دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

**ashraf122** · 02-06-2008 03:04 PM

متشكر جدا يا باشا بتعبك معايا و ادعولى يا جماعة بكرة الصيانة

**sh23** · 03-06-2008 10:06 AM

المشاركة الأصلية كتبت بواسطة ashraf122

متشكر جدا يا باشا بتعبك معايا و ادعولى يا جماعة بكرة الصيانة

====
يل يريت لما ترجع بالسلامة تبلغنا كنت في اي مركز والمعاملة كانت إزاي ولو فية مشاكل علشان أن قربت علي صيانة ال10 آلاف

**ashraf122** · 04-06-2008 12:52 PM

المشاركة الأصلية كتبت بواسطة sh23

====
يل يريت لما ترجع بالسلامة تبلغنا كنت في اي مركز والمعاملة كانت إزاي ولو فية مشاكل علشان أن قربت علي صيانة ال10 آلاف

السلام عليكم - الحمد الله اليوم عدى امبارح بدون مشاكل انا رحت ابورواش و ميعادى كان 9.30 صباحا ووصلت فى الميعاد و المهندس قال لى العربية حتخلص الساعة 12.30 و فعلا الساعة 12.15 ندهوا عليا علشان ادفع الفلوس واستلم العربية
بالنسبة للمعاملة كانت كويسة المهندس سمع كل كلامى و سجلوا فى ورقة الفحص و العربية طلعت نظيفة و بالكيس على الدركسيون و الكرسى بس الحاجة اللى ضايقتى ان مفيش حد بيسلمك العربية و يقولك حصل فيها اية او اي ملاحظة اثاء فحصها انت بتدفع الفلوس و تستلمها من الباب اللى وراء
انا خلتهم يفحصوا كل حاجة زى ما الاستاذ احمد نصحنى و فعلا العربية الفتيس اتحسن جدا عن الاول و لقت الزيت برضة فوق علامة f انا حطيت شل الترا بس لونة زى اللى كان فى العربية الاول
ربنا معاك فى صيانة الالف بس نصيحة احجز ميعاد وروح بدرى بيكونوا رايقيين قبل ما المشاكل تبتدى

**bassam nagy** · 04-06-2008 07:37 PM

المشاركة الأصلية كتبت بواسطة ashraf122

معلش يا استاذ احمد كالعادة واجع دماغك انا كملت الالف كيلو امبارح و قلت اجرب التكييف و لما شغلتوا على السرعة 3 مكنش عامل تاثير و زودة الى 4 بس حاسس انه مش بيسقع كويس تفتكر اخليهم يبصوا علية فى الصيانة انا رايح يوم الثلاثاء
كمان فية سوال الزجاج الكهرباء اللى جنب السواق مش المفروض يفتح بالكامل من دوسه واحده ولا لا .....معلش طولت عليك

بالنسبة للتكييف حاول تجربة وانت ماشى على الخامس لفترة لو ماجبش نتيجة يبقى زى ماقال احمد

**Ahmed Anwer** · 04-06-2008 08:03 PM

يا جماعة الموضوع ده كنت عامله عن الماتريكس المعدلة ،،

يا رب يعجبكم ،،

http://www.nilemotors.net/Nile/showt...204#post172204

**bassam nagy** · 04-06-2008 08:08 PM

الف شكر ياحمد على المواضيع الجميلة دى

**bassam nagy** · 06-06-2008 03:27 PM

بعد اذن باشمهندس عاطف
دى ارقام تليفونات مهندسى ابو رواش للى محتاج اى استفسار

**liquidator** · 06-06-2008 05:08 PM

برافو عليك يا بسام والله .. بس ايه هما كانوا معلقين الورقه دي هناك ؟

**bassam nagy** · 06-06-2008 10:40 PM

اة كانت هناك قبل مدخل المعرض وصورتها بالموبيل ودى خطوة كمان من التوكيل لتحسين العلاقة مع مالكين هيونداى

**maroveno** · 07-06-2008 12:47 PM

شباب الماتركس
صباح الجمال
يمكن دى أول مرة أشارك معاكم بس دا عشان انا المروض استلم العروسة انهاردة
مكنتش احب انى ابتديها بطلب بس للاسف ما باليد حيلة.
انا هستلم 1600 اوتوماتيك موديل 2005 و كعادة العرب و المصريين مش بيحتفظو بالمنيوال او الكتالوج الا القليل منهم. عشان كدا و نظرا لاهمية المانيوال كنت باطلب من اى اخ منكم عاندو لينك للمانيوال او عاندو على الكمبيوتر يا ريت يشاريكنى.
بصراحة انا فليت الموضوع كله من بدايته. و ماشاء الله عاملين شغل مية مية.
شكرا على مجهودكم الرائع
مروان