NO Way أنا عربيتي مش مدببة !!

**دموع الثلج** · 13-04-2008 11:10 PM

المشاركة الأصلية كتبت بواسطة Hondawy_2008

بص يا باشا بدام طلعت بومه اتمنى انك متكنش رحمتها يعني شويه شتايم وتهزيء ومتسيبهاش الا لما تصلحلك الخبطه بتاعتها.
.............................
............................

الله يكون في عون شباب مصر ,يا ريت تقلنا بقى عملت ايه؟؟؟؟؟؟؟

لا بئه انا احتج على كده

بومه ولا غراب الشباب مالهم بشكلها هى غلطت يبقى تصلح الغلطه او تعتذر ده اللى بيقوله العقل وربنا بيقول ولا يسخر قوما من قوما عسى ان يكونوا خيرا منهم
شتايم ايه وتهزيئ ايه يالهوووووووووووتى انتم بجد اشراررررررر
والمفروض بئه المعامله تكون بالمثل لو واحد خبطنى انزل افرش له الملايه بئه طالما كده
وعلى فكره بئه فيه رجاله ملهمش غير فى سواقه العربيات الكارو
وماشين فى الشارع بدراعهم وكان الشارع ده كان ملكيه خاصه او وراثه لهم

انهارده راكنه عربيتى صف اول وتمام التمام دخلت محل وطلعت لقيت عربيه جراند شروكى
راكنه ورايا والشارع واسع عاوزه افهم بئه ازاى ريح على عربيتى خبط الاكصدام اللى ورا دخل الصاج لجوه المفروض ان الجيب مرتفعه يعنى شايف كويس قدامه لما يركن
معنى انه يطبق لى الصاج ان ده مختلف رسمى واعمى طلعت لقيت عربيتى كده بصيت له باستعجاب ومشيت وكان نفسى بئه اعلقه فى الاكصدام واسحله فى الشارع بس كظمت غيظى ومشيت

**Noha.M** · 13-04-2008 11:14 PM

المشاركة الأصلية كتبت بواسطة hamedo0

هو مافيش تعميم زاى مافي رجله تحرق الدم في بنات تحرق الدم برده غير كده
دي مش بنات يا onna واكيد لا تمد للجنس الناعم با صله

عندك حق و انا على فكرة مبحبش التعميم و لا بحب الحكم العام على اى حد بس انا لاحظت ان الناس

عمالة تسخن على نفسها ولغة الحوار هتبتدي تفلت:(

بس انا معاك البنت بتستهبل و عايزة حد يشكمها بس الناس بس عايزة تتفرمل شوية عشان الرقابة

متدخلش:D:D:D

**Chicco** · 13-04-2008 11:19 PM

البنات المعترضة عندها حق ....الاستهبال و قلة الذوق مش حكر على حد .....بالذات في الشارع المصري
حكاية إن البنات ما بيعرفوش يسوقوا برضه مش حكر على حد الكل بيسوق غلط و كلنا عارفين و شاهدين ....

**fiatmomo** · 13-04-2008 11:34 PM

بنات .. ولا شباب .. ابيض ولا اسود ... مصرى ولا اوروبى !!!

احنا مش حنحولها لتفرقه عنصرية ......

الفكرة ان صاحب الموضوع ذكر واقعه ... و الواقعة دية اساسها بنت . والواحد بيفتكر الحاجات(( الغربية ))الى حصلت معاة من البنات الى مش بيعرفو يسوقو وعلى اساس كدة كل المشاركين اتكلمو فى الجزئية دية ( الى كان اساسها واحدة بنت !!!!) ..................

زى ما عضو بيحكى ان تاكسى وقف مرة واحدة عند منزل كوبرى ... فقام واحد دخل قالة اصل سواقين التاكسى دول كذا وكذا وكذا ..............

وواحد تانى بيقول سواقة الناس الكبار دية تشل .. قام حد رادد علية .. قالة دة انا بعانى من الناس الكبار دول ... دول مش بيبصو فى مرايات وبيكسرو من غير مايبصو .. وكذا وكذا .............

وحد قال حمله على سواقين الميكروباصات .. دول عاوزين المابيفهموشو عربجية دول كذا وكذا ...................

الشباب ( العيال ) الى بتطلع من جمب الواحد وتكسر على الواحد ( تغرز ) .. حنلاقى ان حد دخل وبيقول ... دول عيال مش متربية ... دول عاوزين الحرق ... دول ودول

الموضوع مش تفرقه عنصرية ......... انا كل يوم فى الشارع بيقابلى بنات بجد حقيقى مش عارفين يسوقو ... وكلو كوم الستات الى بيسوقو العربيات ال4*4 كوم . يعنى مش حنسى الست الى كانت حتشيلى جنب العربية لان الهانم ماشية فى النص فى كوبرى حارتين وعربيتها كبيرة وهية مش عارفها ابعاد عربيتها .

