الموضوع: رابطة ملاك الكيا برايد - كلاكيت تانى مرة!

يا رجاله انا المفروض لغير زيت خلصت 300 كيلو انصحونى موبيل ال 3000 ولا شيل اه رايكم وجواب نهائى ؟

المشاركة الأصلية كتبت بواسطة msunix

السلام عليكم
انا لسه عضو جديد فى المنتدى وبردو فى العربيات وقعدت ادور على عربية نضيفة وواسعة واقتصادية وكمان انا كنت عامل حادثة واصبت فى رجلى الشمال انكسرت فلاقيت كيا سيدان 2001 اتوماتيك وكشفت عليها بس بصراحة انا مستريحلها قوى مش عارف ليه.
المهم بعد الكشف لقيت فيها برومة فى العتب بس لما سألت السمكرى قالى ممكن تتعالج ببساطة باستبدال العتب بواحد تانى يخرطه علشان مبيوظش الفبريكة بتاعة القوائم.
لى كام سؤال كده كمبتدأ:
- انا مشيت بالعربية وفرامل اليد مرفوعة ياترى يحصل حاجة فى العربية؟
- الكوتشات حاسس انها مهوية شوية ... اروح البنزينة ولا برة أحسن؟
- الاشارات الجانبية كنت مدى اشارة يسار وفجأة لقيت الاشارة فصلت لوحدها وبعدين رجعت نورت لوحدها ولما اضعها فى المنتصف تدى اشارة يمين وشمال وترجع تقف خايف لاحسن يكون فيه حاجة فى الكهرباء .... اروح لكهربائى ولا ايه؟

فى انتظار رد الخبرة السابقة

مبروك عليك العربية ربنا يديك خيرها ويكفيك شرها

بالنسبة لاسألتك فاخونا الصواف جاوبك باحسن اجوبة وحاول على قد ماتقدر تخلى ايدك فى العربية وما تبخلش عليها وطول ما أنت بتصونها حاتصونك

المشاركة الأصلية كتبت بواسطة a.elsawaf

والله يا مناور المشكلة فى رمضان الوقت بيبقى ضيق جدا :_alshmokh11: الواحد بيبقى عنده حاجات كتير عاوز يعملها ومش لاحق :( وانا دايما مبعرفش اظبط مواعيد نومى فى رمضان فبتلاقينى ماشى طول الشهر تايه انا اليومين دول ببقى ماشى مركز فى العربيات والناس بس ... الطريق بالنسبة لى عادى ... مطبات بقى حفر .. بلبسها كلها ... حاسس ان انا على رمضان ما يخلص هلاقى العفشة كلها راحت وربنا يستر :m_yes[1]:

كلنا هذا الرجل يا صواف وعادى اهو الواحد بيحاول يصحصح الرابطة علشان الناس ماتنساش

وموضوع المطبات والحفر ده زى عندى بالظبط انا ببلبس كل حفرة والتانية وبحس كان العربية بعدها بتشتمنى بس اعمل ايه الطريق بيبقى زحمة والحفر بتطلع مرة واحدة ولو حاولت افاديها ممكن تحصل مصيبة

ربنا يتوب علينا من الطرق المزفتة دى

المشاركة الأصلية كتبت بواسطة a.elsawaf

علشان المشاركة مع النس وتبادل الاستفادة ...

