خلااااااص موجة الفيميه انتهت وبدأت المخالفات

**hondaman** · 29-03-2011 01:18 AM

شفتهم انهاردة فى الف مسكن موقفين كذا عربية ظباط و كام امين شرطة التعامل بصراحة مع المواطن بمنتهى الاحترام الظابط بيبتسم فى وش الشاب المخالف وكان فى حوار داير بنهم تقريبا بيقولة سبب المخالفة اية والشاب مبتسم بردو من طريقة الكلام الامين بيمشى الميكروبصات اللى واقفة بتحمل الناس جهجهونى سواق الميكروباص حاضر حاضر ومش فى بالة الامين لو سمحت يا اسطى يلا كفاية كدة سواق الميكروباص بيمشى بس بيستهبل ومشى خلاص دة اللى لاحظتة انهاردة
بس حاجة كمان ياريت فعلا الامن يرجع تانى و بقوة
انا حضرت موقفين واحد من اسبوع وحصل لاختى ( يعنى كنت بسمع بس متصورتش ان دة ممكن يحصل لحد فينا ) بتركن عربيتها ومعها بنتها فى الكرسى التانى بتقفل باب العربية ومرة واحدة تلاقى اللى بيشدها من الشنطة اختى طبعا معلقة الشنطة فى دراعها راحت وقعت واتجرت شوية ووشها باظ كانو اتنين راكبين فيرنا دهبى الساعة 10:30 الصبح فى التجمع الثالث عند جامع السويدى رحنا القسم عملنا محضر لقينا ان فى اكتر من حالة نفس القصة غير حالتين سرقة شقق واصحبها موجدين الحمد الله على سلامة اختى والحمد الله على سلامة بنتها ومكنتش متخيل الموقف لو كانت شايلة بنتها ساعتها ...
الموقف التانى انهاردة الساعة 7:30 مساء فى عين شمس عند حديقة بدر الشارع اللى وراها شارع حيوى نسبيا شاب وصحبتة او خطبتة الله اعلم واحد بمطوة افتعل مشكلة معاة بحجة انة عمل فعل فاضح ما واخد منة الموبايل الشاب اتعور واعد يزعق عشان يلم الناس والحمد الله اتلمت الناس ( انا بحكى بختصار هنا اللى حصل اكتر من البلطجى ولكم ان تتصورو ) والشاب اخد الموبايل كان نفسى الجيش يجى ياخد الواد البلطجى بس طلع معرفة ناس من المنطقة ومشى
حقيقى مش عارف اقولكم اية ونا ماشى بعربيتى انهاردة ونا مروح وعربيتى بطريتها بايظة ولو بطلت شكرا فى الاول كنت ممكن اوقف اى حد يدينى توصيلة ( طبعا مش بايظة من زمان ) بس لو ) بس كنت فى منتهى الرعب مش هكدب دى حياة او موت حتة بس عدم الشعور ب الامان احساسها فظيع ونا ماشى على طريق الهايكستب ومضلم كحل والاوهام كلها يا معلم من اللى ممكن يحصل لو حد طلع قطع عليا الطريق ونا لا حول ولا قوة لا سلاح ولا اى بتاع بجد محتاجين الامن التام بكل قوة

**sniperfox** · 29-03-2011 03:56 AM

اخر مخلفت الفيميه انه بيسحب الرخصه وبيديك وصل وبعد كدا بتروح المرور التابع ليك وبيبصو على العربيه علشان يتاكدو ان مفهاش فيميه وده الى بيسموه الفحص وبتدفع 30 جنيه غرامه وبتاخد رخصتك وعربيتك واكيد زى الكل مبيعمل بتروح تفيم تانى فى نفس اليوم هههههههههههههههه

**Nistelrooy** · 29-03-2011 03:59 AM

الحمدلله والرادارات المتحركة بدات :))

**nicegypt** · 29-03-2011 05:34 AM

الحمد لله على رجوعهم .. لكن لسة فية فوضى ف الشارع .. اتمنى الفوضى تنتهى ف اسرع وقت لان بجد شيئ فوق الاحتمال
الحزام كنت برتدية دايما حتى ايام الثورة .. وناس كانت بتستغرب من كدة .. بس هى عادة للاسف .. اللانسر لما كنت مركبش الحزام
كانت تعمل هيصة اصبحت عادة وهى عادة سليمة وامانة . وبتحسسنى بالامان اثناء القيادة المسرعة لذا ادعوا الجميع بأردتدائة سواء
فى وجود رجال المرور او فى عدم وجودهم