ان شاء الله سيكون هذا دليل شامل عن الاتوس و الاتوس برايم
و نرجو مساهمه لاخوه الاعضاء في هذا الموضوع
و لنبدا علي بركه الله
عرض للطباعة
ان شاء الله سيكون هذا دليل شامل عن الاتوس و الاتوس برايم
و نرجو مساهمه لاخوه الاعضاء في هذا الموضوع
و لنبدا علي بركه الله
تعليقات الاعضاء عن الاتوس و تيست درايف
العضو mohamed yousry
العضو mohamed yousry
السياره اتوس موديل 99 الشكل القديم
"
1-الشكل الخارجى....معقول بالنسبة لمثيلاتها من السيارات ال 1000 سىسى يعنى احسن من الماروتى والديهاتسو ميرا وكمان احسن من الماتيز ولكن قد تكون اقل من البيكانتو(اقرب المنافسين لها)... وعشان يعوضوا ضغر حجم العربية عملينها بسقف عالى وكراسى عالية عشان متحسش انك هتركب علبة سردين (لم احس ان هركب 127 او ماروتى) فعلا موضوع علو السقف والكراسى مدى ايحاء ان العربية واسعة....لكن دة جة على حساب ثبات العربية.
2-الصالون.....عالى على الارض....عشان اكلم زميلى هو راكب النوبيرا كنت ببص لتحت وهو يبص لفوق.... كنت حاسس انى قاعد فى برج عاجى متكبر على الناس......التابلوة بسيط جدا على قد مستوى العربية مش مطلوب ان يكون فخم والمساحة داخل السيارة واسعة سواء قدام او ورا ...مستوى التقفيل ممتاز(كورى مستوردة) يوجد قلم بنفس لون العربية لعلاج الخدوش.... الباب قافلتة ناعمة والزجاج سهل قفلة وفتحة والكاسيت اصلى بتاع الفابريكة(كورى)....اذا قارنها بالاكسنت بتاعة غبور طبعا الاتوس تكسب....وعشان كدة غبور منزلها دلوقت ب54 الف جنية تقريبا نفس ثمن الاكسنت قبل ما تتلغى.....
3-دورت الموتور.....صوتة مسموع بس ناعم جدا انعم من الاكسنت الغبورية....ميسمعش صوت خروشة فى المتور زى الاكسنت.... مستوى الرؤية من داخل السيارة زى الزفت سواء ورا او قدام بسبب العلو الكبير على الارض(مكنتش شايف الكبوت)....
4-طلعت بالعربية....صاروخ منطلق....ازاى العربية دى 1000 سى سى ....سحب مش ممكن...العربية خفيفة جدا على موتورها....احسن من الاكسنت 1300 بتاعتى بمراحل فى السحب وقد تكون فى مستوى الفرنا 1600 مش عارف ازاى ياريت لو حد يعرف السبب يقولى؟؟؟ قبل ما اتجنن :evil: .....مش عارف هو غبور بيركب للأكسنت مواتير فرز تانى وبواقى التصنيع الكورى ولا اية ......سحبها احسن من النوبيرا كمان كنت بخيط زميلى واحنا ماشيين ورا بعض... مكنش عارف يلاحقنى فى الجرى(زميلى نفسة معترف ان الاتوس دى سحبها غريب واحسن من النوبيرا بتاعتة ودايما يقولى النوبيرا دى عربية كلبة وتقيلة على موتورها ).....العربية كانت بتتنفض لما اشيل رجلى من على الدبرياج....الفتيس ناعم جدا وسلس زى فتيس الهيونداى عموما....
5-الثبات على الارض...زفت ...وانا ماشى بيها بسرعة كل ماخد ملف احس ان العربية هتتقلب بية زى ما اتقلبت بزميلى...
