الموضوع: طب بتحب فيها ايه ؟؟؟

المشاركة الأصلية كتبت بواسطة a0abde01

يا سلام بقى على طبق فته كوارع بالخل والتوم
دا بقى متفرقش في الفجر واللا عز الحر انت مجرد ما تبتدي تاكل تدخل في غيبوبه غذائيه ما تخرجش منها اللا بعد الفته ما تخلص
يا سلام بقى لو قمت تغسل ايديك الملزقه لقيت الميه مقطوعه
دماغ الكوارع تطير منك في ثواني
بس سيبك احلى دماغ كوارع تلاقيها في مصر في اى حته وفي كل حته من جاردن سيتي الى زعربانه

يا سلاااام :D أنا أصلا جعان لوحدي مش ناقص خالص ....... أنا بعشق حاجة أسمها فتة .... يلا معلش خليها بكرة ان شاء الله :p

والله يا جماعة ماحدش بيحس بقيمة مصر غير اللي يخرج منها حتى لو رحت احسن بلاد الدنيا برده هاتشتاق لمصر. يعني مثلا انا ما بحبش اتفرج على الفناة المصرية الفضائية ديه خالص لأنها عقيمة جداً. بس بره مصر ياااااااااااااه اجمل قناة بتفرج عليها.
عمرك ما هتلاقي عادات وتقاليد في الدنيا اجمل من عاداة شعبنا وخفة دمه وارتباطه ببعض. ومتنساش ان احنا في رباط الى يوم الدين بشهادة سيدي وحبيبي رسول الله صلى الله عليه وسلم

وهتلاقي معظم اللي بيتكلمو في الموضوع ده من الناس اللي سافرت برة مصر

المشاركة الأصلية كتبت بواسطة hazem_khidr

خدو تفائـــــــــــــــل بقي.:)
انا بموت في حاجه اسمها مصر
كنت في دبي و كل يوم اتفرج علي اي حاجه من مصر و يبقي هاين عليا انط جوه شاشه التلفزيون!!!!!!!!!!
بحب اهلي و صحابي و المنتدي و شوارع مصر و تراب مصر.
بحب الوشوش الطيبه اللي في الشارع
بحب امشي بعربيتي و اسمع محمد منير
(النيل سؤال و مازال ما جاش عليه الرد من اد ايه و لفين ما قالش عمره لحد و لا بيوصل )

و احمد منيب
(بابا يا بابا يا ضي عنينا مين بتحب الاكتر فينا
اسمعوا يا حبايب قلبي يا زهور العمر الوردي لما الايام بتعدي برسم فيكم حلامي.
دا انت يا حبيبي الورده و انت يا روحي الياسمينه )
و لما انزل القاهره و بالليل اتمشي علي الكورنيش و اسمع حبيبي يا متغرب لفايزه احمد
و طبعا احباب لورده :)
يا سلاااااااااام ببقي في قمه سعادتي .
بفرح لما بلاقي مولود جديد في العيله
يفرح بحاجات كتير اوي .
بس طبعا زي اي مصري بضايق من سواقين الميكروباصات و الزحمه و زنقات الشغل .
بس الحمد لله فرحي و سعادتي مغطيه علي اي شئ و ربنا يدمها عليا نعمه و علي جميع المسلمين :)

والله الواحد فرح لما شاف الكلام ده ..... ربنا يكرمك يا حازم باشا ... الواحد أمبسط قبل ما ينزل يروح الكلية يشوف نتيجته :D:D:D أدعولي

المشاركة الأصلية كتبت بواسطة abdelaziz-waleed

والله يا جماعة ماحدش بيحس بقيمة مصر غير اللي يخرج منها حتى لو رحت احسن بلاد الدنيا برده هاتشتاق لمصر. يعني مثلا انا ما بحبش اتفرج على الفناة المصرية الفضائية ديه خالص لأنها عقيمة جداً. بس بره مصر ياااااااااااااه اجمل قناة بتفرج عليها.
عمرك ما هتلاقي عادات وتقاليد في الدنيا اجمل من عاداة شعبنا وخفة دمه وارتباطه ببعض. ومتنساش ان احنا في رباط الى يوم الدين بشهادة سيدي وحبيبي رسول الله صلى الله عليه وسلم

وهتلاقي معظم اللي بيتكلمو في الموضوع ده من الناس اللي سافرت برة مصر

يا سلاااام :) طب ما طلع في ناس اهي بتحب حاجة في مصر .... زي ما بقولوكوا .... مينفعش كل الناس تبقي كده :D و باين كده أنك أتغربت كتير قوي يا وليد باشا :)