الموضوع: رابطة ملاك الكيا برايد - كلاكيت تانى مرة!

حد يعرف يا شباب طاسات البرايد بتتباع فين وتعمل كام ؟

النهاردة كنت رايح علشان اغير زيت الموتور وكالعادة قبل ما بتحرك ببص على العربية كلها واطمن على كل حاجة ، الاقيلكم خير اللهم اجعله خير حد ربنا ينتقم منه بمفتاح عاملى فن سريالى على كبوت العربية قلت الحمد لله انها جت على قد كده بس طلع انه مش كده وبس ببصلك على يمين العربية الاقيلك الباب اليمين القدمانى مخبوط خبطة محترمة من واحد حيوان وطلع جرى اسأل الناس اللى فى المنطقة محدش شاف حاجة اسأل السايس برضو ماشفش حاجة قلت حسبى الله ونعم الوكيل فى اللى عمل كده وطلع جرى وإن شاء الله تتردلوا فى عربيته ، المهم قلت اطمن على الباب لقيته بيفتح ويقفل عادى والزجاج بيطلع وينزل برضو عادى قلت خلاص بقى ولا سمكرة ولا يحزنون سيبها على كده لما ربنا يكرم اروح اردها على البارد.

وبعد الاصطباحة الحلوة دى روحت غيرت لزيت شل 5000 ب 116 جنيه طبعا الزيت كان نازل هباب اسود لانى المفروض كنت اغير الزيت بدرى عن كده شوية والحمد لله الموتور بقى انعم وصوته اهدى .

والحمد لله على كل شىء

تم قياس استهلاك البنزين والحمد لله العربية بقت بتعمل 6.5 لتر فى ال 100 كيلو على طريق طوالى وبمتوسط سرعة من 80 إلى 90 والعربية مش محملة حد

السلام عليكم و رحمه الله و بركاته

صباح الخير و مساء الخير عليكو كلكو انا مش بدخل عشان انا بره مصر حاليا بس بقيت الرابطه نامت مش عارف ليه .. لو نامت نروح ننفخها تاني و نحط فيها نيتروجين
ولا الكل بيجهز لرمضان اعاده الله علينا و عليكم بالخير و اليمن و البركات
انا كنت معدي اسلم و اهني الكل برمضان الكريم و لقيت الرابطه نامت مش عارف ليه جابت ارض مره واحده كدا
علي العموم كل سنه و انتم طيبين
سلامو عليكو


النجدي

المشاركة الأصلية كتبت بواسطة may_moon911

السلام عليكم و رحمه الله و بركاته

صباح الخير و مساء الخير عليكم كلكو انا مش بدخل عشان انا بره مصر حاليا بس بقيت الرابطه نامت مش عارف ليه .. لو نامت نروح ننفخها تاني و نحط فيها نيتروجين
ولا الكل بيجهز لرمضان اعاده الله علينا و عليكم بالخير و اليمن و البركات
انا كنت معدي اسلم و اهني الكل برمضان الكريم و لقيت الرابطه نامت مش عارف ليه جابت ارض مره واحده كدا
علي العموم كل سنه و انتم طيبين
سلامو عليكم


النجدي

وعليكم السلام ورحمة الله وبركاته

والله يا أيمن يا خويا مش عارف ايه اللى حصل للرابطة بتاعتنا دى خدت عين محترمة خلت الرابطة مش نامت دى ماتت اكلينكيا .

ايدك فى ايدى نقوم الرابطة دى تانى ونشوف الناس بتوعنا اختفوا فين

كل سنة وانت طيب يا جميل وترجع مصر بالسلامة إن شاء الله

و انا مع خضرتك نشعلل الرابطه دي تاني زي الاول و احسن ان شاء الله و لو حد يعرف الناس بتوع الرابطه فين يطمنا عليهم و انا معاكو لحد ما ارجع ان شاء الله

المشاركة الأصلية كتبت بواسطة may_moon911

و انا مع خضرتك نشعلل الرابطه دي تاني زي الاول و احسن ان شاء الله و لو حد يعرف الناس بتوع الرابطه فين يطمنا عليهم و انا معاكو لحد ما ارجع ان شاء الله

انا للاسف معييش ارقام أى حد من الشباب ومش عارف ايه الاختفاء المفاجئ ده للناس كلها .

انت حاترجع امتى يا عمنا وعملت ايه فى مشوار العفشة ؟