6-العفشة.... اذا كنا بنقول عفشة الهيونداى كلة وحش.. فالاتوس تعتبر اقل و اوحش عفشة على مستوى الهيونداى... بتشخلل وبتدبدب وبتهبت بصورة غير طبيعية.....زميلى مبهدلها بردة......
7-الفرامل كويسة لكن كانت بتحدف العربية يمين وتقريبا اتقلبت بزميلى بسبب هذة الحدفة.......
8- اخيرا قطع الغيار ....سألت زميلى... قطع غيارها اغلى من الاكسنت والفرنا ومش موجودة غير فى التوكيل......
طبعا محبتش اختبر السرعة القصوى عشان الثبات اللى زى الزفت لكن جبت بيها 110 ....
تقييم العضو khalid mostafa
السياره اتوس برايم (خليجي )
انا معايا هيونداي اتوس (الشكل الجديد ) موديل 2005 وشاريها في شهر 3 2006 ودي مش غبوريه ولكن بيطلق عليها (Dodge Atos) وتحمل بدج المواصفات الخليجي وهي تقابل الـ GL بس مفيهاش ساعة ولا عداد rpm يعني كده بقالها معايا سنتين تقريباً وعامله 20000 كيلو
تقييمي للسياره انها رائعة بجميع المقاييس وعلي الرغم من انها مش في توكيل وملهاش ضمان إلا اني محتجتش اني اغير فيها حاجه تقريباً لحد دلوقتي
اشترتها بـ 53500 وركبتلها كاسيت و سنتر و إنذار .
السيارة معقولة جداً من حيث العفشه و الفرامل كما انها تتميز بالثبات في السرعات بعكس ما كنت اتوقع و بالرغم من إرتفاعها و صغر عرض الكاوتش و بالمناسبة ملاك الأتوس القديم كانوا بيحبوها جداً بالرغم من شكلها القديم القبيح
الموتور زي الفل و بيشد جامد جداً وعديت الـ السرعة لقرب الـ 150 بس خفت اكتر عن كده عشان الرادارات و الحاجات دي وده كان علي طريق العين السخنه ولكن فيه واحد علي اليوتيوب وصل لـ 180 ومصورها
المساحة الداخلية كويسه جداً مقارنة بشريحتها بل وبالسيارات السيدان الأخري وذلك شهادة اصحابها . الكنبة الخلفية مريحة جداً بشكل خاص وتعطي إحساس رائع بسبب إرتفاعها
بالنسبه للتابلوه مفيهوش رفاهية جامده ولكنه عملي جداً بالنسبة لمثيلتها من السيارات الأوروبية والكورية مثل البيكانتو ومع ذلك فالأتوس الغبورية نزلت بعدادات مختلفة شويه حيث تشمل عداد الـ RPM وده حسن شكل العدادات شويه
الشنطه مساحتها معقولة جداً بالنسبة لشرحتها كما ان طي المقاعد يعطي مساحة كبيرة جداً خصوصاً ان سقفها مرتفع
التكييف يعتبر مذهل حيث انه لا يؤثر علي اداء السيارة إطلاقاً سواء في السرعات العالية او المنخفضة .إستهلاك البنزين رائع وبأهتبر مواتير 1100 عملية جداً في مصر حيث ان اقل من ذلك يؤثر علي اداء السيارة و اكثر من ذلك لا يتم الإستفادة منه في مصر بالتحديد
قطع غيارها اغلبها متوفر بسبب الموديلات القديمة منها ولو اني لم احتاج لتغيير اي حاجه لحد دلوقتي
عيوبها :
فلتر الزيت في مكان يصعب الوصول له مما يجعل اغلب المحطات ترفض تغييره ولكن يمكن التلب علي ذلك لو واحد صنايعي شاطر
الكاوتش الرفيع بيخلي منظرها وحش (إن شاء الله حغيره بعريض و جنوط بس ادوبه شويه)
تعليق اخر للعضو mohamed yousry عن الاتوس و انواعها
علي كل حال ...الأتوس نزل منها 3 اشكال :
