الموضوع: شوية اسئلة عن الشاهين

المشاركة الأصلية كتبت بواسطة keko

يعنى لو سقطت موتور شاهين اجيب كاربراتير مش انجيكشن

لييييه بس يا باشا !!! ؟؟؟

الأنجشكان .. "أوفر.. و أسرع في التسارع .. و مبيسقفش معايا على فكرة !!! ولا بيعمل أي حاجة "

و مش بيمانع لو أستخدمت 80 ... بس بيدي أداء جميل على ال 90
أو ال 92

شوف حضرتك حتعمل فيه ايه

ناوي تخرط في البلوك و توسع سليندرات .. و تحط وش سليندر 2 كامة و تربو و حاجات زي كده .. يبقى خليك في الكاربراتير أحححححسن !! لأن كل ده محتاج أي سي يو ريماب .. و ده مش حتلاقي حد في مصر بيعمله لموتور اللانشيا الأنجيكشان الي في الشاهين

ناوي يادوبك فلتر سبور .. و ديفيل و كده !!

يبقى النجيكشان

و كمان أحسن حاجة أن العربية دي بتدي أحححححسن ادااااااء .. في السحب و الحرق مع البوجيهات بتاعتها هي "بوش" و دي نفس نوع الرشاشا الي فيها و الي ال أي سي يو متبرمجه عليه ... هو البوجيه ليخ رقم معين .. بيتجاب .. و بيتحط في العربية ... و أتفرج على سحبتها ماشاء الله !!!
طالع بيها من عربية لانسر بومة مواصفات خليج 1600 أتوماتيك !! :))

و مكنش عارف يحصلني خاااااالص !!!!!!!

فحضرتك شوف ناوي تعمل ايه في الماتور ؟؟ و شوف المناسب للمزانية .. و قرر :)

هو الفرق بين ال 80 و ال90 ..

مش ان ال80 فيه وساخة !!!
لا

أن ال 80 الأنثالبي بتاعه أقل من ال 90 "المحتوى الحراري" .. يعني لو حرقت مول واحد من بنزين 80 حيديك "مثلاً" 50 جول
لكن لو حرقت واحد مول من بنزين 90 حيديك 100 جول ... ده الفرق بين ال 80 و ال 90

مش في شوائب ولا حاجة ... و لكن حاجة أسمها الأوكتان نامبر .. و ده بيقيس قدرة البنزين و كافئته في الأحتراق .. مش أكثر :)

يعني من الاخر

بنزين 80 .. مش حيبوظ رشاشات .. ولا حيخليك تغير فلتر بنزين بدري عن معاده !!

لالا .. حيبقى عادي زي ال 90 بظبط ... و لكن حيفرق في الأداء ..

كبس الموتور مش حيكون بنفس القوة ... و أدائه حيقل عن الأداء في حالة أستخدام ال 90

رجو أن أكون افدتك ... :)

المشاركة الأصلية كتبت بواسطة keko

تمام يعنى افهم من كده ان ال80 فى الانجيكشن مش بيزود المصاريف على صيانة الموتور بس بيكون اداؤه مع ال80 اقل من المواتير الكاربراتير بس لو مع 90 بيكون اعلى
ولا اداء انجيكشن باى حال بيكون افضل من الكاربراتير حتى مع ال80

أداء الأنجيكشان في كل الحوال أفضل من الكاربراتير .. توفيراً و أداءاً ...

مصاريف الموتور مش حتتأثر بنوعية البنزين .. لكنها تتأثر بطريقة الأستخدام للموتور .. "حرق على طول .. يبقى صيانة دورية أكتر.. من زيوت و فلاتر و هكذا..."

الأنجيكشان .. بيكون أدائه مع ال 80 افضل من الكاربراتير مع ال 80 .. و يوازي الكاربراتير مع ال 90

و لكن ادائه زباالة .. بالمقارنة مع أنجيكشان زيه .. بنزين 90 أو 92

:)

المشاركة الأصلية كتبت بواسطة madaxman

انا قولت بدل ما اعمل موضوع جديد اكمل هنا واعذروني اني هخرج عن الاطار
العربيه سحبها بقا ضعيف يعني من بعد الميه بتاخد وقت عشان توصل لل 120 ولو حبيت ازود ساعات تجيب وساعات لأ انا اتخنقت بصراحه ومش عارف ايه السبب

دبرياج ، فلاتر ، زيت ، تاكيهات .....

أتأكد من سلامة كل واحد ..رتبتهملك من الأكثر أحتمالية .. للأقل ... :)