الموضوع: شوية اسئلة عن الشاهين

السلام عليكم .. كيكو باشا .. أسمحلي أشارك بمعلوماتي القليلة !!


المواتير حقن الوقودد بتاعت الشاهين "من 2006 و طالع لحد 2009"

كلها single point injection

بمعنى .. رشاش واحد فوق البوابة !! :)

المواتير دي نوعها
فيات .. لانشيا !!

أنا اتفاجات لما كنت بشوف عربيتي و عربية صاحبي .. الاتنين شاهين .... بتاعتي 1400 ، و هو 1600

و الاتنين أنجيكشان !! .. كان الموتور منقوش عليه ... "fiat - lancia"

بالنسبة للموتورين ...

ال 1400 >>>... 78 حصان ,,على 5500 أر بي أم

أقصى عزم ،، 104 نيوتن متر \ 3500 أر بي أم

بالنسبة لل 1600

96 حصان ... على 5500 أر بي ام برده !!!

معرفش أقصى عزم كام على كام لفه !! :((
===========================

الموترين جامدين جداً ماشاء الله

عند المقارنة بين الموتورين

التسارع .. مفيش فيه فرق جبار !!! بمعنى ... هو تجميع عربيته ال 1600 .. كويس ... و لكن لا يقلل من ال 1400 بتاعتي.. الفرق بالثواني مش اكتر !!

طبعاً ال 1400 موفر في الأستهلاك .. و لكن في حالة وججود تكيف ... او سفر كتير .. او حرق كتير و اجهاد للعربية

اداء ال 1600 حيكون أحسن ... :)

=======================

بالنسبة للصيانة .. سهلة الحمد لله ...

و قطع الغيار متوفرة و تقريباً كل صنايعية مصر بيعرفو يشتغلو في مواتيرها .. و لكن الكاربراتير !!!

اما الأنجيكشان !! مش اي حد !! لأن مش أي حد عنده الجهاز الي بيقرا الكومبيوتر "بتاعها هي" !! :)


استهلاك البنزين تقريباً واحد في ظروف السواقة الواحدة !! و لكن عند تشغيل تكيف .. الأستهلاك بيزيد !!

اداء ال 1400 في التكيف وححش :((
ال 1600 حيكون كويس .. لأنه موتور اقوى

حكايتها مع ال 80 .. معرفش بظبط :((

بس عامةً العربيات الأنجكشان بتكون محتاجة أوكتان نامبر عالي !! علشان الحرق يكون كويس !!

و لكن حسب تجارب ناس اعرفها مع العربية دي ،، البنزين مش بيفرق معاها غير في الحرق.. يعني لو أنت 80 و انا 90 و شدينا مع بعض .. عربيتي حتطلع منك بسهولة !!!

=======================
الأسعار معرفش :((
=====================

نصيحة .. لو ناوي تسقط موتور .. حدد الول سواقتك أيه نظامها ؟؟

عادي ،، يبقى ال 1400

شد و بتاع يبقى ال 1600

مش عايز أقفلك منها ... لكن المواتير الأنجيكشان بتاعتها .. لو ناوي تعدل فيها .. حتطلع عينك !! عشان كده لو ناوي تخرط في البساتم .. أو تغير وش سليندر ب اتنين كامة ...

يبقى جيب موتور كاربراتير !! علشان مش أي حد بيعمل أي سي يو ريمابينج للمواتير الفيات لانشيا في مصر .. حتدوخ ... و حتلاقيه غالي !! :)

تقبل مروري :)