ايوه يا استا عمرو بما انك مالك ليها ياريت تشرفنا بتقييمك
عرض للطباعة
ماشي يا سيدي
جبتها من شهر 7/2007 وعملت لحد دلوقتي 59000 كم معظمهم كان سفر يعني طرق مفتوحة وعلى سرعة من تسعين لمية وعشرة معظم الوقت
مميزاتها :
1- حجمها صغير أوي ، وتقدر تعمل بيها مناورات جامدة اوييييييييييييي ، وانت بتركن او وانت بتجري وبتعمل غرز لو مين بيجري وراك ميعرفشي يياخدها يعني تخيط اي عربية لو الطريق زحمة وعايز غرز بس بعد ماتتعود على العربية طبعا
2- صالونها من جوة واسع ، القعدة قدام : البرابريز طويل والتابلوة بعيد عنك فتحس وانت سايق بالبراح والزراير والتابلوة والتكييف سهل وفي متناول ايدك وانت سايق وهي عموما بسيطة ، القعدة ورا : الكنبة عالية عن مستوى الكراسي اللي قدام وعن مستوى أرضية العربية كمان فممكن يقعد ورا شخص او اتنين طوال مهما كان طولهم مش مشكلة (عن تجربة عملية ) بس ميكونوش تقال عشان المساعدين ضعيفة
3- استهلاك البنزين اقتصادي جدا ( ما حسبتوش ولا مرة عشان بانسى اصفر العداد او ابص فيه كل ما أملا بنزين ، وبقالي سنة بانسى) بيبقى كل همي عداد الفلوس في البنزينة ، بقى بيعد جامد اويييييييييي:036:
4-انا لحد دلوقتي شايف ان غبور - أبو رواش مافيهوش مشاكل & ومعظم المشاكل وانا هناك بتبقى من اصحاب الفيرنا
5-مستوى الكراسي والقعدة في العربية اعلى من العربيات السيدان العادية وتحس انك راكب عربية مرتفعة نسبيا وبتبص للناس تحت بس مش اوي عشان محدش يتريق
6- فراملها كويسة عشان العربية خفيفة بتقف على طول وجربتها في مواقف صعبة ( فرامل وانا باخد غرزة وقفلت والعربية كانت في ملف بس طبعا لازم تسيطر عليها وتلمها & وعموما العربية لحد تسعين كدة انت مسيطر عليها 100% ولحد مية وعشرة انت مسيطر خمسين ستين % فوق كدة بقى ربنا يستر ( عملتها في الحتة اللي اتسفلتت جديد في الصحراوي ومشيت لحد 150كم واول ما عديت من جنب عربية نقل حسيت العربية بقى مالهاش وزن )
عيوبها :
1- العفشة بتدبدب على خفيف ولازم تحسس في المطبات والحفر لدرجة ان والدي امبارح قاللي سواقتك مملة بس اعمل ايه ؟ لو خدت الحفر بسرعة بسمع وبحس بترزيع بيقطع في قلبي (اول عربية اركبها وانا تعبان في فلوسها - بفلوسي يعني محدش جابهالي)
2- طبعا صاجها ضعيف
3- لازم تظبط رجلك جامد في الطلعة عشان ماتسقفشي & وبعد كدة بنقل زي ما الكتالوج كاتب عشان الأداء واستهلاك البنزين ولما بنقلها زي الكتالوج بحس انها مريحة اوي في اللحظة اللي بدوس بنزين وبرفع الدبرياج:k32:
4- هي عموما مش بتاعة جري ونفسها قصير في النقلات
وفي الاجمالي العربية عملية ومريحاني الحمد لله
تقييم جميل و قريب جداً من الواقع و احب اضيف للميزات :
-شنطتها الأوسع في فأتها (راجع المقارنه دي : http://www.nilemotors.net/Nile/showthread.php?t=22085 )
-مجال الرؤيا للسائق ممتاز مقارنه بكثير من العربيات الهاتشباك و السيدان علي حداً سواء
هي العربية كلها الأوسع في فئتها وأوسع من ال I 10
نسيت كمان اقول على التكييف : انه جامد جدا وبشغله على واحد لو انا لوحدي في العربية وعلى اتنين لو معايا حد ومش بجيب الترموستات على آخره كمان يعني تكييفها جامد جدا ودي سمعة تكييف هيونداي من ساعة الاكسيل من كذا سنة