الأول من 98 إلي 99 ودي كانت 1000 سي سي شكلها كده :
http://www.betistravel.com/images/main/atos.jpghttp://www.intercarrental.com/cars/smHyundai%20Atos.jpg
من 2000 إلي 2002 كانت 1000 سي سي برضه وطان شكلها كده :
http://www.motoexpress.gr/images/prime_small.jpghttp://www.speed-wheel.com/images/cars/ab.jpg
من 2005 إلي الأن بموتور 1100 سي سي وشكلها كده
http://bp2.blogger.com/_dTrStXzHS9M/...Prime_0014.jpghttp://www.kefalonia-rentacar.com/ca...lery_neu_2.jpg
وبصراحة الناس كانت بتشكر في كل موديلاتها القديمة و الجديدة و يعيبها الشكل فقط وهو ما تداركته هيونداي في الموديل الحالي
اما عن قطع الغيار فلقد لاحظت شئ في عموم سوق قطع الغيار في مصر...لو رحت قلت للراجل عايز رولمان بلي بتاع هيونداي اتوس حيرد عليك بالأتي (كان موجود وخلص او معنديش)
ولكن لو رحت وقلتله عيز رولمان بلي مقاس كذا او جبتله القديم حتلاقيه جابهولك من علي الرف فوراً وينطبق ذلك علي كل شئ كالفرامل و المساعدين ...الخ
وعلي فكره المشكله دي مش مع الأتوس فقط و لكن حتلاقيها في موديلات كتيره (واجهتها مع الماتيز كمان)
ودي مشكلة جهل البائع لأن حاجه زي الرولمان بلي مثلاً مفيش حاجه اسمها رولمان بلي بتاع سيارة كذا (لأنك مش حتلاقيه رولمان بلي مكتوب عليه هيونداي مثلاً) ولكن بيبقي بالأرقام و كل رقمم ممكن ينفع علي كذا عربيه و المهم المقاس ...بل اني شفت رولمان بلي بتاع عربيات بيستخدم ايضاً في بعض الماكينات
الخلاصه ان العربيه حلوه جداً و انصحك بدفع المبلغ في مقدم و الباقي بالتقسيط او شراء الموديل الأوسط (2002) وهو شكله مقبول نوعاً ما واداؤه جيد جداً وفيه إختيار تاني وهو الماتيز وهي عربيه زي الفل بس ماتورها صغير نسبياً (800) و شنطتها صغيره مووووووت[/
سعر موديلات الاتوس
56 هاف اوبشن
61.5 فول اوبشن (مانيوال)
69.5 فول اوبشن (اوتوماتيك)
انا داخل بس احييك يا storm على موضوعك وانا متابعك ومتابع مجهودك
ربنا يبارك فيك ..ويزيد من امثالك ..ويوضعة فى ميزان حسناتك إن شاء الله .
سيات لوفر تحيتك دي وسام شرف ليا من عضو ماشاء الله موضوعاته مميزه جدا جدا جدا جدا
100 100 بس التعليق كان ليا مش لـ mohamed yousry
هنا مقارنه شامله يا جماعة بين الـ atos و الـ I10
http://www.carwale.com/research/comp...88&car3=&car4=
موضوع فيه صور لل i 10 للعضو shekoelprince
http://www.nilemotors.net/Nile/showthread.php?t=21129
عندى سؤال : انا من مالكى اتوس برايم 2008 الجداد ، اشترتها زيرو بالتقسيط ، لاحظت انها استهلكت بنزين اكثر من اللى انا متوقعة اى بمعدل 9 لتر / 100 كم و انا اعرف انها بتستهلك 6 لتر / 100 كم .. هل هذا طبيعى علما بانى جديد فى السواقة .. فهل هذا السبب وللا ممكن نوع البنزين و مكانة يكون لة تأثير . علما بأنى بحط بنزين 92 من محطة بنزين وطنية ... اسف للاطالة و ارجو الافادة من مالكى السيارة .. و شكرا .
