مش عشان حاجه بس عشان تتعلم انها تاخد بالها من الطريق
ثانيا ان العربية صعبت عليا من الخبطه دي
ثالثا وده الاهم اني مرديتش اصلحها في التوكيل ( مع إني مأمن عليها بس بتحمل جزء من التكاليف ) وكانت هتتحمل اكتر من كده كمان يعني حوالي 700 جنيه