سؤال يا جماعه لمالكي الأتوس...فيه لمبه في التابلوه شبه دي كده http://www.autonostics.com/skin1/images/vw-immo-2-m.jpg
انا عارف انها ليها علاقة بنظام immobilizer ...بس هل هي موجوده في سيارات غبور(لأن الي معايا خليجي) وهل معني وجودها اني لا استطيع عمل مفتاح إلا في التوكيل ؟؟
هي موجوده بس مش شغاله عندي
أ.casperinoo
أ.Khalid_Mostafa
العربية بقالها معاكو مدة أد ايه ؟ وعامل كام كيلومتر؟ وبتنقط مياه من الشكمان ولا بطلت ؟
انا فوجئت بعربيتي لسة بتنقط من الشكمان الصبح وانا بأسخن وعامل 64000كم
وياريت لو حد تاني عندة آتوس يقوللي وألف ألف شكر ليكو يا جماعة!!!
انا معايا بقالها سنه ونص وعامله 13000كم..حكاية المايه من الشكمان ديه انا عمري مبصيت عليها...
بصراحه انا بقي عندي ثقه غريبه في عربيتي..ومش بحاول ابص فيها علي حاجه...لان الحمد لله واثق انها تمام..
اللي يشوف كده يقول اني راكب بي ام :)
شكرا على ردك يا باشا
على فكرة انا زيك واثق من العربية وبحبها جدا جايز عشان بتاعتي وعموما انا عامل بيها مسافة طويلة والحمد لله زي الفل ومن غير اي شكاوي بالعكس موضوع المياه بيحسسني انها لسة جديدة والموتور حالته كويسة
بالمناسبة هي ايه الـ بي ام دي :U_thin1[1]:؟:)
صباح الفل يا رجالة انا معايا اتوس برايم 2008 عامل لغاية دلوقتى 24500 كيلو الحمد للة كويسة معايا وبشد بيها كتير فشخ مع اى عربية وبجيبها سحبها عالى اوى انا واحد صاحبى معا كيا ريو 2003 فشختة على الطريق سورى فى اللفظ هىي فى المناورات شديدة اوى معايا وسافرت بيها جبت على الطريق 170 على الطريق وكانت تمام معايا بس كان الطريق حلو معايا انت عارف بقى طريق العين السخنة الجديد وطريق صلاح سالم بردة بجيب السعات دية 160 150 165 كدة يعنى بس انا كان عندى سؤال انا عملت صيانة الااف بس وماعملتش ولا صيانة تانى بس بغير زيت وفلتر وكدة بس ممكن لقدر الله يحصل مشاكل ويا ترى ممكن احط جنوط 15 ولااية علشان عاوز ازود ثبات شوية . اللى خلانى اجيب العربية دية واحد هنا اسمة( خالد مصطفى) اقنعنى راية لما كان بيكلم عن العربية عموما بس بقوللة دلوقتى صباح الفل رايك تمام ياريت ماتنسونيش فى الرد
صباح الفل يا رامز و يسعدني انه بيضت وجهي معاك ..انا كمان الحمد لله عامله 30000 وقربت تكمل السنه الثالثه معايا و الحمد لله زي الفل ومفيش اي مشاكل .والله انا العربيه نازله بكاوتش رفيع جداً (155/70) ومع ذلك معنديش مشاكل في الثبات الحمد لله و بالنسبه للجنوط اعتقد حتحك جوه الرفارف...يعني لازم تجرب الأول و معتقدش ان ده حيبقي متاح . المانيول بيقول ان اخره جنط 13 واخره 175/60 كمان وانا كان ليه تجربه في الماتيز اني ركبت كاوتش عالي شويه بقت تحك في الرفرف في المطبات .ومع ذلك فالتجربه خير برهان
بص هو مهم اوي تعمل صيانة الـ30000كم في التوكيل عشان بيغيروا حاجات كتير وعامة طالما انت بتجري بالعربية جامد كدة يبقى لازم تعمل الصيانات في مواعيدها (ايدك تبقى في العربية يعني)
وبرضة رأيي بلاش الجنوط الكبييرة التزم بالمقاسات بتاعتها وياريت اقابلك في صلاح سالم مرة
ضغط العجل بتاعكو علي كم ياشباب ...؟؟
انا عارف ان مكتوب 30 او 32...