بص حكاية الـ 6 لتر/100 كيلو دي طبعاً من الكاتالوج وبتبقي الـ Optimum او المثالية وعشان تجبها لازم تكون بتسوق في نفس ظروف الي اتاخد بيها المعدل ده وده طبعاً عمره محيحصل (إتجاه الريح - نوع الأسفلت - نوع الكاوتش - نوع الوقود - طريقة القياده....الخ) ولكن ممكن تكون 7 او 8 لتر لكل 100 كيلو وغالباً الفرق ده نتيجة طريقة سواقتك بما انك لسه جديد في السواقه فمتقلقش انما لو لاقيتها 11 او 12 يبقي فيه حاجه غلط بالتأكيد
كمان انت بتقيس إستهلاك الوقود إزاي ؟؟؟ ممكن تكون بتقيسه غلط
انا حسبتها كالاتى : انا كنت مفوول و مشيت 250 كم عرفتها من العداد ثم و انا بفوول مرة ثانية فى البنزينة حط 22.5 لتر .. و من هنا انا حسبت عملت كام لتر فى 100 كم
تمام كده ..بس لازم تفول من نفس المحطه و نفس الطلمبه و البنزين يوصل لنفس المستوي في التانك وكمان العامل ميوقعش حاجه (يعني لو وقع حبه كده او العشره سنتي في رقبة التانك ممكن تعمل معاك من ربع إالي نصف لتر فرق) والأحسن انك تأخد كذا قراءة عشان تتأكد من ثبات المعدل
الف شكر يا باشا ..
لو سمحتم يا جماعة هل الاتوس 2008 تكييف + باور 56000 ج هل هى مجهزة بضفيرة للكاسيت .. ؟ اصل انا افتكرت كدة عشان لقيت السماعات الامامية متركبة يعنى انا ركبت الكاسيت بس مش فى غبور فهل هذا ؤثر على الضمان و بصراحة انا لم احضر تركيبة .. و اسف للازعاج
هوا تركيب الكاسيت بيأثر فعلا في الضمان و حسب ما اعرف انه بيلغي ضمان الكهربا بيتاعت العربيه
كنت عاوز اعرف هل يوجد 2 عداد للكيلومترات اللى العربية مشيتهم فى الاتوس برايم 2008 و ما هو الزرار اللى جمب العداد ( انا شايف عندى قراءة واحدة ، ماعرفش هل العداد الثانى مش عندى و للا اية ؟ .. و اسف للازعاج يا جماعة
فيها عداد للكيلومترات الي العربيه مشيتهم وده لا يمكن تصفيره وفيه عداد تاني بحسب برضه المسافه الي العربيه مشيتها بس ده يمكن تصفيره (ودي وظيفة الزرار الي جمب العداد) ويستخدم في حساب مسافة معينه
معلش يا باشا انا شايف عندى قراءة واحدة فقط اسفل مؤشر السرعة ، فين بقى العداد الثانى ؟
بص يا باشا....فيه موديلين من الأتوس في مصر:
Atos by Dodge وده موديل 2006 و يمكن كمان فيه منه 2007 وهو خليجي (مش غبوري) والعداد بتاعه زي ده :
http://img172.imageshack.us/img172/9...iatos08rn5.jpg
وواضح فيه طبعاً الي بقول عليه والعداد الي تحت هو الي ممكن يتصفر
Atos Prime الموديل التاني اللي موجود في مصر (الغبوري) واللي اعتقد موديل 2007 و 2008 (وً ده اللي عندك) وبه عداد RPM وصورته زي دي طبعاً :
http://www.hyundai.co.uk/a/files/images/129.jpg
بس ده فيه عداد واحد بيظهر قراءتين عن طريق الزرار و بيتصفر عن طريق الزرار برضه
الف شكر يا باشا .. هابقى ابص علية ثانى
