الموضوع: طلب مساعدة من اعضاء قسم تويوتا !!

الحمدلله على سلامة الركاب
بس و الله محترمة, ده حتى الإزاز ماتشرخش ما شاء الله
رأيي الشخصي مع البيع حيث إن في بلدنا العزيزة لا اظن إنهم هيعرفوا يرجعوا العربية لحالتها و في التوكيل حتتكلف اد كده و لو بره يبقى خلاص ضمانها انتهى
ربنا يوفقك للي فيه الخير

السلام عليكم
قدر الله وما شاء فعل
ن شايف من الصور انى الجزء الامامى متضرر جدا بما فيه الشاسيه بتاع العربية متضرر ضرر كبير وكمان الايرباج انفتح والايرباج لوحده يخشله فى 23 او 25 الف جنيه فى التوكيل ومنظر العربية كده لو كنت مأمن عليها كانت التكلفة للاصلاح فى التوكيل حتتعدى 90000 او 100000 الف كمان وكانت حتخش اهلاك كامل بس للاسف انت مش مأمن ولو دخلتها بره التوكيل او جبتلها نص امامى التكلفة فعلا حتقل بس عمرها ما حترجع زى ما كانت خاصة انى الشاسيه متضرر . والمتور بتاع العربية ممكن يكون متضرر من الداخل كثيرا والمشكلة انى قطع الغيار غالية جدا
فأنا اقترح وانا اسف على هذا الاقتراح انك تبيعها على حالتها ممكن تجبلك اى مبلغ واستعوض ربنا فى الباقى
وشكرا

متشكر لكل الاعضاء اللي شاركوا ف الموضوع

وانا شايف ان اغلب الاراء بتقول يبيع العربيه طب دلوقتي العربيه تقريبا لو اتباعت تجيب كام؟؟

علشان صاحب العربية اصلا ميعرفش تمن العربيه تقريبا علي حالتها كده هيبقي كام ؟؟

وفي واحد اقترح عليه انه يبيع العربيه في الحرفيين وهما هناك بيقطعوها وهيلاقي هناك سعر كويس , ولا يبعها للتجار اللي بياخدوا عربيات الحوادث؟

فممكن مساعدة في تحديد ثمن العربيه علي حالتها وافضل مكان تتباع فيه العربيه ؟

ومشكوووووور مقدما