الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة may_moon911

انا عندي سوال لمالكي البرايد مش السايبا لا التانيه العاديه
في ناس قالولي ان التجميع المصري دي ايراني ما عدا الموتور يعني لو فكيت الكرسي هلاقيه صنع ايران الا الموتور و العفشه و بعض اجزاء في العربيه
فهل دا صحيح ان الكيا دي ايراني (ف بعض القطع) ولا كوري و متجمعه هنا عشان انا دورت ما عرفتش اوصل لحاجة

انا هقول معلومة ومش عارف إذا كانت صح ولا غلط بصراحة :)
هو انا مش عارف الكيا اتصنعت فى مصر امتى بالظبط .. بس اعتقد من 97 ل 2000 ولو كده فعلا هتبقى كورى متجمعة فى مصر ..
إنما لو دى غلط اعتقد وكانت اتصنعت فى مصر من بعد سنة 2000 مثلا هيبقى العكس إيرانى متجمعة هنا لان كيا وقفت تصنيع البرايد فى سنة 2000 وبدأت إيران تصنعها من 2001.

المصدر فى إن كيا وقفت تصنيعها فى 2000 و إيران بدأت فى 2001 ده WikiPedia

وزيادة تأكيد ده اللينك بتاعها على ويكى بيديا
Ford Festiva - Wikipedia, the free encyclopedia

المشاركة الأصلية كتبت بواسطة المناور

أبو حميد أنا شايف فى معلوماتك انك معاك السيدان glx هى دى اللى فيها سبويلر ؟ وهل فيه من السيدان كذا موديل يعنى gl و glx وكده ؟ وايه الفروق بينهم ؟

معلش على التأخر فى الرد الوالدة كانت مريضة و كدة و الحمد لله بقت تمام :)

المهم ايوة يا باشا ال glx هيىة اللى فيها سبويلر بس بصراحة معرفشي ال gl تنقص اية بس اعتقد اي اوتوماتك بتكون كاملة و الله اعلم

المشاركة الأصلية كتبت بواسطة roma33540

العربية بتعمل فى ال 100كم حوالى 14 لتر بنزين وعلى فكرة ان بحط بنزين 92 وطبعا كده الزيادة كتير وعلى فكرة انا ظبط الكربارتير والبوجيهات بتحرق كويس بس انا مش عارف المشكلة من ايه
وبالنسبة للتكييف انا مستغرب من انه ملوش مروحة منفصلة ويمكن ده يكون هو سبب ضعفه
والف شكر على الرد والاهتمام ومنتظر منكم الرد فى موضوع البنزين

السلام عليكم فية عربيات كيا برايد مش بيكون راكب لها مروحة تبريد على السربنتينة من الاساس معتمدين فى التبريد بتاعها على الهوا اللى داخل للعربية لما بتمشى و دة هايخلى التكيف عند ك شغال وحش و خصوصا لما تقف فى الزحمة هيطلعلك هوا سخن بس

1- لو مافيش مروحة على السربنتينة اشترى واحد و بتاه التكييف يركبها هية بتركب من جوة على السربنتية و راعى ان حجمها يكون مناسب هات على اد المقاس فية نوع يابانى اسمة سي بل موجود عند اولاد عللام فى القاهرة فى ش جسر السويس قريب من المستشفى العسكري .

2- اكشف على الكباس و مواسير الفريون عشان ممكن يكون الفريون بيتسرب من الكباس

3- اتاكد ان الثرموستات بيشتغل و بيفصل عشان هو لو شغال على طول او لو بيشتغل مدة كبيرة جدا و بعدين يفصل دة بيأسر على استهلاك البنزين جدا جدا جدا الثموستات دة موجود تحت طبلوة العربية عدل فى الشمال

فية منة نوعين اوتوماتيك و منوال الاصلى طبعا الاتوماتك .