لو سمحتم يا جماعة عاوز اعرف عناوين و تليفونات جميع مراكز الصيانة اللى اعمل فيها 1000 كم للسيارة اتوس برايم .. و هل لازم احجز قبلها و احجز ازاى و هل هناك اجراءات او اوراق معينة مطلوبة .. و كم تتكلف صيانة الالف للاتوس ؟ و شكرا
الاوراق رخصه العربيه كتيب الضمان علي ما اظن
اما تكلفه الالف الاولي هي تكلفه الزيت بس حوالي 120 جنيه لو حطيت شل العادي و 270 لو حطيت شل اكسترا
و ماذا عن مراكز الصيانة ؟ .. اسف للازعاج .. و شكرا على الرد السابق
ولا ازعاج ولا حاجه
لكني مردتش علي السؤال ده لاني نعرفش غير مركزين قليوب و ابورواش
و فيه مركز معتمد اظن اسمه الكويت و البلاد العربيه وده في الدقي
معلش يا نيل ستورم هو أيه رأى حضرتك فى الجيتز
و لو سمحت هيا بتنطلق من صفر لمائة كيلو فى كام ثانيه
أخر حاجه هى سرعتها القصوى كام
و ليه معلش انت تأمر
الجيتز عربيه شبابيه روعه
موتور جامد جسم قوي تقفيل كوري شيك جدا
بصراحه من احسن الاختيارات في فئتها
يعيبها بس الشنطه ضيقه شويه
اما من صفر الي ميه فحسب ريفيو National Roads and Motorists’ ليها فهو 12.6
سرعتها القصوي غالبا 200 و الله اعلم
لو عاوز الريفيو ممكن ارفعهولك و ابعتهولك
ألف شكر يا باشا
أنا متشكر مره تانيه بس معلش هو له اللينكhttp://www.drivearabia.com/hyundai/#getz ده كاتب كده
أنا متشكر لحضرتك "مره تالته و لدورك فى المنتدى"
الله يكرمك
بص عامه ملف البي دي اف انا رفعتهولك اهه
هوا كان موجود هنا في المنتدي و غالبا نادر هو اللي كان جايبه
المهم اقراه و قولي ايه رايك
http://rapidshare.com/files/111473200/hyundai_getz__road_test_nader_www_1_.nilemotors.ne t.pdf.html
ازيكم يا شباب ، يا ترى لو عاوز اركب جهاز انذار للاتوس فى التوكيل فى قليوب فى صيانة 1000 كم يتكلف كام بتركيبة ، و هل ينفع اشترى من برة و اركبة فى التوكيل عشان الضمان و لو من برة بكام ؟ و شكرا
الافضل تشتريه من بره و تركبع عشان تخختار النوع اللي اانت عاوزه و اوفر طبعا
طيب فى انواع اية كويسة و اسعارها تقريبا كام ، و لو تعرف التركيب يتكلف كام فى التوكيل يبقى الف شكر و هل يأخذ وقت فى التركيب ؟
هتلاقي موضوعات بالهبل عن الانذار في منتدي كماليات السيارات
يا شباب : كنت سمعت عن طلاء دواسات الفرامل و الدبرياج و البنزين بطبقة من النيكل لحمايتها من التأكل مع استمرار الضغط بالحذاء فهل هذا صحيح و اعملة فين و يتكلف كام و هل هذا يؤثر على الضمان ؟ مع الشكر و تمنياتنا بالشفاء لوالد نايل ستورم
انا ناوى اغيرالزيت فى صيانة ال 1000 كم ، يا ترى اية احسن نوع احطة علما بانى عاوزة كل 10000 كم ؟؟ ارجو الاهتمام يا شباب .
شكرا يا اخي علي شعوك الطيب
و عامه في هيونداي بيستخدموا شل دايما
و انت عاوز زيت كل 10000 خلاص هيبقي شل سوبر هيلكس