الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة monmonty

معلش يا رجالة الأول مساء الخير عليكما وشكراً للمجهود الجبار اللي إنتوا عاملينوا
بس أنا عندي سؤال
أنا لسه شاري كيا ريو 2001 مستعملة بس إظاهر إنها خدت عين محترمة المهم إن الإكصدام الأمامي باظ خالص وكنت عاوز واحد تاني فسألت عليه فى التوكيل قاللولي ب 700 جنيه فهل ممكن أجيبة بسعر أقل من كدة ولو حتي إستيراد
وللمعلومات أنا سألت في الحرفيين ملقتش غير الجديد وبرضو ب 700 جنيه.
أرجو الإفادة سريعاً لأني من يوم مإشتريت العربية مركبتهاش غير مرة واحدة بس.
وشكراً

جرب تطلع على الوكالة

المشاركة الأصلية كتبت بواسطة roma33540

السلام عليكم ورحمة الله وبركاته
احب اعرفكم بنفسى الاول
اسمى كريم ومن الاسكندرية ومعايا العربية موديل 99 السيدان وكاملة اوتوماتيك
بس عندى مشكلتين جامديين ياريت حد من السادة الافاضل يفيدنى فيهم
الاولى العربية بتاكل بنزين بشكل جامد
والتانية التكييف ضعييف شوية
لكن عدا >لك العربية زى الفل

هو الاوتوماتيك المفروض بيستهلك بنزين اكتر من المانيوال بس ياريت تقولنا بتعمل كام لتر فى ال 100 كيلو علشان نقولك ده زيادة ولا طبيعى.

بالنسبة للتكيف فشوف حد متخصص ممكن يكون محتاج يتشحن مثلا وما تنساش تبقى تطمنا أول باول

المشاركة الأصلية كتبت بواسطة johnghaly

اليوم 28/5/2011 تم تغير بلية العجله الاماميه يمين بسبب الصوت العالى اللى كانت بتصدره كانت مصدعانى والحمد لله تمام انا قلت احكيلكو واشار ككم
امامى هتلقم بليتين واحده بره وواحده جوه 60 جنيه البليتين +20 اولسيهان وعلبه شحم المهم الحمد لله غيرتهم والعربيه بيت تمام
البليه لا يوجد ليه خطر على العربيه سواى الصت اللى بتلعه زى نعره او وانه جاااامده والحمد لله خفيت وبقيت تمام

مبروك يا جون تدوبهم فى كاوتش العافية

مشكلتين جداد طلعولى فى البخت الأولى فى الجنط اليمين اللى ورا اتعوج من عند الشفة وشوية من جوا بسبب نقرة ملهاش ملامح لبستها قبل ما الحق افاديها وأهل الخير قالولى مش حاينفع تستعدل بالمطرقة عليك وعلى الناس بتوع الجنوط فى الملك الصالح عندهم مكنة بتستعدل الجنوط

المشكلة التانية العربية لما اجى اخد منحنى فيه عيون قطط الاقى العربية جنحت من ورا وزحفت ولما بصيت على العربية من ورا لاحظت ان العجلة اليمين معووجة بسيط لجوا فانا شكلى محتاج حد بتاع عفشة يبصلى عليها

انا ان شاء الله لما ربنا يفكها عليا شوية هابقي اجيب جوز كاوشت عشان بيبتدي يدوب بس مش عارف اجيب ايه انا علي طول بجيب بريدج ستون و حاطط فيه نتروجين

أنا برضو عايزلى فردتين وكنت ناوى على هانكوك بس علشان السلك ضاربنى دورت على مستعمل بس لغاية دلوقتى مش لاقى حاجة كويسة .

المشاركة الأصلية كتبت بواسطة المناور

مشكلتين جداد طلعولى فى البخت الأولى فى الجنط اليمين اللى ورا اتعوج من عند الشفة وشوية من جوا بسبب نقرة ملهاش ملامح لبستها قبل ما الحق افاديها وأهل الخير قالولى مش حاينفع تستعدل بالمطرقة عليك وعلى الناس بتوع الجنوط فى الملك الصالح عندهم مكنة بتستعدل الجنوط

المشكلة التانية العربية لما اجى اخد منحنى فيه عيون قطط الاقى العربية جنحت من ورا وزحفت ولما بصيت على العربية من ورا لاحظت ان العجلة اليمين معووجة بسيط لجوا فانا شكلى محتاج حد بتاع عفشة يبصلى عليها



أنا برضو عايزلى فردتين وكنت ناوى على هانكوك بس علشان السلك ضاربنى دورت على مستعمل بس لغاية دلوقتى مش لاقى حاجة كويسة .

حصلت مع اخويا في أفيو 2008 و في التوكيل عملوها معلش عادي في ساعات حاجات بتحصل بتضايق بس عادي دا قدرك

انا كان عندي المشكله دي و عرفت كدا لما رحت اعمل زوايا بس كانت عندي في العجله اليمين قدام و قالي عايزة تخش نص سم من فوق و روح لسمكري بس انا خدتها للميكانيكي و قولتلوا اللي حصل دا قالي سيبهالي نصايه و تعالا لقيتوا عملها بس مش عارف عمل فيها ايه انا لما رحت تاني للزوايا كانت راحت
معلش ربنا مع سعادتك

لقيتلكم موضوع مفيد كان مستخبى عن البرايد

http://www.nilemotors.net/Nile/52217-2009.html

المشاركة الأصلية كتبت بواسطة المناور

لقيتلكم موضوع مفيد كان مستخبى عن البرايد

http://www.nilemotors.net/nile/52217-2009.html

ياه الموضوع دا انا قريتوا من زمان بس موضوع كويس جدا و شامل بس بتاع البرايد السايبا مش اللي معايا
الصراحه انا كنت بفكر ابيع اللي معايا من سنه كدا و اجيب السايبا بس تراجعت لما كوريا وقفت خط انتاج قطع الغيار لايران عشان هيا دوله كويسه ف مش عاجباهم

انا عن نفسى بفضل الكورى بل انى بفضل المصرى على الايرانى بس فيه ناس من اللى جابت العربية زى استاذ توفيق شكروا جدا فيها واعرف غيره كمان لسه بيشكروا فيها والعربية ماقلتش بأصلها معاهم