يا جماعة رايكم على عيني و راسي
انا كمان راكب ميجان و بقول رايي بصراحة
انا بقول بوضوح اني كنت راكب عربية بامكانيات مناسبة و يسعر قطع غيار لا يذكر و ما حاولتش اقارن بين الاتنين خالص
بس في النهاية العربيتين كانوا بيوصلوني في نفس الوقت و الاتنين كنت راكب على كرسي و في التكيف و الاتنين فيهم باور
بس فرق السعر في الصيانة شاسع مع كامل احترامي للميجان بس في النهاية هى عربية
انا هقلكم اني ركبت الاكسل اربع سنوات غيرت البوجيهات مرة واحدة و مغيرتش فلتر البنزين ابدا و مغيرتش السيور و لا مرة و كنت شاريها مستعملة و الكبالن مرتين
انا مرة الميكانيكي قالي طلمبة الميه عمرها الافتراضي خلص كنت زعلان جدا و جبت طلمبة كاملة جديدة بملاليم
في الميجان عرفت من الناس انك بتغير طلمبة المياه كل 60 الف و هي شغالة و مكنتش فاهم الفكرة بتاعة الموضوع دا
بس عموما الميجان عربية حساسة و بتحتاج صيانة كتير
دا راي و بقولة بعد بحث طويل
في النهاية هي عربية مش اكتر من كدا
المفضلات