صيانة الاف كم فى القطامية

**ehabpopo** · 12-04-2011 01:42 AM

المشاركة الأصلية كتبت بواسطة ziabassem

الـ mp3 مشغله على الكاسيت من خلال اسطوانات (لأنه على حد علمي أن الكاسيت أوديو فقط) .. ولا مشغله على فتحة aux .. وهل الصوت شغال كويس على aux لأنه بيبقى فيه أنواع كاسيت لما تشغله جودة الصوت بتقل عن لو مشغل الأسطوانات .

الصوت ياباسم يكاد يكون اكتر من الضعف بشوية .. من حيث نقاء الصوت وارتفاع الصوت كمان ... ده على ال aux
وكنت زعلان جدا بعد ماركبت السماعات ... لانى ما حستش بفرق ... ولاكن بالصدفة شغلت نفس الاغانى اللى عندى على الاسطوانات على ال auxلاقيت الفرق رهيب جدا ... لذلك قررت انى اشترى مشغل mp3 على وصلت ال aux...
على فكرة انا جايب سماعات بايونير اصلى 300 واط ...

**ehabpopo** · 12-04-2011 01:47 AM

المشاركة الأصلية كتبت بواسطة hossam165

الف شكر استاذ ايهاب وجاري البحث

الشكر لله .. انا تحت امرك .. وربنا يوفقك ... تركيبهم سهل ان شاء الله

**bassem.naguib** · 12-04-2011 09:44 AM

حاول لما تشتري الـ mp3 يكون نوعه نضيف وماركة معروفة وبمساحة معقولة لتحميل أكبر قدر من الملفات .. ويفضل يكون من النوع اللي بيتشحن لأنه بيكون أحسن من اللي بيشتغل بالبطاريات العادية .. علشان حيكون عملي أكتر وفي نفس الوقت تجيب ليه شاحن يشتغل على ولاعة العربية .

**lonedoctor** · 14-04-2011 06:35 PM

انا برضه ركبت سماعات بيونير 300 وات تمنهم كان 350 جنيه والكهربائى شال الجزء الخلفى والكنبة كمان لما وقع قلبى والفيشة بتاعة كل سماعة موجودة جنب الفتحة بتاعتها
بصراحة الصوت اصبح احلى بكتير عن الاول
بس عايز اعرف هو فى فرق لما تشغل mp3 على الاف ام ولما تشغله على aux?

**bassem.naguib** · 14-04-2011 11:15 PM

المشاركة الأصلية كتبت بواسطة lonedoctor

بس عايز اعرف هو فى فرق لما تشغل mp3 على الاف ام ولما تشغله على aux?

أكيد في فرق في جودة ونقاء الصوت .. لأنك لما تشغل أغاني mp3 على موجة fm من خلال الأف أم ترانسميتر الصوت بيكون طالع من خلال موجة الراديو اللي ساعات بيبقى فيها تشويش أو خروشة بسيطة في الصوت بطبيعتها (أو على حسب جودة الترانسميتر) وممكن الموجة تقطع لو في منطقة مفيهاش تغطية (الأنفاق .. طرق السفر البعيدة) .

أما من خلال الـ aux فبيكون الصوت جاي مباشرة من mp3 player بواسطة سلك واصل للكاسيت اللي بطبيعة الحال بيكون صوتة نقي مفيهوش خروشة زي الراديو .

وبصورة تانية الفرق بيبقى زي الفرق بين صوت اسطوانات السي دي وبين صوت الراديو .