وفى نفس الوقت بيقابلنى رجالة وشباب ..وبنى ادمين من جميع الفئات والانواع ... وكلهم مش بيعرفو يسوقو او مالهومش علاقة اساسا بفن القيادة

موقف تانى معاكس ... بنت شوفتها بعينى ركنت عربية بى ام دبليو 316 .. فى اضيق مساحة ممكن يتركن فيها عربية ومأخدتش اكتر من حوالى 10 ثوانى ( ورا.. قدام .. ورا تانى ... نزلت وقفلت و مشيت .. واحنا مستغربين من حرفنتها . ولا ريحت ولا خبطط العربية !!

**hazem_khidr** · 13-04-2008 11:36 PM

انهارده راكنه عربيتى صف اول وتمام التمام دخلت محل وطلعت لقيت عربيه جراند شروكى
راكنه ورايا والشارع واسع عاوزه افهم بئه ازاى ريح على عربيتى خبط الاكصدام اللى ورا دخل الصاج لجوه المفروض ان الجيب مرتفعه يعنى شايف كويس قدامه لما يركن

لا حول و لا قوه الا بالله
معلش يا دموع قدر الله و ما شاء فعل عموما بسيطه ان شاء الله

**Nader** · 13-04-2008 11:37 PM

بالراحة يا جماعة.

المشكلة ان لما السيدات بيعملوا مصيبة بغض النظر انكروا ولا اعترفوا

الرجالة مش بيعرفوا ياخدوا منهم لا حق ولا باطل بحكم طباعنا الشرقية "المتخلفة".

الناس هنا متغاظين علشان كدة اكيد كتير منهم مر بتجربة من دول قبل كدة

ومعرفش يعمل حاجة وبالتالي "ما صدق" يلاقي حاجة يفش غلة فيها وينتقدها.

>>طبعاً دة مش مبرر للغلط واغتياب الناس.

محدش يقدر ينكر ان في رجالة كتير اخرهم يسوقوا حمار بس كمان من غير العربية

الكاروو، بس الرجالة بيقدروا يتعاملوا مع بعض "في الغالب ... حسب الحجم"

وبيقدروا يخبطوا مع بعض او على الاقل لو واحد غلبان هيشتم ويجري:)

انما مع البنات 90% بيبقوا لا حول لهم ولا قوة والعشرة % الباقيين

دول اخواننا اللي بيجيبوا حقوقنا وبيخلصوا ثارنا... بهزر طبعاً.

**Chicco** · 13-04-2008 11:41 PM

معاك حق يا نادر باشا و...... fiatmomo باشا الاعتراض على ذكر ألفاظ غير مناسبة سواء بتكلم على سواق تاكسي أو واحد من المريخ حتى

**دموع الثلج** · 13-04-2008 11:44 PM

المشاركة الأصلية كتبت بواسطة hazem_khidr

لا حول و لا قوه الا بالله
معلش يا دموع قدر الله و ما شاء فعل عموما بسيطه ان شاء الله

بص يا حازم انا كده اتاكدت ان عربيتى مسكونه

اركنها فى امان الله ارجع القيها مخبوطه
امشى برضوه فى امان الله الغباوه بتاعه الناس تشتغل و برضوه يخبطونى
اسيب العربيه تحت البيت انزل القي واحد واخدها لى خط طولى تجريح بطول العربيه

والله انا فعلا قرفت وبقيت خايفه اركب عربيتى ولسا مكملتش معايا 20 يوم خلونى امشى اتلفت ورايا حاسه ان الناس كلها هتخبطنى وكل الخبطات فى الاكصدام الخلفى
يبقى هل انا الغلطانه .................................................. .... ولا برضوه ربنا يخلى لنا التماسيح اللى بتمشى فى الشارع

.:(:(:(

**Chicco** · 13-04-2008 11:50 PM

قدر الله و ما شاء فعل ....... لا يا دموع ولا مسكونة ولا حاجة ....ده قدر كل عربيات المحروسة للأسف الشديد ......

-

الموضوع: NO Way أنا عربيتي مش مدببة !!

LinkBack

أدوات الموضوع

عرض

-

-

-

-

-

المواضيع المتشابهه

عربيتي

صور عربيتي ال 128

.زنه او ونه في عربيتي

دي صور عربيتي على قدي

دي صوره عربيتي 128 كريزي كار وصوره عربيتي الحاليه سيتروين

الكلمات الدلالية لهذا الموضوع

المفضلات

المفضلات

ضوابط المشاركة