يوم الاتنين اللى فات كنت دخلت البنزينة فولت ... خرجت من البنزينة وماشى عادى لقيت واحد عمال يزمرلى ... ببصله لقيته بيقولى العربية بتنقط بنزين
ركنت على جنب علشان اشوف .. لقيت مفيش حاجة ... قلت يمكن التانك مش مقفول كويس فبينزل بنزين مع رجة العربية .. لقيته تمام..
روحت ماشى تانى ... وكنت مروح ساعتها ... فبركن لقيت حد تانى ماشى بيقولى العربية بتنزل بنزين نزلت ابص لقيتها فعلا بتنقط من تحت التانك كده ... انا قلت التانك اتخرم!!
ركنتها مايلة شوية بطلت تنقط فقلت ده خرم صغير فى التانك من فوق بقى.. قلت امشى بيها لحد ما التانك يقرب يفضى علشان لما اجى الحم التانك ميبقاش فيه بنزين كتير نقعد نفضيه ونملاه تانى
وديتها للميكانيكى يوم الجمعة قعد يبص عليها ... فقالى خرطوم الفايظ مقطوع وطلع هو سبب المشكلة اتغير وبقى تمام :)
انا دايما برغى كتير لما باجى اوصف حاجة بس علشان اوصفها وصف دقيق d:

وكان عندى مشكلة تانية كده ان العربية مع الفرامل بعد ال 80 كده بتترج جامد .. فلما قلتله على المشكلة قالى طنابير ... قالى هاتلك طقم تيل وطنابير احسن
فإن شاء الله هعدى على الجندى كده بكره بعد الشغل اجيب طنابير والتيل معايا بقاله ييجى شهر ونص كده ومش فاضى اركبه :)

موضوع شراء الطنابير بالتيل ده أنا مشيت فيه ايام لما فراملى كانت بتتوفى وبصراحة لقيت ان الافضل انى اجيب طقم الفرامل كله استيراد عن انى اجيب الطنابير منها لأن الطنابير مش متوفرة ولو متوفرة تلاقيها باسعار مبالغ فيها وكمان خامتها مش ولابد والعكس تلاقيه فى الاستيراد...... انت لو دورت فى الموضوع حتلاقى تجربتى واسم المحل اللى فى الحرفيين شوف وقولى وأنا الحمد لله دلوقتى العربية لما بدوس فرامل بتكلبش فى الارض زى الفل وبتسعفنى عن الأول كتير

المشاركة الأصلية كتبت بواسطة johnghaly

يا رجاله انا المفروض لغير زيت خلصت 300 كيلو انصحونى موبيل ال 3000 ولا شيل اه رايكم وجواب نهائى ؟

شيل وإن شاء الله تحس بفرق

بالمناسبة أنت الموتوسيكلات واخداك مننا على الاخر خليك فاكر بس

انا عندي كيا برايد العصفورة موديل 97 وعاملة 62000 كيلو هي كويسة جداً لكن انا بصراحة عايز عربية بتكيف وتكون اوسع ياريت يا جماعة حد يقولي الواحد ممكن يجيب اية ويزود كام عليها .

المشاركة الأصلية كتبت بواسطة khaled_re

انا عندي كيا برايد العصفورة موديل 97 وعاملة 62000 كيلو هي كويسة جداً لكن انا بصراحة عايز عربية بتكيف وتكون اوسع ياريت يا جماعة حد يقولي الواحد ممكن يجيب اية ويزود كام عليها .

أهلا بحضرتك

عربيتك لو بالحالة اللى بتقول عليها تعملها حوالى 27000 لو عايز حاجة فيها تكييف ممكن تجيب البرايد السيدان ادائها كويس ومرضى وانت تقريبا عارفها ومجربها وأنا ارشحهالك بشدة لانها من افضل وارخص واحسن والفرق بينها وبين غيرها فى الوسع مش الجامد

عايز تغير لايه بعد ما تبيع دى متوقفة على امكانيات حضرتك يعنى انت تقولنا انت تقدر تزود على المبلغ قد ايه نقولك ايه اللى ممكن تجيبه

المشاركة الأصلية كتبت بواسطة ahmadm

انا مركب الطنابير اللى ورا الاصلى فى التوكيل :)

يعنى هو لازم ننكش الناس علشان يقولوا على اللى بيعملوه فى عربياتهم اديلنا التفاصيل يا أبو حميد ، جيبتها بكام والمصنعية بكام وادائها ايه وكده