الموضوع: فرش للشارك من عند جينز كار

[QUOTE=basemsaeed;3873398614]الف الف الف مبروك على الفرش
و عقبال الكروز ان شاء الله

معلش عاوز اسألك و اسأل الاعضاء كام سؤال كده
هي العربية دي خزان الوقود بتاعها قد ايه؟؟و هل الشارك الباور بتاعها كهرباء ولا هيدروليك عادي؟؟؟؟
و هل العربية دي ثابتة فعلا على السرعات العالية؟؟؟و هل مريحة في القاعدة بتاعتها و الكراسي و كده مريحة ولا ولا؟؟
و هل بتحتاج صيانات كتير ولا حاجة؟؟؟و تكلفتها اخبارها ايه؟؟؟؟؟
معلش يا جماعة اسألتي كتير,,اصلي بفكر اشتريها ان شاء الله من الرواس موديل 2009,,,لاني بش عارف حتى التوكيل الجديد حينزل امتى بالسيارات بتاعته ولا حيبدأ امتى و بش عراف برده لو نزل الشارك حينزلها بكام و كده
و عاوز اطمن منكو ان شاء الله

خزان البنزين في الشارك 55 لتر تفويلتها من الصفر للفول تانك 99 جنيه بنزين 92 والعربية اقتصادية جدا تحت 3 ار بي ام لكن هتقرص و تعدي 3 ار بي ام و تبدأ تحرق هتاكل بس بعقل بردو

بالنسبة للباور بتاعها كهربا وناعم جدا جدا في الركن وبيتقل كل ما السرعة تزيد

بالنسبة للصيانات مبتحتجش صيانات ولا حاجة ويكفي ان انا مغيرتش فلتر الزيت الفابريكة بتاعها الا بعد 30000 كيلو ولو عربيتك وكيل هتبقى اسعار صيانتها في التوكيل عادية

بالنسبة للثبات العربية دي بالذات ثابتة ثبات خرافي على اي سرعة انا عن نفسي واصل بيها 220 وكنت مسيطر عادي

بالنسبة للقعدة فيها مريحة جدا ومن اوسع العربيات في فئتها ووضع السواقة بتاعتها مريح وممتع جدا وكفاية انها معايا من 3 سنين و عمري ما حسيت بالملل من سواقتها بالعكس انت كل ما تركبها بتحس بالمتعة وصالونها بسيط لاكن بتحس فيه بفخامة وشياكة غير طبيعية


لو حضرتك بتفكر فيها توكل على الله واشتريها وعمرك ما هتندم لان صدقني ما في حد هيحس بقيمة العربية دي الا اللي جربها لانها فعلا عربية قيمة وممتازة

المشاركة الأصلية كتبت بواسطة basemsaeed;3873403127


متشكر جداا على الرد الجميل
و الحقيقة انا شوفت موضوعات لحضرتك و شوفت برده ردود لحضرتك كتيير و معجب فعلا بيها
و فعلا بحس ان حضرتك فاهم العربية كلها ما شاء الله
انا عارف طبعا ان العربية اللي مع حضرتك خليجي كويتي
و معلش حسألك كده كام سؤال
هل حضرتك تعرف نوع عفشة الشارك ايه؟؟يعني [b

torsion beam ولا multilink زي المازدا؟؟؟؟؟[/b]
و هل تفرق المصري عن الخليجي في الحاجات الفنية زي مثلا دي يكون فيها ميزان و دي لا؟؟
عفشة المصري غير الخليجي؟؟الحاجت الفنية اللي اقصدها
و تكييف العربية عامل معاك ايه؟؟هل بيأثر على السحب جامد؟؟؟
و بالنسبة للشراء ان شاء الله,انت رأيك ايه استنى لحد ما الوكيل الجديد ينزل(مع ان محدش عارف او متأكد هو حينزل امتى و العربيات حينزلها بسعر كام و كده) ولا اشتري من الرواس علطول؟؟؟

و تقبل مروري

مفيش اي مشكلة يا باشا وانا تحت امرك في اي حاجة في العربية

عفشة الشارك ملتي لينك والعفشة اللي في اللانسر شارك نفس العفشة وقاعدة العجلات الموجودة في موديل الميتسوبيشي الاوت لاندر وللاسف اللانسر الشارك 1500 سي سي كله سواء مصري او خليجي مفيهاش ميزان العفشة الخلفية لاكن مكانه موجود في العفشة ويركب بمنتهى السهولة وانا عن نفسي هجيبلها ميزان من ليبيا لما الامور هناك تتحسن انشاء الله والعفشة بتاعت المصري والخليجي واحد مفيش اي تغيير

لكن الفروق اللي بين المصري والكويتي في الكماليات والموتور في الخليجي بيبقى اعلى في الهورس باور شوية وكمان تكييف الخليجي بيبقى اقوي و دهان العربيات الخليجي بيبقى احسن من المصري علشان يتحمل درجة الحرارة العالية في الخليج

انا تكييف العربية عندي ثلاجتين بجد غبي من قوته و تأثيره على السحب مش ملحوظ تقريبا

بالنسبة للشراء انا من رأيي تستنى الوكيل الجديد الخرافي علشان العربيات اللي هينزلها هي نفس العربيات اللي نازلة الكويت وهتكون احسن مليون مرة من العربيات الموجودة عند الرواس دلوقتي غير كدة انك هتشتريها من الخرافي 2011 مش 2009 واحتمال كبير جدا تنزل بمرايات ضم و جي بي اس و دي في دي و كاميرا للرجوع للخلف فرأيي تستنى لغاية لما تشوف الوكيل الجديد