بس انا لما قليلته ل 28 العربيه بقت مريحه اكتر
هى الاتوس الزيرو فيه منها اوتوماتيك و لا كله مانوال
28 فعلا بتبقى مريحة
انا بظبط العجل كل تلات او اربع ايام بالكتير وديما بلاقي في زيادة وناقص
كان في منها فول اوبشن اوتوماتيك بس مش عارف في منها زيرو لسة ولا خلاص عشان نزلت مكانها I10 وبرضة في منها اوتو
انما عايز اشترى هيونداى اتوس 98 او 99 ايه مميزاتها وايه عيوبها وسعرها كام دلوقتى برجاء الرد بسرعة جدا وشكرا
انا لسه شاري اتوس 2000 عاملة 82 ألف كيلو مشاء الله مش متهانه خالص وبها طقم كاست وشاشة lcd تقريبا بتاع 2000 جنيه جبتها 33500 بجد لحد دلوقتي مش شايف عيوب ممكن عشان كان معاي 127 بس اللي شايفه ان شكلها مش مقبول شوية من الخارج بس من الداخل بجد مشاء الله جميلة واسع وعالية وصوتها ناعم وتكيفها تحفة
انا ليا استفسار من الناس الخبرة اللي معاها اتوس عاوز اعرف لو في قطع غيار محتاجه ممكن تكون فين مثلا زي الفاونيس او التيل والفلتر الهواء والزيت
ومين شغال فيها كويس الاصلاح
وعاوز اعرف افضل زيت للماتور وتغيره كل كام كيلو
وسير الكاتينة يتكلف كام لو هيتغير ويتغير بعد كام كيلو
اسف علي الاطالة وارجو الرد
مفيش حد رد من امبارح انا زعلان بجد
صبرك بالله اكيد ملاك الاتوس مشافوش الموضوع لسه الناس دي مبتاخرش في المساعده
طيب ياريت حد يفيدني انا عاوز اغير زيت الماتور اضع ايه وده يكون كل كام كيلو ياريت حد يرد
بجد ياجماعة منتدي زي الفل
انا بحط شيل هيليكس زيت تخليقي..وده بيتغير كل 10000كماقتباس:
طيب ياريت حد يفيدني انا عاوز اغير زيت الماتور اضع ايه وده يكون كل كام كيلو ياريت حد يرد
هو غالي شويه حوال 200 جنيه...بس بيريح الموتور جامد وبيخلي صوته واطي
اعتقد ان 3 لتر بس بيتحطو..انا مش عارف بظبط..بس هو بيفضل ربع الجركن
وفيه شيل الجركن الاصفر وده بيتغير كل 5000 كم وده تمنه كان 70 او 80 جنيه
ياباشا انا عربيتي جبتها زيرو ومن ساعة ماجبتها باحط الزيت اللي بيعمل عشرة آلاف كم
ولحد دلوقتي باعمل الصيانة في التوكيل والصيانة الجاية ان شاء الله 70ألف كم احتمال ابدأ أروح مركز خدمة معتمد
بالنسبة لقطع الغيار انا ماغيرتش غير طقم كهرباء وسير وبلية كاتينة وتيل فرامل
مش فاكر سعر حاجة غير تيل الفرامل 300جم
باقي الحاجات مش فاكر اسعارها هبقى اشوفهالك في الفواتير واقولك كام !!انا بس قلت ارد عليك عشان اصبرك وعشان شكلك زعلت
وعامة العربية زي الفل عايزة معاملة حنينة بس والحاجات اللي انا غيرتها دي عشان معادها أو عمرها الافتراضي خلص لكن والله الحاجة طالعة من العربية جديدة والتيل كنت حاسس انه لسة جديد بس خلاص كنت مشيت عليه 60ألف كم