4- خلى بالك من مروحة السربنتية لازم لما تشتغل تاخد الهوا السخن من السرنتينة و ترمية على الموتور مش العكس و الا فى الحالة دية مروحة الراديتير تسحب الهوا السخن من الرادياتير و مروحة السربنتينة تاخد الهوا السخن تسخنلك السربنتينة ولا اكننا عملنا حاجة طبعا :)

و الله اعلم

المشاركة الأصلية كتبت بواسطة may_moon911

انا بقول نسخن الموضوع دا شوية لذلك هاسال و مالكي البرايد يجاوبو
1- يتحط لعربيتك بنزين كام و سحبها عامل ايه علي حسب نوع البنزين دا

[overline]بحط بنزين 92 من ساعة ما اشتريتها سحبها مش مظبوط عشان مش عارف اظبط الاخ الاسبراتير كويس و دة بيأثر فى الشد [/overline]


2- بتستهلك كام ليتر بنزين لكل 100 كيلو
[overline]
10 لتر فى ال 100 كيلو بس الاستهلاك عالى و بحاول احل المشكلة ول جبت اخري هاجيب كربراتير جديد [/overline]

3- "انا مش بحب السؤال دا بس ماشي مش مهم" اقصي سرعه جبتها بالبرايد كام و علي طريق ايه و سحبها كان عامل ازاي و ثباتها كان عامل ازاي

[overline]أقصى سرعة جبتها انى قفلت العداد 180 يوم الاحد الماضي طريق العين السخنة كان راكب معاية 2 + شنطة [/overline]


4- ثبات و سحب العربيه كويس لحد السرعه كام و بتنقل علي ار بي ام كام

كل ما عدد الركاب بيزيد بيزيد الثبات جدا بس انا لما جبت 180 ما كانتشي بتغربل او بتتهز و كدة انا مواظب على الترصيص و الزوايا و التغيير الدوري للكاوتش





5- بتعمل صيانه دوريه للعربيه ولا زيت و بنزين و كاوتش و بطاريه بس و مطنش للسيور و الكاوتشات و الذي منو

بس مش اكتر من كدا اتفضلوا ردوا علي دول و هابقي احط حبه كمان لما نخلص دول

انا بعمل صيانة دورية فى التوكيل كل 10000 كيلو و فى النص بظبط اة حاجة ما تعحبنيش عند ميكانيكي اعرفة كويس زيت و سيور و بطارية وكاوتش بالجدول و المواعيد ودة سبب ان الموتور بتاع العربية بيقدر يفل العداد و هية عاملة دلوقتى 65 الف

نصيحة لاخوانى الاعزاء حفظهم الله مالكى السيارة كيا برايد ان لا يبخلو عليها بالصيانة حتى لا يصيبها الامراض و الاوجاع و اللى بالتالى بتتحول الى اوجاع لينا لما تنزل تدور و تلاقيها مش رادية و انت فى امس الحاجة ليها ارجوكم حافظو على مواعيد تغيير الزيت الجو بدا يحرر جامد جدا و دة هايخللى الزيت يحل اسرع ما حدش يسيب العربية تسخن منة امتة اخر مرة غسلت فيها الرادياتير ؟؟؟؟ و بتحط مية خضرا ولا حنفية ؟؟؟؟؟ الرادياتير النضيف يخلى العربية ما تسخنشي و اكيد بنشوف كتير واقفين على كوبري 6 اكتوبر حالهم واقف و موقفين حالنا صون العربية تصونك و ربنة يستر علينا جميعا يا جماعة فية حاجة اسمها انى ما اغيرشي السيور فى المواعيد !!!! دة لو سير اتقطع هاتبقى كارثة تخيل لو راكب مع المدام او الوالدة و على الدائري مثلا لا لا لا لازم نهتم بعربياتنا اكتر من كدة و الا احنا الخسرانين و بعدين يا رجالة العربية قطع غيارها رخيصة فا يا ريت ما نستخصرشي فيها حاجة :) و الله الموفق :)