ممكن اعرف عربيتك اتوس موديل ايه
ونوع الزيت ايه اللي بتغيره
وغيرت سير الكاتينة عند كام كيلو
وبتعمل الصيانة بتاعتك فين
وشكرا
2008
شيل هيليكس برضة ( دا الزيت اللي في التوكيل) وبحط الزيت اللي بيعمل 10آلاف كم
سير الكاتينة عند 60ألف كم
عامل الصيانات من أول صيانة الألف الى صيانة 60ألف في غبور أبو رواش
هو حراق أو غالي شوية بس بصراحة راحة بال والحمد لله مفيش مشاكل حصلت وأغلب المشاكل في الصيانة بتيجي من الفيرنا وفي الاستلام الماتريكس غير كدة ان شاء الله مش بيبقى في مشاكل
مشاء الله 2008 وعامل 70 الف ده دليل ان العربية زي الفل
اقولك هكلمك ان شاء الله
عاوز ميكانيكي قريب لحلوان يكون كويس
ولا لو هغير سير الكاتينة والدينمو وفلتر زيت وبنزين تقريبا يكلفو كام في التوكيل
يا جماعة أمامي أتوس 98 عاملة 100 ألف ك فابريكة برا وجوا سودا استعمال سيدة بالتكييف والكاست والسنتر عارضاها ب 32 ألف ... المفروض تبقى بكام
انا اشتريت 2000 عاملة83 الف وبها كاسيت وشاشة وسماعت تقريبا بألفين فبريقا دواخل كاملة ورشه بعض الخارج خلصت علي 33.5
ايه رايكم يا شباب فى اتوس 2004
http://uk.youtube.com/watch?v=Wl7EXvZo8hs&NR=1
اتوس جايبه 200 كم\س
واكتر حاجه عجباني في المجنون اللي سايق...انه سايق بأيد واحد علي السرعه العاليه ديه ...وايده تانيه ماسكه الكاميرا وبتصور
حد يعرف محل قطع غيار اتوس ويكون كويس
اشتري فلتر الزيت منين وبكام
علشان عايز اغيره بره
وعلشان اغير الفلتر لازم افك النمر والكلام ده اللي مكتوب في الكتالوج..ولا بيتغير عادي
وشكرا ليك مقدما
بيتباع عادي في التوفيقية في حدود 20 25 في اماكن كتير وممكن اي بنزينه تغيره وفي مراكز خدمة كتير ممكن تغيره زي اللي في صقر قريش
وده رابط كنت عامله فيه اسعار قطع الغيار وبعض الاماكن اللي سألت فيها ممكن يفيد
http://www.nilemotors.net/Nile/showthread.php?t=58190
بالتوفيق
شوفتو أسعار الأتوس البرايم 2009 الجديدة
55500 ألف جنيه بس
تكييف + باور + كاسيت Cd
مكتوب النهارده في جرنال الجمعه انها ب 52000 بي ياترى دي امكانياتها ايه؟ :U_thin1[1]: ياريت حد يفيدنا انا الحمد لله جيبت السايبا برايد الجديده بس اختي لازقه في نفس العربيه وانا بحاول اشتتلها تفكيرها شوي ما ينفعش احنا الاتنين نشتري نفس العربيه فارشحتلها العربيه دي بس ياريت لو حد عندوا معلومات عنها اكتر بالتفصيل يذكرها وقطع غيارها دي اهم من ذكر مواصفاتها :)
وشكرا
على فكرة يا نيل استورم انا عندى نوبيرا وزى الفول والسحب بتاعها زى الفول وشكل صحبك دة مش عارف يسوق